فتاة حائرة ومنصدمة بشأن عذريتها فهل من مسااااعدة لاهنتم ؟؟؟؟

[عصير توت]

وعلى فكرة.. نسيت أقول لك
كيف تقولين بس يتكلمون بالرسايل الخاصة
وأنتي بأول المشاركة ذكرتي إنه بعد ما تكلمه تحس بشي ينزل
كيف بعد ما تكلمه وهم ما بينهم إلا رسايل خاصة في المنتدى؟؟؟

وهذا نص كلامك:_
( صار كل يوم يرسلها ع الخاص ويسولف معها لييين حبته وارتاحتله وحبها وعشق خيالها..
المهم وباختصار .. راحوا واعترفوا لبعض بمشاعرهم وصاروا يتبادلون الكلام الفاضي والغزل .. وتقول البنت انها بعد محادثة طويلة وبعد ماسكرت النت حست بشي ينزل منها ويوم تأكدت شافت سائل لزج ونزل معاه دم ..)


ممكن توضحين لي هالنقطة

[دمعي ولادمع حبي]

كيف بعد ما تكلمه وهم ما بينهم إلا رسايل خاصة في المنتدى؟؟؟

اعذريني أختي لأني ماوضحت كلامي عدل أقصد بعد ماتقرى كلااااامه أو بالأصح بعد ماتقرى رسالته لأنها تقوووول يكتبلها كلاااام غزل موطبيعي ..وأنا ماأقصد تكلمه صوتيا لا قصدت تكلمه عن طريق الكتااابة .. يعني تواصلهم وتبادل الكلاااام كله يكوون ع الخاااص وبالكتابة .. أما أنها تكلمه صوتيا يعني بالتلفون فصديقتي وأعرفها زييين ماتسويها لو ايش يصير .. وبعدين أختي أحسك فهمتي غلط هو ماقالها يفضحها هو قال إن بيسأل عنها البنات اذا كانوا يعرفون شي عنها يعني يمكن قصده ياخذ رقمها أو ايميلها من عند أي بنت لأن مثل ماقلت ترى كل اللي بالمنتدى يدرسون بنفس الجامعة وبسهووولة يقدر يقنع أي بنت تطلع رقمها فصديقتي فضلت سوالف الخاص وبالكتابة على انه بعدين ياخذ رقمها ويكلمها صوتيا ..
وأتمنى تكونين فهمتي قصدي عدل ..
بعدين هي قالتلي انه سألها عن أبوها ووين يشتغل فيه عشان يبي يتعرف عليه .. وبعدين والله البنت مررررة عنيدة والظاهر انها جالسة تنتقم من أبوها اللي خرب عليها وأنا حاولت فيها وقلتلها اكرهيه وانسيه وهي ودها وتبي بس ماتقدر لأن مشاعرها ماتقدر تتحكم فيها وتقول والله لو أقدر أغير مشاعري كان غيرتها بس ماتقدر .. وألحين أنا خايفة يصير لها شي لأن هالانسانة أعزها مررة وهي ماهي حقت هالحركات هذي أعرفها زين وأكثر من نفسي كانت تدرس معي بالثانوي وكانت الأولى على مدرستنا ونسبتها ماشاالله مرررة عالية ومتميزة بين المعلمات والبنات بأخلاقها وأدبها بس مدري ليش صارت تحب ؟؟؟؟

[محبه القران]

الله يكون بعونها

ويستر عليها وعلى جميع بنات المسلمين

[عصير توت]

والله يا دمعي ما أخفيك
الحب فعلاً مشكلة لأنه الوحدة ما تقدر تتحكم بعواطفها ومشاعرها خصوصا لو كانت متعرضة لظروف قاسية من البيت مثل صديقتك هذي
طيب عندي لك حل ثاني قوليه وإن شاء الله ينفع معاه
جربته وحدة أعرفها ورب فكها من مصيبة أكبر من مصيبتها

بعد كل مرة تكلمه ترسل له أو تقرأ رسايله خليها توضأ بإسباغ وتصلي ركعتين تحاول قد ما تقدر إنها ما تسرح فيهم أو تفكر بشي ثاني إلا الصلاة
كل مرة يصير بينهم اتصال خليها تسوي كذا
وصدقيني بترتاح وربي بييسر لها الخير

وهذا هو الحديث الدال على فضل هذا الفعل:_

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : (مَا مِنْ عَبْدٍ مُؤْمِنٍ يُذْنِبُ ذَنْبًا فَيَتَوَضَّأُ فَيُحْسِنُ الطُّهُورَ ثُمَّ يُصَلِّي رَكْعَتَيْنِ فَيَسْتَغْفِرُ اللَّهَ تَعَالَى إِلَّا غَفَرَ اللَّهُ لَهُ)
ثُمَّ تَلَا: "وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ " .

وأي شي ثاني لا تترددين بالسؤال