(( بقـــــــــــــــــــلم ثلج سايــــح ))
بسم الله الرحمن الرحيم
السلام عليكم جميعاً
كيف حالكم
هذه ثاني روايه انزلها هنا خاليه من الرومنسيه
واتمنى للجميع قراءه ممتعه
ولا تنسون ان تعطروني بردودكم الحلوه
اترككم الأن مع الروايه
Oo°•الجزء الأولOo°•
أول شيء بعطيكم نبذة قصيرة عن أشخاص القصة :
أبو عبد الله : رجال والنعم فيه حالته المادية غني و من كبار التجار ..
أم عبد الله :زوجة أبو عبد الله مشاكلهم 24 ساعة دايم مشاكل لكن أبو عبد الله ما يطيق العيش بدون أم عبد الله و أم عبد الله نفس الشيء ...
عبد الله : الولد الأكبر متزوج وله ثلاث بنات :. ندى ـ نهى ـ سنا ... عبد الله له بيت مستقل عن أهله و ما يشوفهم ألا بالأعياد ....
محمد : أصغر من عبد الله بثمان سنوات يعني عمره 29 سنة بس ما تزوج ما يشاف ما غير يطقطق بالنت ....
بدر : شايف نفسه بزود و ميوع كأنه ولد على شكل بنت ومغرور ما غير معاكسات و بلاوي وعمره 27 سنة ....
خالد : هو الضحية بالعائلة هو الوحيد بالعائلة اللي طلع عاقل يعني مو ديَّن ولا هو داشر ، ودايم يتهاوش هو وبدر لان خالد ما أعجبه حال أخوه وعمره 19 سنة ....
مهند : أصغر من خالد وكان يحب يقلد خالد بس مو بكل شيء وعلاقته بخالد أكثر من علاقته بأخوانه لكنه يتأثر بسرعة وخالد خايف عليه و عمره 15سنة ....
حسام : عمرة 11 سنة و ماله بأخوانه و كأنه مو من العائلة ما يدري عن شيء لأنه دائماً مع صديقه ....
......%$#&**&#$%......
كانت العائلة مشتته وكل واحد لاهي بدنياه و الضحيه خالد كان أكثر واحد يعاني من هذي المشكلة ، خالد صغير لكن تفكيره كبير وده يلم شمل العائلة المشتته بس ما يدري كيف؟؟؟؟
( بـــدايــة الــقـصــة )
يرن الجوال بإصرار وكأنه يقول ( خالد قم رد )
قام خالد و ناظر الساعة و قال بنفسه: (من المهبول اللي يدق بالوقت المتأخر هذا الساعة أربع ألا ربع)
خالد: هــلا....
...... : السلام عليكم...
خالد: و عليكم السلام....
...... : جوال الأخ خالد ؟؟؟
خالد: بغيت شيء يا أخوي ؟؟؟!!
...... : معك هيئة الأمر بالمعروف و النهي عن المنكر ....
خالد : وبعدين ؟؟!!!
...... : دقينا على جوال الوالد وكان مقفول بعدين دقينا عليك ، بصراحة ما أدري وش أقولك حنا مسكنا أخوك بدر ....
خالد تعدل بجلسته و قال: نعم ...وش تقول بدر .... مسكتوه طيب ليش ؟؟؟ ( خالد قال ليش و هو عارف شنوا الرد )
......: لأننا شفناه يعاكس و يجدع أرقام على البنات...
خالد: وينكم ؟؟؟
......: بالمركز حق الأمر بالمعروف و النهي عن المنكر....
خالد: طيب أنا جاي مع السلامة
سَّكر خالد السماعة و يده على قلبه بدَّل ملابسه وطلع و كأن عقلة مو معه ( الحين وش يقولون الناس عنَّا بيقولون هذا وهو ولد واحد تاجر و معروف... يا الله يا بدر ما كنت كذا بس من يوم صار أحمد صديقك تغيرت أخلاقك )....
