فطور سهل غيييييييييرومميز
طبعا تعبت وانا اطلب النجده بخصوص فطور يكون سهل
وبسيط
والاهم انه يكون مميز
وعشان كذا صرت الفترة الاخيره اركز على موضوع الفطور
واحب التجديد فيه عشان الاولاد
نجي الان لمقادير فطورنا اليوم
نحتاج كاس حليب سواء كان طبيعي او حليب بودرة مذوب بالماء
بيضه
رشة سكر
رشة فانيليا
وتوست
او صامولي مقطع شرائح موروبة
او نقطع التوست بهالطريقه
ثانيا نخلط الحليب والبيضه والسكر والفانيليا
نغطس قطع التوست بالخليط
ونخليها تتشربه
وندهن الصاج او المقلى بشوي زيت
دهن يابنات يعني مو اكثر من ملعقتين زيت
ونحمر قطع التوست
وتقدرين تتفننين بالصوص
ممكن مربى فراولة او اي نوع تحبين
ممكن شوكولاته نوتلا
ممكن صوص الشيرة
ممكن عسل
ممكن ترشينها بشوي قرفه
كل اللي يخطر ببالك ممكن تسوينه
احلى شي تقدمينها وهي ساخنه
بس لاتحطينها بقدر او صحن وتغطينها لانها بتصير لينه مررره
خليها مكشوفه عشان تصير تقرمش
ملاحظة
اي وحده تبي تسوي مقادير كبيرة
تخلط الخلطه لكل كاس حليب بيضه وحده ورشة فانيليا وسكر
اتمنى ان طبخاتي السريعه تعجبكم
انتظر ردودكم
رد مع اقتباس
مواقع النشر