[align=center]صديقاتى الاعزاء انى احبكم فى الله
اعلم ان اى موضوع لا يمكن ان يكون جميل غير بالصور لكن اعذرونى ما عندى الان صور للاكلة هذة بس اوعدكم انى اصور لكم القادم باذن الله
اولا صنية الكفتة بالبطاطس
المقادير
نصف كيلو بطاطس مقشرة ومقطعة حلقات او دوريات
نصف كيلو لحمة مفرومة ناعم
ملعقة من كل من (فلفل اسمر _قرفة_ملح كسبرة ناشفة )
واحة ربطة بقدونس اخضر مقطع قطع صغيرة
عدد 3 بصلة مفرومة ناعم +1 بصلة مقطعة حلقات مثل البطاطس
عدد علبة معجون طماطم او نصف كيلو طماطم عصير +ملعقة سمنة كبيرة
نبدا الاول نعمل الكفتة نضع على المفروم الفلفل الاسمر والكسبرة والبقدونس والملح
ونخلطهم كويس حتى تختلط المقادير مع بعض
نحضر صنية او طاجن الفرن ونشكل خليط اللحمة على شكل صوابع كفتة ونرصها فى الصنية او الطاجن
نحضر البطاطس ونرصها فوق الكفتة والبصلة ايضا فوق البطاطس ونحضر عصير الطماطم او المعجون ونضعهم فوق المحتويات مع ملعقة سمنة ومكعب مرقة فورية نغطى الصنية ونضعها على النار حتى تغلى ثم نفتح الفرن من تحت ونضع الصنية وعندما تسوى البطاطس تقفل الفرن من تحت ونوقع الشواية حتى يتحمر وشها
فى اثناء الصنية او الطاجن ما يستوى فى الفرن نعمل الارز المفلفل
المقادير
نصف كيلو ارز مصرى +حوالى 4 ملاعق زيت زرة +ملعقة ملح
الطريقة نغسل الارز كويس نضع الزيت فى حلة مناسبة وعندما يسخن نضع ربع الارز على الزيت حتى يتحمر ولونة يكون اصفرثم نضع علية بقية الارز وقليل من الملح ونغطى الحلة حتى تغلى
ثم نخفض النار علية ونتركة حتى يتشرب كويس ويستوى
وبالهنا والشفا واتمنى تجربو الاكلة دى وتعجبكم[/align]
مواقع النشر