بسم الله الرحمن الرحيم
كيفكم بنات حواء ان شاء الله تكونوا بخير
كيكه الفراوله لسلومه وسلومه دى بنتى الكبيره امس كملت 11 سنه
وحبيت اعملها كيكه وافرحها وها هى ايش رئيكم
نجى للطريقه انا عملت سويسرول مقداره
5 بيضات - فانيليا
1 كوب سكر
1 وربع كوب دقيق
1 ملعقه كبيره بيكن بودر
ضربت البيض والفانليا كويس ثم ضفت السكر وسبته حوالى 10 دقائق يضرب فى الخلاط ثم ضفت الدقيق ووضعت العجينه فى قالب السويسرول ولما خرج من الفرن سبته يبرد شويه وحطيت مربى ولفيته ودخلته الثلاجه ساعه
وبعدين طلعت السويسرول من الثلاجه وقطعته ورصيته فى صينيه تكون بتتفتح بالشكل دى
وعملت خليط فى الخلاط عباره عن 3 دريب ويب \ علبه قشطه \ 1 كوب عصير فراوله مركز يعنى عصير فراوله وسكر بدون اضافه ماء \ علبه جيلى فراوله مدوبه فى نص كوب ماء \ 2 ملعقه كبيره جيلاتين مدوب فى قليل من الماء
وحطيت نص الخليط على الكيكه وقطعت عليها فراوله
وبعدين حطيت باقى الخليط كله ودخلتها الفريزر ساعتين
ولما خرجت من الفريزر زينتها بقطع الفراوله والهرشى بالفراوله
ودى كان الشكل النهائى
وهنا من قريب
ودى صحن لاخواتى وحبايبى بنات حواء
وطعمها طلع راااائع
يارب ينال اعجابكم وفى انتظار رئيكم
مواقع النشر