Oo°•الجزء الثاني والعشرينOo°•
سعود: يبه رسبت
أبو فهد: عارف وجاي تبشرني؟؟
سعود: شف يبة أنا حفظت القرآن والحمد الله بروح أدرس عند شيخ ما أبي أدرس بالمدرسة
أبو فهد: أن شاء الله مع بداية السنة بس هاه تفشلني قدامه أنا أبغى
الناس يقولون هذا سعود قدروا أهله يربونه مو تفشلني كذا أنت
ونويصر..
سعود: سم
وليد: السلام عليكم
أبو فهد: هلا والله هاه بشر؟؟
وليد: ما طلعت النتايج يمكن اليوم... وأنت بشر؟؟
سعود وهو يحرك أصابع: رسبت
وليد: إيه النجاح ما يجي بالساهل
دق جواله
وليد: هلاااا والله وغلا هلا بسارق قلبي
خالد: هههههههه كذاااااب ما سرقته ههههههه أخبارك؟؟
وليد: تمام التموم
خالد: أبشرررك نجحت
وليد: طلعت النتايج؟؟
خالد: إيه تبغى نتيجتك؟؟
وليد: إيه بسرررعه
خالد: ما شاء الله مبرووك
وليد: الجبر ممتاز؟؟
خالد: إيييييه ماشاء الله كل شيء عندك ممتاز أنا الجبر أخذت فيه جيد جداً...
وليد: الله يبشرك بالخير من الفرحة نسيت أقول لك مبروك
خالد: الله يبارك بأيامك
وليد: والشباب؟؟
خالد: لا الحمد الله كلهم درجاتهم حلووة
وليد: ببشر أهلي مع السلامة
خالد: مع السلامة
وليد: يـــبـــه أبشرك كل درجاتي ممتازه
أبو فهد: ماشاء الله تبارك الله والله رفعت راسي
وليد: أحم بروح أبشر ماما
وليد يدخل وهو طااااااااااايش من الفرحة: يمه ... يمه .. يمه .. يمه
أم فهد: هلا والله بوليدي وش فيك وش صاير؟؟
وليد: أحم .. أحم أبنك المزيون نجح ودرجاته ممتااااااااااااازة
أم فهد: الله يبشرك بالخير مبرووووك يا وليدي
وليد بإبتسامة: الله يبارك بأيامك
أمل: وشو وش السالفة؟؟
أم فهد: هلا والله ببنيتي الناس تسلم
أمل تقرب وتبوس راس أمها: والله أني أشتقت لك من أول ما بدت الإختبارات وأنا ما جيت
وليد: والله أنك نشبة
أمل: وش دخلك أنت؟؟
وليد: دخلي الباب اللي دخلتي من عنده
أم فهد: أمل باركي لوليد
أمل: مبروووووك بس وش عليه؟؟
وليد: نجحت
أمل: ما شاء الله تقاديرك حلوة؟؟
وليد: كل شيء منتاز
أمل: هههههههه كل شيء منتاز ما فيه جيد جداً
وليد: لا
دق جوال وليد رقم غريب
وليد: هلا والله وغلا
الرجال: السلام عليكم
وليد: وعليكم السلام
الرجال: مبروووك يا وليد
وليد: الله يبارك بأيامك بس من معي؟؟
الرجال: أنا الدكتور محمد
وليد: حياك الله دكتور
الدكتور محمد: ماشاء الله أخذت الأول على الدفعه حبيت أبارك لك
صرخ وليد: جد والله الله يبشرك بالخير مشكووور دكتور
الدكتور محمد: ما فيه أحد أخذ عندي الدرجة الكاملة غيرك
وليد: الله يجزاك خير
الدكتور محمد: يا الله ما أطول عليك مع السلامه
وليد: حياك
أول ما سكرها: يـــمــــه أنا الأول على دفعتي
دنيا وهي تدخل: ما شاء الله تبارك الله مبروووك
وليد: الله يبارك بأيامك
___ الكل كان فرحان وسوا أبو فهد حفلة صغيرو بس هو وأخوانه وعزم فيها أصدقاء وليد ___
أحمد: أقوول وليد ليتك كل يوم تآخذ الأول على دفعتك
وليد: هههههههههههههههههه آميــــن يا رب
مشعل: منو الثاني أكيد مروان؟؟
وليد: إيه والثالث سلطان
لاحظ خالد أنو مشعل ما تغير أبداً هو نفسة يناظرة بنظرات غريبة مغزاها غريب
