ختام الاسبوع وسفره جديده سفرة اليوم الخامس
منظر عام للسفره
ندخل في التفاصيل بسم الله
محاشي (( كوسا و فلفل وبطاطس )) (( من يد امي وانا ساعدتها ))
الحشوه
نكشن بصل وثوم لمن تذبل ونزيد البهارات والماجي والصلصل
بعدين نزيد الطماط المعصووور ونتركها تتسبك
اذا استوت الصلصله نزيد الرز المصري المنقوع مع كزبره وبقدونس وشبت
وملعقة نعناع منشف ونحشي الخضر ونصفها في صينيه للفرن ,,
المرقه ي الخلاط طماط وماجي وشوي ملح وصلصل وبودرة الثوم
نغليها مع كاس ونص ماء ونصبها على الخضر وندخلها للفرن
تاخذ تقريبا ساعه ونص على حسب حجم الخضار ..
ملوخيه با الدجاج (( من يد امي ))
طريقتها جديده لان كل مره نسويها با مرق سلق الدجاج
اليوم سوينها مكشنه بصل ودجاج وطماط وشوي صلصل
وكمون وكزبره نزيد المرق ونظبط الملح ونحط الملوخيه المطحوونه
ونتركها على النار قبل التقديم نحمر ثوم في زيت زيتون وكزبره خضار
ونطشها على وجه الملوخيه ..
ماسالا الدجاج (( من يدي ))
نكشن بصل لما يحمر شوي ونحطه في الخلاط مه كزبره وعلبة زبادي
وفص ثوم ونردها على النار اذا غلت نحط قطع الدجاج ونتركها 10 دقايق
في الخلاط نحط طماطتين وملعقة صلصل وملعقتين جوز هند وشطه
ونحطها على الدجاج نتركها تتسبك وعليكم با العافيه..
وقدمتها مع رز با الشعيريه (( من يد امي ))
مكرونة دجاج نزلت الطريقه في اليوم الاول (( من يدي ))
شوربة كويكر با الدجاج طريقتها العاديه ..(( من يد امي ))
مقبلات حاره ,,
كلوب سانويش (( من يدي ))
محشي برجر لحم ,, بيض مقلي ،، طماط وخيار ,, مايونيز با الليمون ,, جبن شرايح ..
سمبوسة لحم (( من يدي ))
وكا العاده مغمسه في لبن وطحين ..
الــحـــلـــو
شعيريه نزلت طريقتها في اليوم الاول
لقيمات نزلت طريقتها في اليوم الاول
كيكة التوت عروووس السفره لليوم الخامس ,, (( من يدي ))
المقادير
نص كاس سكر
4 بيضات
ثلث كاس زيت
فنيلا
1 كاس صير توت
2 كاس طحين
1 ملعقه طعام b b
طريقه
نسوي الكيكه عادي مثل أي كيكه وندخلها الفرن
اذا استوت وهي حاره نسقيها كاس من عصير التوت وندخلها الثلاجه ,,
اذا بردت تمام نزينها با
2دريم ويب ,, نص كاس حليب و 6 جبن كيري وملعقتين سكر
وعلبة قشطه وندخلها الفريز لمن تجمد الطبقه تمام ,,
اخر طبقه
على النار كاس ونص عصير توتونص كاس ماء ملعقة سكر
و 3 ملاعق نشاء ,, نحركها على النار لمن تثقل ونصبها على الكيكه
وعليكم با الف عافيه ..
ختام الاسبوع اتمنى تكون الاطباق محل اعجابكم وتنوعها مناسبكم
الى اللقاء في اسبوع اخر ..
مواقع النشر