لا تعاتبني دخليك انتهى وقت العتاب
دام ما للحب قيمه وش له انعيد و نزيد
و دامك اللي للخطايا مشّرعٍ عشرين باب
العتب ما ظن يقدم لا.. و لا حتى يفيد
من هويتك كني الظامي و يتبع له سراب
لقترب منه تلاشى وابتعد عنه بعيد
حايرٍ تاه بدروبك و لا نقل غير الصّواب
كم نزفت الشوق لأجلك وللأسف قلبك جليد
و كم تعثر به سؤال و لا لقى منّك جواب
غير جورك و التجني ما جنا شيٍ جديد
أشهد إن الحب كافر و أكثر أيّامه عذاب
لا غدى منهو تحبه قاسيٍ رايّه عنيد
و عشرةٍ فيها مذله يا عساها للذهاب
ليتها تفنى و تبقى عزةٍ عيّت تبيد
لأجل لو حتى طرالي و صلكم قلت الغياب
الغياب و لا اعتزمت إلا رحيلي و الشديد
بتركك يا حب عيا ينجلي عنه الضباب
أي نعم هذا قراري و انتها قدرك أكيد
و كان قصدك في مجيّك تفتح أبواب العتاب
انصحك وفّر كلامك... لا تعيد... و لا تزيد
منقــول للشاعر فيصل العدواني بعنوان> لا تعاتبني<
رد مع اقتباس
المشاركة الأصلية كتبت بواسطة شظايا الجمان
مواقع النشر