اللي سوت فحص الزواج تدخل واللي عندها خبره تدخل

[رهينة افكاري]

السلام عليكم خواتي .... أخباركم؟ عساكم بخير وصحه وسلامه

بدخل بالموضوع انا بنت مابعد تزوجت ولا اعاني من اي امراض الحمد الله انا بصحه وعافيه

لكن عندي فقر دم بسيط ؟ وانا اقصد فقر الدم العادي ... مو امراض الدم الوراثيه .. الله يشفي المصابين

فيه ,,,,

سؤالي ... هل ممكن يمنعني فقر الدم من الزواج في المستقبل لما احلل؟؟؟ ساعدوني

[بنت ابوها2]

لا عادي مايمنع زواجك اختي كان فيها فقر دم قبل الزواج ولما حللت طلع فيها وبعدين راحت للدكتورة واعطتها علاج
وهي اللحين متزوجة وحامل
وايضا اختي الثانيه بعد كان فيها وتزوجت الصيف اللي راح مايمنع الزواج اختي

[نـواااره]

وعليكم السلام ورحمة الله وبركاته

رهينة افكاري انا عندي فقر دم العادي على قولتك واستخدمت حبوب الحديد اللي لونها بني والحمدلله صارت نسبة دمي طبيعيه بس فقر الدم يروح ويجي من فتره لفتره .. سويت فحص الزواج وهالشي ما اثر على الفحص ولله الحمد ..

وترى فقرالدم المقصود في فحص الزواج هو الانيميا المنجليه وكمان الفحص عن فيروس الكبد وفيه كذا مرض لازم يفحصون عنهم بس نسيت اسمائهم

على العموم تطمني اختي والله يرزقك بالزوج الصااالح اللي يسعدك وتسعدينه ..

[رهينة افكاري]

مشكورين حبايب

قلبي

نواره ممكن اسم

الحبوب

انا استعملت فروز

وماناسبني ...