السلام عليكم
كيف حالكم ان شاءالله طيبين
المحشي والمسقعه على طريقتي ويمي يمي لزييييييز
محشي الخضار
مسقعة الباذنجان والبطاطس
طريقة المحشي :
تحمصي بصل مفروم بالماكينه في زيت زيتون وبعدين تحطي عليه طماطم معصور بالخلاط وملعقه صلصة طماطم وتقلبيهم شويا وبعدين تحطي الرز كاسه ونص وبعدين تحطي نعناع ناشف وبقدونس وملح وماجي وتقلبي شويا وبس وتشيليه من على النار واذا تبيه باللحم حمصي في البدايه لحم في شويا زيت زيتون وبعدين حطي الباقي انا سويت شي بلحم وشي لا لانو زوجي يحب المحشي باللحم وانا لا وبس واحشي الخضار ..
طريقة المسقعه :
أولا :تقطعي بطاطس شرايح وباذنجان شرايح وتقليهم في الزيت وتحطيهم على جنب ..ثانياً : تحمصي بصل عالزيت وتحطي عليه المفروومة مع كمون وملح وفلفل أسودوتقلبي اليين تستوي المفرومةثالثاً : ترصي نص او اقل من نص البطاطس في الصينية ونص او اقل من نص الباذنجان <<كل واحد في جهة يعني جهة بطاطس وجهة باذنجان وتحطي فوقهم المفرومة وبعدين ترصي فوقها النص التاني من البطاطس والنص التاني من الباذنجان على نفس الرصة الأولى والأهم من ذلك إنك تضغطي عليه على اسفل عشان تتسبك الطبخة.رابعاً: تعصري طماطم في الخلاط مع فص توم وماجي ومويا حاره شويا وتحطي على الباذنجان والبطاطس في الصينيه وبس وتحطيه في الفرن على حرارة متوسطة وخلاص اليييين تحسي المرقة اتشربت وتاكلواااا بالهنااا والعااااافية
مواقع النشر