وصل خالد لمهم نزل من السيارة و صار يمشي على رجولة علشان يقطع الشارع ويروح لمهم أنتبه واحد من رجال الهيئه للرجال اللي يمشي طويل ممشوق رقبته طويلة نحيف وعيونه كبار كان يمشي بخطوات متوترة كانت نظراته ثابتة ومن الواضح أن لحيته ما زالت في بداياتها .....
خالد: السلام عليكم....
..........: و عليكم السلام ..أخ خالد ؟؟
خالد:إيه نعم أنا خالد أخو بدر ....
..........: أنا محمد تبي أقولك السالفة ؟؟
خالد: مشكور يا أخوي محمد بس أنا عارف أن أخوي يعاكس و عارف أنه يكلم بنات و عارف أنه يسوي البلاوي ونصحته أكثر من مره أنه يترك الأعمال الشينه بس هو عنيد .... ممكن يا شيخ محمد أشوف بدر ؟؟؟؟؟؟
محمد و هو مندهش من كلام خالد مو علشانه يدري أن أخوه يسوي البلاوي لكن علشانه صغير و يتكلم الكلام هذا: تفضل !!!!!
خالد: مشكوووووووور ....
مشى خالد وهو منقهررررررر كيف يحطه أخوه بهذي الورطة الكبيرة ؟؟؟؟
شاف خالد بدر و كان مقرر يكلم أخوه بجفاء علشان يتعلم صحيح بدر أكبر من خالد لكن خالد أكبر عقل من بدر ....
خالد: السلام عليكم....
بدر: و عليكم السلام ، خالد وين أبوي ؟؟؟؟
ناظره خالد نظرة استحقار و قال: تبغاه يجي و أنت وش مسوي مخترع و ألا حافظ القرآن أنت مسوي غلطه كبيررره و الله لك وجه تقول وين أبوي يا قليل الأدب أبوي مربيك صح بس هذا ( و هو يأشر لصديق بدر " أحمد " ) هو سبب كل المشاكل أنت يا بدر أكبر مني و من المفترض أنك أنت اللي تعلمني مو أنا اللي أعلمك ... شف يا بدر من اليوم و جاي تقول عني أخوي خالد ما تلوم ألا نفسك و الظاهر أنك عارف ليش ؟؟
بدر: و هميتني أنت و أسمك أصلاًّ من زمان و أنا معتبر نفسي خارج العائلة ....
خالد: يا حيوان المفروض تسكت و تعتذر وش الوقاحة هذي يا بدر....
طلع خالد من المبنى و هو معصب و ضايق صدره و مايدري وش يسوي أرتفع صوت المؤذن يكبر ينادي للصلاة تنهد خالد تنهيده طالعه من قلب و أنشرح صدر خالد من يوم أذن و أبتسم و قال بنفسه: ( أبدق على مهند و حسام علشان يقومون يصلون أخاف أمي تحسبني بالبيت و قومتهم حتى أبوي مسافر ، الحمد لله يبه أنك مو موجود ) ....
أخذ الجوال و دق على مهند ، قام مهند و هو يتأفف ناظر الجوال :. خـالـد يتصل بك ... و قال بنفسه : ليش ما يجي يعني كل هذا عجز ....
مهند: هلا....
خالد: السلام عليكم .. هلا مهند .. قم الصلاة ....
مهند: مذّن ؟؟؟؟؟
خالد: إيه يالله قم و قوم حسام....
مهند: قومه أنت .... خالد .. ليش ما جيت لمي؟؟؟؟
خالد: أنا مو موجود بالبيت بس لا تقول لأمي شيء
مهند:لو تقعد من إلى بكرا و الله ما تدري عنك بدر من أمس و هو برا البيت ما دريت عنه ولا سألت عنه....
خالد: شف يا مهند بدر ما يجلس بالبيت كثر ما أجلس أنا و أنا لازم إذا صحيت من النوم وأنا داخل وأنا طالع وإذا جيت أبوس أمي....
