تنظيف الطفل:التخلص من الحفاض

[بالونه مفشوشه]

وانا والله بنتي توها خلصت السنتين وابي اعلمها اشلون

[دلوعة مجود]

أخواتي الغاليات أنا جربت مع ولدي طريقه حلوه ولسه تو ابدأ فيها
والحمدلله الى الان النتيجه ممتازه طبعآ انا ماشلت الحفاظ بس ببدأ معه خطوه خطوه لين يفهم لان مره وحده تفكي الحفاظ صعبه على الطفل انو يتعلم جربوا طريقتي وراح تدعولي
اول شي علمته لو يبي يتبرز الله يكرمكم يروح الحمام والحمدلله فهم
ومره ينسى ومايتذكر الا بعد مايسويها بالحفاظ بس مااخاصمه ولااضربه
لان هذا الشي يسبب له عقده نفسيه وراح يكره الحمام بسبب الضرب
بس اقول له نسيت مو مشكله المره الثانيه تسويها بالحمام طبعآ مع التشجيع والكلام الحلو وراح يفهم الخطوه هذه بسرعه
بعدها الخطوه الثانيه انو يتبول بالحمام الله يكرمكم
في البدايه بيتعبك بس بيتعلمها بسرعه لان مرت عليه وصار فاهم
وطبعآ ماننسى المراقبه من الام لان الطفل مع اللعب مايمسك نفسه لذالك
كل بعد ساعه دخليه الحمام بدون مايطلب ولو شرب كثير كل بعد نص ساعه
اهم شي انو نبتعد عن الضرب والعصبيه بوجه الاطفال لان بيفهموا ويتحسسوا من هالشي..
دعواتكم يالغاليات ومشكوره ياصاحبت الموضوع تقبلي تحياتي لك

[لـــمــــار]

بنتي سنه و10اشهور كنت قبل 5اشهور لمن اجي اغير الحفاضه اقول لها يع حمام كل مر والحين تقولي بعض الاحيان ماما يع حمام تطلع صادقه وتبول و بعض الاحيان ادخلها بعدين تجلس تلعب بامويه وفي اغراض الحمام واطلعها احس انها بس تبغى تتلعب

[ام ايوب 2]

ربنا يعين كل الامهات
احسن سن لتعلم الحمام من وجه نظري سنتين
الطفل الاول بيتعب شويه لانه ما يشوف احد بيروح الحمام
بس ابدئي بتدرج معه اول شي وديه الصبح اول ما يصحا من النوم
بعدين فكريه ووديه بين الوقت والاخر كلما ذكرتي وخليه بالحفاضه الى ان ياخذ فكره عن الحمام
بعدين ابداي لما تكوني متفرقه تخلينه بدون حفاضه وتودينه كل فتره وفتره
نصيحه خلي الامر عادي لا تكثرين له مديح ولا تخاصمينه ولا تضربينه اذا سواها على الارض بس بيني له قرفك وانه عمل حاجه مش حلوه
وحاولي كل يوم تزيدي الفتره الي تخلينه بدون حفاظه بس حاولي لا تنسينه الى ان يتعود
والله يعينا على العناد
في اولاد ماشاء الله بسرعه بيتعلمو وفي بعضهم يبي له وقت
وعلى فكره الطفل الثاني والثالث بيتعلم من اخوانه
وبيطلب الحمام كلما شافهم
هذه تجربتي احببت ان افيدكم وربنا يعين الجميع