ماجد: شبااااب تذكرون مدرس الحلقة اللي لما كنا بثاني ثنوي
الجميع: إيه
ماجد: تزوج وتوفيت زوجته وله بنت وبياخذ بنت كبرنا
وليد: ترا هو صغير مو شايب بس كيف وافقت عليه؟؟
ماجد: مطلقة بس مو من أول ليلة لإنها تهاوشت مع زوجها هوشة كبيرة وطلقها
وليد: كأني عرفت السالفة زوجها الأول أسمة أحمد؟؟
ماجد: بالزبط
وليد: تدرون أن الهوشة الكبيره اللي صارت لهم أنا المنقذ بها
سامي: ما شاء الله عليك دائماً المنقذ
وليد: هذا أكبر دليل على الرجولة
عادل: بدا يمدح نفسة الله يعين ما راح يسكته شيء
هشام: حدك ... حدك ألا ولد عمي
ماجد: ههههههههههههه ورطت يا عادل
عادل: إيه بسألك سؤال يا وليد
وليد: وشو؟؟
عادل: أنا شفت بزواج فهد رجال بالثلاثينات تقريباً وأبوك سلم عليه بحفاوه وأكرموه هو وشايب وشاب يمكن بعمرنا والشابين هذولي
سلموا على الشايب وباسوا راسة منهم؟؟
وليد: الشايب جدي لأمي والشابين أخوان أمي أشقاء
عادل: إيه أنا أعجبني الشاب اللي كبرنا قعد يستهبل على فهد ليما عصب عليه فهد وقال له ينقلع
وليد: ههههههههههه يا حليلة وائل
^^.... ^^ .... ^^ .... ^^ .... ^^
خالد: ليييه ما راح تروحون معنا؟؟(يخططون يسافرون جميع)
زياد: شف يا خلودي حنا ما جلسنا ألا علشان حفلة وليد وبرنجع للقصيم انا وتركي وسلطان ومروان بيرجعون لأهلهم
خالد: طيب أنا عندي فكرة ليه ما نخليها بنصف العطلة وتروحون معنا؟؟
تركي: حلووو بالنسبة لي
زياد: أممم أنا أشوف إذا ملوا أهلي من وجهي خخخ
سلطان: أروح بس بشرط
خالد: وشو؟؟
سلطان: تكون فيه خدمة توقف كل شوي علشان أشتري آيسكريم
الجميع: ههههههههههه
ينفتح الباب عليهم بالقوة: سلاااااااااااااااام
الجميع: وعليكم السلام
وليد: وش أخباركم؟؟
زياد: الحمد الله قاعدين نتناقش في أمر هام أجلس
وليد: شرايكم نروح لأقرب كافي مليت من هالشقة تقول شقة عزاب
تركي: وهي لمين شايفنا متزوجين هي شقة عزاب
وليد: سقطت سهواً ... يــا لله
سلطان: بالنسبة لي مع وليد
خالد: اللي يسمعنا يقول عشرة خلاص أنا المتحدث الرسمي بأسم الشلة
وليد: اللهم طولك يا روح يـــــــــــا الله
زياد: طيب بروح أبدل ملابسي
وليد: طيب أستعجلوا
ناظر وليد مروان كان جالس يقرأ الجريدة صرخ بوجهه: بووووه
أبعد مروان الجريدة ببرووود وأبتسم إبتسامة صغيرة: وليد هنا الله يحييك
وليد: بسرررعه رح بدل ملابسك بنطلع
قام مروان: طيب .... وراح
زياد: هااااااااااااي
وليد: أفااا وش ذا الكشخة والله ما تلعب
كان لابس بدلة
زياد: أحممم شو رايك؟؟
وليد: حلوو
وطلعوا سلطان وتركي من الغرفة الجانبية
وليد: خيــــــر متفقين متكشخين
وبالحظة هذي طلع خالد
وليد: لا وبعد أنت
خالد: ههههههههههه كلنا لبسنا بدلات ألا أنت يا وليد
تركي: لا تشوف أول ما نروح البنات بيخقون عند وليد اللي ما تكشخ وحنا المتكشخين ما لنا أحد
زياد: هههههههههههههههه أنا مع ترووك بكل كلمة قالها
خالد: حتى أنا
دخل مروان
وليد: بعد أنتتتتتتتتتتت
مروان: ليه؟؟
وليد: يـا الله
تفرقوا سيارتين(تركي وزياد ومروان) و (وليد وخالد وسلطان)...