مهند: صادق ، طيب وين أنت أجي لمك ؟؟؟
خالد: لا مشكور الله يجزاك خير....
حس مهند أن خالد ما وده يقوله وين موجود و قال: يا لله مع السلامة....
خالد: شف يا مهند يدك بيد حسام....
مهند: إيه صح نسيت أقولك حسام مسافر....
خالد: ما شاء الله أول خير وين مسافر وأنا ما دريت؟
مهند: تدري أنا وش لون دريت ؟؟
مهند ما كلف نفسه ينتظر خالد يرد على سؤاله و قال: شفت عند بيتنا سيارة السواق ( بيتر ) و فيها شنط قلت لبيتر وين تبغا تروح قال لي:هذي شنطه حق أخو أنت قلت له: و أنا مالي إلا واحد منهو ؟؟ بعدين شفت حسام ينزل من الدرج و قلت له: وين تبي تروح قال أبسافر ترى نادر صديق حسام طيب و ماله بالخرابيط زي أحمد صديق بدر....
خالد: و الله أنك صادق بعدين أنا ما دريت أنه مسافر متى الكلام هذا؟؟؟
مهند: أمس العصر يقول حسام طيارتنا المغرب....
خالد: لا حول ولا قوة إلا بالله تصير أشياء كثيرة بالبيت و لا أدري عنها....
مهند ما وده يضيق صدر خالد و لا وده يجيب سيرة تشتت العائلة لان مهند عاجبه وضعهم عكس خالد ...
مهند: بغيت شيء يا خالد ودي أتروش و أبدل ملابسي و أطلع أصلي ؟؟؟؟
خالد: يا لله مع السلامة....
سكر خالد السماعة و قال بنفسه أبغى أحد أكلمه و أطلع كل اللي بقلبي ) و قعد يتذكر صديقه فراس و قال راحت أيامك يا فراس يا شين اللي فرق بيني و بينك) كان فراس نعم الرجال و طيب و قمة بالأدب وكان يحب خالد وخالد يبادله نفس الشعور لكن أبو خالد قال لخالد ما أبغاك تمشي مع ناس مو من طبقتنا لإن عائلة فراس حالتهم المادية وسط....
**@@&&%%$$####$$%%&&@@**
دخل خالد المسجد و كان باين على وجهه الحزن و الكآبة خلصت الصلاة جلس و حط ظهره على عمود و غمض عيونه و جلس يفكر و نام ما حس خالد إلا وفيه أحد يهز كتفه و قال : وش تبغى ومن أنت ؟؟؟؟؟؟؟؟؟
......: آسف أزعجتك..أنا إمام المسجد و أسمي وليد....
خالد: هلا أخوي وليد أنت إمام المسجد؟؟؟؟
وليد: إيه ليش ؟؟؟
خالد: ما أدري أحس أنك صغير كم عمرك؟؟؟
وليد: عمري 19 سنة....
خالد تحرك من مكانه و قال: 19 سنه ؟؟؟؟؟؟؟
وليد و هو مستغرب من حركة خالد: إيه فيه شيء؟؟
خالد: شف انا عمري19سنة و أسمي خالد أنت تعرف ..... وبدأ خالد يعدد أعمال أبوه ....
وليد: أكيد أعرفه و منو اللي ما يعرفه؟؟؟
خالد: أنا ولده....
وليد و هو منصدم و قال: معقول أنت ولده ؟؟؟
خالد: إيه وش فيك ليه تغير لون وجهك ؟؟؟
وليد: لا بس أنا أذكر أنهم يقولون أن أولاده مو مره أخلاقهم....
خالد: أصلاً كلنا و الحمد لله أخلاقنا زينه ما عدا واحد منا هو اللي طلع أخلاقه شينه و شفني قدامك قيَّم أخلاقي....
وليد: و ما تشوفني أنصدمت لإنك ما شاء الله قمة بالأدب....
