بسم الله الرحمن الرحيم
انا محتاجه مساعدتكم جدا جدا فوق ما تتصورا
انا خطيبي بيحبني اوى لدرجه انه بيكلمنى فى الموبايل بالساعات وانا مش بعرف ارد عليه اقوله ايه وبتكسف جدا وانا بكلمه بس انا والله بحاول انى اطلع اللى فى قلبي واحساسي وبحاول انى اتكلم معاه وارد عليه
بس انا والله مشكلتى انى بخاف على فلوسه اوى وبحس انى بضيعله فلوسه على الموبايل والكلام معايا
وبحس ان هو اولى بيهم ممكن يخرج مع صحابه يتبسط او انه يشترى اى حاجه بيحبها
انا مش عارفه اعمل ايه انا قولتله كده وهو زعل منى اوى وفضل يقولى متقوليش الكلام ده وانا بحب اتكلم معاكى
فأنا مبقيتش اقوله كده تانى بس بقيت بحاول انى اقلل وقت المكالمه معاه عشان اعوده وعشان اوفرله فلوسه اللى بيصرفها على الموبايل عشانى
بس النهارده وانا بكلمه حاولت بكذا طريقه انى اقفل معاه بس مرضيش وفضل يقولى انا بحب اكلمك انا عايز افضل اكلمك علطول
بس انا بردو غصب عنى مقدرتش وحاولت بكذا طريقه اقفل معاه وبعدين بالصدفه بابا جيه من الشغل فقولتله انا هقوم اسلم على بابا ومعلش انى طولت عليك فى المكالمه زى كل يوم
بس حسيت انه زعل منى عشان قولت كده وقالى خلاص اوكى اتفضلى سلمى على باباكى وسلميلي عليه كتير اوى
بس المشكله انه بعد ما قفلت معاه بربع ساعه تقريبا بعت لى رساله يقولى انا اسف انى طولت عليكي
انا حاسه انه زعل او فهمنى غلط او حس انى زهقت منه او انى مش عايزاه عشان كده بقفل معاه
انا نفسي حد يساعدنى ويقولى اعمل ايه عشان انا محتاره جدا جدا
وانا مستنيه ردودكم عليا ونصايحكم ليا فى اسرع وقت لانى لغايه دلوقتى مش عارفه ابعتله او اكلمه اقوله ايه واتصرف ازاى
مواقع النشر