جلسوا وطلبوا
تركي: فكرة خويلد حلووة
وليد: وش الفكرة؟؟
خالد: أنا أقول نخلي السفر بنصف العطلة
وليد: أمممم والنادي
خالد: خلاص بعد النادي
تركي: خلاص أتفقنا
سلطان: وش الخطة طيب؟؟
زياد: من رأيي نروح لمكة ونلف على الطائف
تركي: لا وش رايكم لأبها؟؟
وليد: مكة مية بالمية بنروح لها ما نبي نروح لجدة الجو حار نروح للطائف
خالد: ببالي نروح لصلالة
زياد: يااااااااهوووو حنا طلاب جامعيين ما عندنا قرنقش(يعني فلوس)
سلطان: صادق زياد
وليد: وما ذا بها ربوع بلادي؟؟
خالد يهز كتوفة: لا أنا أقصد صلالة علشان طبيعتها الخلابة
تركي: أبها رهييبة
وليد: أممم بالنسبة لمحدثكم مع تروك
سلطان: مكة بعدها نلف لأبها
وليد: أنتهى مجلس الشورى وأنتهينا
قرب رجال كان وليد معطية ظهره ولا أنتبه أما تركي فتح عيونه لإنه يتذكر هذا الرجال اللي تهاوش معه لما كان بالقصيم
تركي بداخله (لا يكون جاي يسلم علي وأنا متهاوش معه الله يسسستر)
جا الرجال ومسك عيون وليد
وليد: هيييييه منو أنت؟؟
الرجال يأشر لخالد أنو يسكت
خالد: وليد منو هذا؟؟
وليد: ريحة عطرك أعرفها زين وألا لا يا جهاد
فك جهاد يدة وقام وليد وسلم عليه
جهاد: خييير وييينك؟؟
وليد: أنت وينك ليه ما جيت للحفلة؟؟
جهاد: كنا مداومين ألا بسام وكان تعبااان مرة
وليد: سلامات شفيه؟؟
جهاد: لا الحمد الله الحين بخير
وليد: كنت بجي لكم بكرا
جهاد: تعال لمنا بكرا لإني ما أقدر أجلس معك لإني متفق مع دكتور هنا
وليد: براحتك
جهاد: مع السلامه
وليد: مع السلامه
.... وراح ...