خالد: الله يسلمك بس ودي أطلب منك طلب ممكن؟
وليد: تفضل!!
خالد: ودي تكون علاقتي بك قوية.. معك جوال؟؟؟
وليد: أكيد.... وهذا رقمي ~~~~~~~~~
خالد: أجل هاك رقمي ~~~~~~~~~~~
..:.: اليوم الثاني :.:..
دق وليد على خالد وقرروا يلتقون بكافي وبعد السلام والسؤال عن الأحوال...
وليد: من الواضح أنك محزن سلامات وش فيك ؟؟؟؟
خالد: ما أدري وش أقولك أحس أن كل هموم الدنيا مكوكبة على قلبي....
وليد: ليــــــش ؟؟؟؟؟؟؟؟؟؟؟؟؟؟
خالد: لحظة قبل لا أكمل كلامي أنتم أغنياء و لا وسط....
وليد: بصراحة حالتنا المادية وسط....
نزلت دمعه حارقة على خد خالد و جلس يبكي هِنا عرف وليد أن خالد يعاني من مشكلة....
وليد: ليه وش فيك قلت أنا كلام غلط؟؟؟؟!!!!؟؟!!
خالد: لا ماقلت شيء ، ودي أقولك قصتي إذا كنت فاضي ؟؟؟؟؟؟؟؟؟
وليد: لو كنت مشغول أترك شغلي و أجي لمك تفضل قل اللي تبغى تقوله واللي تقوله لي أعتبر أنك جدعت همك بالبير وعتبرني مثل أخوك...
خالد: الله يعافيك يا أخوي و الله من زمان أدور صديق وفي و أنت هذاني أشوفك حبيب و أنا أول مره أشوفك و بعدين لا تقول أعتبرني مثل أخوك لإن علاقتي بأخواني مو مره......... أنا من يوم طلع قلبي على الدنيا وأنا أشوف المشاكل بين أبوي وأمي بس الحمد لله أبوي مايطيق العيش بدون أمي وأمي نفس الشعور بعدين تزوج أخوي عبد الله و راح عن البيت و الحين ما نشوفه ألا بالأعياد وإذا جاء بالعيد يسلم ويجلس شوي وكأنه جالس على جمر و أخوي محمد ما يشاف ما غير يطقطق بالنت أموت و أعرف وش يسوي أنا ما أحب النت كثير... إذا دخلت آخذ اللي أنا أبي منه و أطلع يعني بس أستخدمه للحاجه و بعدين عالم النت ممل مرررررررررررره.... و أخوي بدر مسكوه مثل ما تعرف قبل يومين الهيئه أصلاً أنا دائماً أنصحه يترك البلاوي اللي يزينه بس ما عمل بنصيحتي.... و أخوي مهند فهو و الحمد لله أزين من أخواني من حيث علاقتي فيه بصراحة أنا خااااااااااااااايف عليه مررررررررررررره لإنه يتأثر بسرعة..... و أخوي حسام دايم مع صديقه لدرجة أنه سافر هو وصديقه أمس و ما دريت إلا اليوم الفجر...... وكانت أيام متوسط وأولى ثانوي مع صديقي فراس عائلة فراس مو أغنياء حالتهم المادية وسط بس أبوي قال لي أترك صديقك لانه مو من طبقتنا و تركته علشان ربي ما يغضب علي و مليت أدور صديق من الطبقة اللي يتكلم عنها أبوي لكن ما لقيت كلهم معدن بدون جوهر أما أنت جوهر مثل ما يقولون: ( لا تنظر إلى المرء بمعدنه و أنظره بجوهره) وقهر أني ألقى صديق و أخسره بالسهوله هذي بس وش رايك تكون صديقي و مايدري أبوي لان أبوي يعرف أن أخواني كبرياءهم يمنعهم يصادقون ناس من الطبقة الوسط أهلي يا وليد يناظرون المعدن و لا يدرون عن الجوهر تصدق يا وليد أن صديق أخوي بدر ما فيه أفسد منه بالدنيا و أبوي ما قال له شيء و الحين عرفت قصتي و مأساتي..................
