أهلين بنات شخباركم
طبعا هالمذكرات راح تكون كل ما ذكرت شيء واللي عندها أي موقف تكتبه لنا خلونا نضحك عليها شوي
~*¤ô§ô¤*~*¤ô§ô¤*~الفصل الأول~*¤ô§ô¤*~*¤ô§ô¤*~
إبتدائي
كنت في خامس وكان الكويت جايين عندنا أثناء الغزو وكانت جالسة جنبي وحدة هااااااااااادية جدا وطيوبة وحليوة جدا جدا ما تسمعين لها حس المهم بعد فترة بديت أشتكي من القمل وقلت لأمي وقالت لمربية الفصل ونادتني مربية الفصل وأنا مستحية جدا منها " وهي طيبة جدا وكنت أحبها على طيبتها" المهم سألتني قالت لي فيك قمل قلت لها أي قالت طيب خلاص أنا بغيت في هذيك اللحظة أن الأرض تنشق وتبلعني حسيت أني منحرجة جدا
جاء من بكرة رشوا شعور المدرسة كلها " بارا" قاتل القمل وانتهت المشكلة
ثاني موقف
الرائي كالفاعل
في صف سادس
كنا مجموعين فصلين وكانوا ممددين الفسحة لأجتماع المعلمات طبعا أختلطت شلة الفساد مع بعض وبدئوا يطبلون على الطاولات
وقامت بنت ربطت وهات يا هز مصري
وحنا الهاديات بس نتفرج عليهم والله ما سوينا شي
يوم خلصت الفسحة " كان بتجينا معلمة معروفه أنها قاسية وتضرب " معلمة رياضيات
وقفت الفصل كله وبالمسطرة كل وحدة على أربع طقات كل أيد طقتيني ما شاء الله عليها ما تعبت
على أن حنا تقريبا ستين طالبة
بس والله أدينا صارت حمرة
الموقف الثالث
بعد يوم يجون الكويت كانت في فصلي سارتين يعني سارة سعودية وهي بنت جيرانا وقريبتي في نفس الوقت وسارة كويتية حبوبة وعصقولة ومرحة
والفصل زحمة حده ما فيه نفس
وهم ماشاء الله عليهم قاعدين يلعبون حول الكراسي يكندسون راسهم ويتلاحقون من الفضاوة
والأبلة ما تدري عنهم قالت واحد من الطالبات أبله عندك سارة وسارة
قالت البلة : سارة وسارة وفرفارة
ما أنسى هالكلمة كل ماذكرتها ضحكت
أتمنى المواقف تعجبكم وأتحفونا لا تنسونا
مواقع النشر