صباح الخير صبايا توني مزعدة من النوم الوقت عندي تقريبا 6.18 الصباح وناااااااااااصة مع صوت زغزغت
العصافير وازعاج اختي الكبيرة تقول انقلعي سكري النت وانا اصرخ عليها وبقوة وجبروت ع كيفها هي
تمشيني ترني شخصية لايغركم عاد>اقول اهجدي بس محد معطيتس وجه باهالبيت
المهم من المقدمة وش تستنتجون وش راح اقولكم >بتقولين فزورة ع غفلة
المهم في يوم من الايام وانا كنت طفلة مهنا ذك زود من الشطارة وتحديدا>ماش ماتنفع لغة عربية احسن اني شحط
المهم انا كنت بسادس ابتدائي او خامس والله اني ناسية >اجل وشوله تكتبين موضوع
كنت ذك اليوم بالابتدائي وكانت اول سنة دارسية مابعد فكنيها من قراطيسها يعني وكالة>يامالغي هههه
كانت عندنا مادة اسمها تعبير وفي رواية للبالغين انشاء قالت لنا المعلمة عندكم تعبير عن العام الدارسي
الجديد المهم عاد انا والتعبير اصدقاء مرررررة كنت احبه وامطخه من العشق قالت لنا بس لازم
تستشهدون بااية او حديث او بيت شعر او حكمة عاد انا قلت اختار حكمة عشان انسق مع التعبير >وش
علمكم انتم اصلن ماتدرون اني كاتبة شهيرة مثل شكسبير ههه
ومير الله يسلمكم (واكتب العام الدارسي هو اول بداية لنا فيه ويجب علينا ان نجتهد وان نبذل جهدنا
وقعت اهربد عليها تقريبا صفحة ونص للمعلومية تراني اكتب تعبيري عامي وعربي كلهن وهذا ان دل دل
ع ذكائي وخبرتي من يوم انا صغيرة >وش علمتس انتي اقول انثبري ع بالتس انتس سارة الخضيري
المهم وهنا تكمن المصيبة جيت وتشهدت بحكمة طبعا انا اول وحدة تخلص من التعبير عشان اقعد
اسولف وافله فلت حجاج المهم مالكم بالطويلة>كل هذا وماهو بطويلة هههههههههه
واجيتس فالختن الطبولون واكتب ذك الحكمة اللي متحمسة عليه وهو اصلن متناسق مع تعبيري
الموقر واكتب (من جد وجد ومن زرع حصد)وش تتوقعون وش كتبت بدلها من العجلة تراني مرررررة عجولة
يله استنتجوا
وش تتوقعون
فكروا
فكرتوا زين>لاموبيلي
المهم بدل الله مير انه يسلمكم مااكتب (من جد وجد ومن زرع حصد )كتبت (من جد وجد ومن زق حصد)
ههههههههههههههههههههههههههههههههههههههههههههههههههههههههههههههههههههههههه
المهم انا مستانسة يابعدي توني صغيرونة وفرحت اني خلصت بدري ومير اروح لحيليتي >يعني لحالي
واقوله استاذة خلصت التعبير ومير تقراه والصراحة قهرتني يعني مو كذا تربي فشلتني اخذت الدفتر
ضربتني في وجهي وقالت وش انتي كاتبه قلت لها والله تعبير عن العام الدارسي قالت وش ذا تقصد
بيت الحكمة يوم قريته ومير يغدي لون وجهي الون الطيف ههههههههههههههههههههههههههههه حلوة
القصة لكن مايستفاد من القصة:
1.اول شي ابي اغير لقبي اللي ابلشوتني عليه
2.ان طريقة المعلمة هذي ماله داعي حتى لو انا غلطت لاان الطفل ع طول يتعقد تخيلو لو انا تعقدت
وجلست في البيت كان والله مااخلي لها دعوة الا وانا دعاية عليها
3.القصة بتعجبكم غصب عنكم
4.لاتطلعين لاافقع وجهتس اكتبي رد لااني تعبانة عليه ولاالى الان ماافطرت يعني راعي مشاعري
5.كاتبة انا موضوع بالقسم الحياة الزوجية وكاتبة اخرشي استشارية عاد انا اقول كيف تجي ذي استشارية وعندها اخطاء املائية لقيت اني مالي داعي صح
6.اذا شفتوني فيني اخطاء املائية اعرفو اني كاتبة الموضوع وانا مستعجلة يعني مااعيد قرايته
مواقع النشر