وليد: يا حرام ، خلاص أكون صديقك أتكلم أنا وياك بالجوال و التلفون و بالماسنجر وتجي لمي بالبيت.....
خالد: أحس أنك تعبت من كلامي معليش ثقلت بكلامي معك بس وش أسوي هذي الدنيا و ماعندي أحد أفضفض له غييييررك ......
وليد: لا يا شيخ وش يخليني أتعب و بعدين تعبك راحة يا الغالي............
خالد: مشكووووووووووور تصدق يا وليد إني أرتحت لك مررررررررررره مو زي واحد ما وافق يصير صديقي ألا يوم عرف إني ولد تاجر و يوم أكتشفته أنصدمت لا وقالي بكل وقاحة: بهذا الوقت ما تلقى صديق صح.....
وليد: لا يا لحبيب أنا أناظر القلب ولا أناظر الجيب....
خالد: ودي أروح لأخوي بدر أشوف وش صار عليهم.......
وليد: قبل ما تروح يا خالد أنا ناسي ساعتي بالبيت كم الساعة؟؟؟؟؟؟؟؟؟؟؟؟؟؟؟؟؟؟؟؟
خالد ناظر الساعة و ابتسم و قال: تصدق يا وليد الساعة ست و نص !!!!!!!!!!!!!!!!!!!!!!!
وليد: يا ألله هذا وهو أول لقاء......
ضحك خالد و وليد ودعوا بعض و كل واحد راح بطريقة.................... ...@@&&%%$$****$$%%&&@@...
(بعد ثلاث أيام في مركز هيئة الأمر بالمعروف والنهي عن المنكر)
خالد واقف يناظر الداخل والطالع و ما يدري وش يسوي خالد ضايق صدره مررررررررررره و حس أنه مو رجال لإنه وقف بالموقف هذا دق جوال خالد طلعه و قال بنفسه: غررررررررررررريبة ....
بابا يتصل بك ...............
خالد: هلا....
أبو عبد الله: السلام عليكم .... هلا خالد وشلونك؟؟؟
خالد و عيونه شوي و تطلع من مكانه: الحمد الله بخير!!!!!!!!!!!!!!!!!! ( وقال بنفسه: غريبه أبوي دايم يسافر و لا مرة دق علي أو حاول يسأل عني)
أبو عبد الله: خــــــــــــالد وين رحت ؟؟؟
خالد: هلا يبه أنا معك!!!!
أبو عبد الله: أنا أسألك أقول وشلون أمك و أخوانك؟؟؟؟؟؟؟؟؟؟؟؟؟؟
خالد: الحمد الله!!!!!!!!!!!
أبو عبد الله: وش لون بدر؟؟؟؟؟؟؟؟؟؟؟؟؟
خالد راح بعيييييييييييييييد ( وشلون دري أبوي انه ممسوك ........وأن كان ما دري ليش خص بدر؟)
خالد: وراه واصلك كلام؟؟؟؟؟؟؟؟؟؟؟؟؟؟؟؟؟؟
أبو عبد الله: إإإإيه الله يهديه فشلنا على العموم اليوم أبجي وراح يطلع لا تخاف أنت ويييينك الحين؟؟؟؟؟؟؟؟
خالد: عند بدر...............................
أبو عبد الله: يا لله مع السلامة ....................
خالد:مع السلامة...............
سكَّر خالد السماعة و شوشته طايره و عيونه تبي تطلع من مكانه ألا شوي و وجهه صار ألواااان مستغرب ليش أبوي داق علي يعني ما دق علشان يسأل عني داق علشان يسأل عن بدر زين اللي جامل و قال وشلونك آآآآآآآآآآآآآآآآآه الله يعينن على الحياة.........................
أهتز كتف خالد....................
