السلام عليكم ورحمه الله وبركاته ^^
شحالكم ،، احم اليوم عنا صالونه سمج
وانا شخصيا ً أحبها وايد ^^
فاليوم صورتها مب انا اللي سويتها للعلم فقط ‘‘
اول شيء انييب السمج حسب عشر قطع مثلا ً ونغسلهن بالماي عدل
انييب يدر ونحمس البصل مع شويه زيت منارة ^^
خلاف انحط خاشوقه ثوم ( حن عنا ثوم مطحون )
ونحمس
وخلاف انضيف الطماط
ونحمس
وخلاف انضيف البهارات ( 1م بزار - 1م كركم - 1/4م فلفل احمر - ام قرفه - 1/4 م هيل )
ونحمس
وخلاف علبه ماجي
ونحمس
وخلاف نضيف الكزبرة
وخلاف علبتين صلصل او معجون طماط
خلاف ماااي حااار لنص اليدر تقريبا ^^
وبعد ما يغلي نحط السمج ^^ لين ما تصير عنا صالونه شوي شوي ثجيله ^^
هنيه نعصر ليمونه فالصالونه يعطيها طعم حاامض ^^ حلوو
احينه العيش ^^
انييب يدر ونحط فيه ماي حار للنص فقط
انحطه ع النار ونحط خاشوقه مب متروسه ملح
يوم يغلي نحط العيش ونخلي يستوي ع النار
ويوم نتاكد ان حبته استوت نشخله فمشخل العيش
ونحط خاشوقتين سمن
واخيرا ً
وهنا وعافيه ^^
مواقع النشر