تركي: هذا صديقك؟؟
وليد: إيه ليه؟؟
تركي: العام متهاوش أنا وهو
وليد وفوق راسة علامات إستفهام: متى؟؟
تركي: كنت أمشي على الرصيف لما كنت بالقصيم وتصادمنا أنا كنت أظنه أجنبي وأنا حاقد على الأجانب صرخت بوجهه ليه يضربني ناظرني هو بإستغراب وهو ساكت تدري صديقك الغبي وش قال؟؟ تعرفني مو ذاك الذكاء بالعنقيزي قلت له: سبيييشل آند بيتفول ... قلتها لما شفته يناظرني بإستغراب لما قلت الكلمتين ما شفت ألا رجوله تقطع من الضحك أنا أنقهرت قالي بالعربي الفصيح(ما تجي خاص وجميل) أنا سكت وقعدت أترجم وش قاعد يقول هذا تترجمت عندي أنو سعودي وتعرفون أخوكم في الله ما يحب يعتذر قلت له وأنا واصلة معي(الا تجي ومن ورى خشمك بعد) هو سكت ومشا عني وأنا ميت من الفشيلة طبيت فيه هواش وهو ما سوا لي شيء
الجميع: هههههههههههههههه
وليد: يا عمري يا صديقي
زياد: فعلاً شكلة وبياضة ولون عيونه وجسمه حتى شعره واصل لشحمة أذنه طالع شكلة ما كأنه سعودي
سلطان: بس واضح من شكلة أنو أكبر منا
وليد: إيه هو أكبر منا اللحين هو يشتغل بمستشفى *** يعني هو دكتور
سلطان: آهااا حركتات كيف تعرفت عليه؟؟
وليد: أممم بطرقي السبيشل ههههههههههههههههههههه
تركي: هههههههههههههههه
زياد: كم الساعة؟؟
مروان يناظر الساعة ورفع راسة ببرووود: 7 ونص
زياد: باقي ساعة على المباراة شرايكم نروح لها؟؟
وليد: والله أنك رايق
زياد: لا فيه مباراة دوري صغير بحديقة *** الشباب عازميننا اليوم مهند وشلته
وليد: واااااااااو أجل بروح وبلعب بعد
خالد: أنا مع وليد
سلطان: بس بشرط
تركي: نشتري آيسكريم قبل ما نروح
سلطان: أيووه كيف عرفت؟؟
تركي: هذا طلبك الوحيد
وليد: يا الله نصلي أذن بعدها نروح للمباراة
..... بعد الصلاة ......
زياد: يـــــــــا الله قبل ما تبدا
وليد: أصبر شوي بتسنن
زياد: اللهم طولك يا رووح بسررررررررررعه
طلعوا الشباب ووليد بالمسجد تأخر ما طلع دخل سلطان علشان يناديه
سلطان: يــا الله
رفع وليد عيونه
سلطان: شفيك تصيح؟؟
وليد: روحوا ما أبي أروح وياكم
سلطان: أوكي بقولهم يروحون وأنا بجلس وياك
وليد: لا ... لا روح وياهم أنا بجلس بروحي
هز سلطان كتوفه: كيفك!!
وليد: لا تقولهم خلاص؟؟
سلطان: أن شاء الله
راح سلطان وقال لهم أن وليد أنشغل ولا له خلق يرجع راحوا للمباراة
أما وليد جلس بالمسجد كان متركي على الجدار وضام رجوله ولصقها بصدره ودموعة أنهار::
ضاقت بي الحال وضاعت سجوعي
وأسدلت حزني وسالت دموعي
ضاقت بي الحال وضاعت سجوعي
وأسدلت حزني وسالت دموعي
قرب من وليد رجال مبين أنه من الرجال الأخيار(ولا أزكي على الله أحدا)...
الرجال: السلام عليكم
وليد مسح دموعه: وعليكم السلام
الرجال: سلامات وش فيك يا أخوي؟؟
أبتسم وليد إبتسامة باهته على وجهه المصفر: شويت مشاكل و أن شاء الله تنحل وبباله(مستحييييييييييييييييييييييييييييي ييييييييييل تنحل!!)
الرجال: أن شاء الله بس حبيت أقول لك أني أبي أسكر المسجد
قام وليد بتثاقل وشكر الرجال وطلع من المسجد
(وين أروح ولوين أمضي؟؟ آآآه مالي ألا أمي ... أمي!! ما هي أمي
إيه مو أمي .... يـــــــــــــــــــــــــــــــــــــ
مـــــــــــــــــــــــــــــــــــــ
ـــــــــــــــــــــــــــــــــــــه
ليــــــه سويتي فيني كذا؟؟!!
آآآآه .............. من لي فيصل لا فهد أو دنيا لكن إذا دخلت البيت بتعرف أمي إيه فكرة!!)
