انشودة عن الاب

[للابتسامه معنى]

السلام عليكم بليييييييييييييييييييييييز ابغى انشودة عن الاب وهذا المقطع منها تكفون بسرعه ( الله يبيحك كل ما حل طاريك ويرحمك ربي في نهار .....)
او اسم الشريط اللي موجودة فيه

[حبيبة جدتها]

اختي روحي لتسجيلات وقولي


ابغاء شريط أمي الحبيبة من انتاج صوت الطفولة


وان شاء الله يعجبك الشريط


تقبلي مروري المتواضعك

اختك : حبيبة جدتها

[ريامة]

وعليكم السلام عليكم ورحمة الله وبركاته


هلا اختي ...


تفضلي النشيد...


[media]http://www.abu-hamza.com/mp3/abe.mp3[/media]


للحفظ..


الرابط مباشر..


وهي من شريط أيام للمنشد سمير البشيري..


واسم النشيد بالصوت أعزيك..


وهذي كلماته..


عجزت انا يا بوي بالصوت اعزيك ..
تخنقني العبرة وجفت دموعي ..
لو البكاء يرجعك يا أبوي نبكيك ..
لاشك درب الموت ما به رجوعي ..

لو الدمع يا أبوي لو سال يبقيك ..
نذرف كثير الدمع طول السبوعي ..
الله يبيحك كل ما حل طاريك ..
يرحمك ربي في نهار يروعي ..
عزيز في ربعك حنون بأهاليك ..
كريم بضيوفك ولو هم جموعي ..
يا ما ضعيف الحال شلته بأياديك ..
قمت وحميته من قريب قطوع ..
الله يبيحك كل ما حل طاريك ..
ويرحمك ربي في نهار يروعي ..

عجزت أنا يا أبوي بالصوت أعزيك ..
تخنقني العبرة وجفت دموعي ..
لو البكاء يرجعك يا أبوي نبكيك ..
لاشك درب الموت ما به رجوعي ..

تاقف مع المحتاج هذي مماشيك ..
ويشهد على قولي كثير الربوعي ..
عساك في الجنة تقطف بأياديك ..
أثمارها يا أبوي من كل نوعي ..
عسا العرب من بعد طيبة لياليك ..
في واحد لاعه من الدهر لوعي ..

الله يبيحك كل ما حل طاريك ..
يرحمك ربي في نهار يروعي ..

عجزت أنا يا أبوي بالصوت أعزيك ..
تخنقني العبرة وجفت دموعي ..
لو البكاء يرجعك يا أبوي نبكيك ..
لاشك درب الموت ما به رجوعي ..


دعواتج حبيبتي..

[للابتسامه معنى]

تسلمين اختي ريامه وجعله الله في موازين حسناتك

ومشكورة حبيبه جدتها على الشريط