ركب وليد سيارته ودق على دنيا
دنيا: هلا والله وغلا
وليد: هلا دنيا أخبارك؟؟
دنيا: سلامات شفيه صوتك؟؟
وليد: عندك شغل؟؟
دنيا: عندنا بنات عمي إبراهيم
وليد: طيب ما تقدرين
دنيا: خلاص بس وين؟؟
وليد: برا البيت
دنيا: لوين؟؟
وليد: خلاص بلاش روحه مع السلامه
دنيا: وليد آسفة مو قصدي
وليد: لا عادي خالد يناديني مع السلامه
سكرتها دنيا وهي مستغربة من هالوليد صاير غريب
رشا: بووووووووووووووووووه وش تفكرين فيه؟؟
دنيا: بسم الله الله ياخذ بليسك خرعتيني
رشا: والله ما علمني الحركات هذي غير أخوك
دنيا: ههههههههههههههه يا حليلة أخوي
نهله: وش تفكرين فيه يا حلووة؟؟
دنيا: أمممممم بصراحة وليد متغير ما أدري ليه!!؟؟
حست نهله كأن أبرة أنغرست بقلبها (وليد ... ولد عمي عقيم ولقيط)
حست أن العبرة خانقتها قامت صاحت بدروة المياة وغسلت وجهها ورجعت للبنات ..
أمل: اليوم ما فيه روحه يا نهله ولينا مفهووم؟؟
نهله: ما أدري يمكن أمي تقول لااااااااااا
أمل: لا تخافين لو هي على أمك من اللحين إيه
نهله: والملابس؟؟
أمل: خوذوا من لبس البنات وخلصنا
رشا: أحم أحم وحنا ما عزمنا
أمل: هههههههههه لا ما عزمتوا وش نبغا فيكن
لينا: ألا أموله صدق بتجلسين اليوم؟؟
أمل: إيه لإن نواف بيسافر
ريم وتتكلم بأسم البيبي اللي ببطنها: عمة أموله وأنا ما عذمتوني ليه؟؟
أمل: وععع ما نبغاك تزعجنا
ريم: لييث؟؟
أمل: كيفي ... رشا و ريم خلوا فيصل وفهد علي
دنيا: وتكمممل السهره
وليد: يا ولد يا ولد يا ولد
أخذوا البنات قماش الصلاة و تغطوا فيه(لإن البنات جالسات بالصالة
الوسط اللي في البيت والدرج عليها)
مشا وليد ومبين أنو متضايق حتى لينا ونهله لاحظوا
رشا: سلامات شفيه؟؟
دنيا تهز كتوفه: ما أدري
أمل: بروح أشوف وش فيه!!
دخل وليد غرفته وسكر الباب ورمى نفسه على السرير وطلع الولاعه من الدرج وفتح الشمعه ... غمض عيونه ونزل ماء مالح من عيونه قلبي مثل هالشمعة تشتعل وتنطفئ بسرعه وهو على هاي الحالة دق أحد باب غرفته
وليد: منوو؟؟
أمل: وليد .... ممكن أدخل؟؟
وليد: لا بنام
أمل: ألا أبغاك ضروري
وليد: تفضلي
دخلت أمل وسكرت الباب
أمل: وش أخبارك؟؟
وليد: الحمد الله
أمل: وش فيك سلامات؟؟
وليد: ليه؟؟
أمل: متغير ولا لك نفس
وليد: يعني شو الشيء اللي بيخليني أصيح وأعصب شيئين بس هي أني أتعسسسسسسسسسسسسس إنسان عقيم والثاني لقيط
أمل: كن متفائل
وليد: متفائل !!! من وين يجي التفاؤل أنا غريب في الحياة والممات
أمل: إن الله يحب الفأل
وليد: نفسي أصيح نفسي أفضفض
أمل: هون عليك يا وليد ولا تنسى أني أنا وأخواني أخوانك
وليد: الله يجزاك خير
أمل: أجيب لك عشا
وليد: ما أشتهي
أمل: وش قلنا؟؟
وليد: ما لي نفس بنام
التفتت أمل يمين ويسار بغرفة وليد
أمل: ليه غرفتك كلها شموع مخلصة وبعضها لا؟؟
وليد: سر أحب أخبيه فقلبي ولا أحد يعرفة
أمل: كيفك ....... وطلعت
"///////////////////////////////"
وليد .. إيش بيصير له؟؟
وليه ما يطلع نفسه من نوبة الحزن؟؟
خالد .. صاحب القلب الأبيض إيش بيصير له؟؟
ومشعل وش بيسوي بخالد؟؟
تااااااااااااااااااااااااااابعوووووووووو وووا
محبتكم/
السفاحة: منعطف خطير
*
*
*
*
مواقع النشر