.........: خــــــــالد أناديك لي ساعة ليييش ما ترد؟؟؟؟؟؟؟؟؟؟
خالد: هلا......هلا والله وشلون عرفت أني هنا ؟؟؟؟؟
وليد: أصلاً أنا جاي علشان أبوي يشتغل يبي بعض الأوراق وشفتك جالس لحالك قلت ليش ما أقعد معه؟؟؟
خالد: الله يجزاك خير .......... شفت بدر؟؟؟؟؟؟؟؟؟؟؟
وليد: شفت رجال ممسوك بس ما أدري هو أخوك ولا لا ......
طلَّع خالد جواله ووراه صورة بدر .............
وليد: أيييييييييييييوووووووه هذا الرجال اللي شفته ....لانه دخل على مكتب أبوي و أنا موجود.........
محمد وهو يقرب:أخوي خالد......
خالد تنبه للي يناديه التفت: هلا أخوي محمد....
محمد: ترى الشيخ عاصم يبيك.......
خالد التفت على وليد: أبوك؟؟؟؟
وليد أكتفى بهز راسه بالإجابه..............
قام خالد و قال: عن أذنك أبروح .............
وليد: أذنك معك.............
خالد: إذا جيت أشوفك؟؟؟؟؟؟؟؟
وليد: إذا تأخرت أبروح K.O ؟؟؟؟؟؟
خالد: مع السلامة.............
وليد: مع السلامة..............................
******************************
دخل خالد مكتب الشيخ عصام.........
خالد: السلام عليكم .....
الشيخ عصام: و عليكم السلام هلا أخوي تفضل.............
كانت علامات الحزن واضحة على وجه خالد كان يحاول يخفي لكن عيونه فاضحته و تتكلم بدل لسانه ...... الشيخ عصام تنبه للنقطة هذي و حط تحته عشرين خط و استنتج أن خالد م راعي خربطة .........
الشيخ عصام: يا أخوي وين رحت له ....
كان خالد مرهق و سااااارح و لاهو مع الناس.................
الشيخ عصام التفت لبدر : هو كذا بالبيت بس ضايق صدرة و يفكر؟؟؟؟؟؟
بدر بلا مبالاة: ما أدري عنه.....
الشيخ عصام: !!!!!!!!!!!!!!!!!!!!!!!!!!!!!!!!!!!
طـــــــــــــــــــــــــــــــــــــــ ـــــــــــــــــــــــــــــــــاخ
قام الشيخ عصام بسرررعه: بسم الله عليك!!!!...................
**************************************** ***
استغرب وليد اللي كان ينتظر خالد يجي شاف العالم مختبة و داخلة طالعه من مكتب أبوه قال بنفسه: ( وراه ما أروح و أشوف وش وراي ؟؟؟) راح وليد ... تفاجأ شاف رجال طويل ممد على الأرض و الرجال اللي حوله يحاولون يصحونه على بال ماياصل الإسعاف قرَّب وليد وعرف أنه خالد كان وجهه شاحب و علامات الإرهاق مبيَّنه على وجهه مع ذلك جمال خالد و وسامته طاغية على و لون وجهه اللي تحول لأصفر ناظر وليد العالم ودَّه يسأل وش فيه خالد بس ما فيه أحد ملقي له وجه التفت يمين يسار و شاف رجال واقف زي الجدار و يناظر خالد بذهول و دهشه و مكبَّل اليدين راح وليد لرجال...........
وليد: السلام عليكم.............
بدر: وعليكم السلام!!!!!!!
وليد: أنت بدر؟؟؟؟؟؟
بدر: إيييييييييييييييه !!!!!!!!
وليد: وش فيه خالد سلامات ؟؟؟؟؟؟؟؟
بدر: ما أدري بس دخل علينا و جلس الشيخ يكلمه و يناديه لكن الرجال كان عازم هواجيس العالم و مسكنه فوق راسه و ما يرد على أسئلة الشيخ و لا حتى جلس التفت الشيخ علي و بدا يسألني عن خالد فجأة طاح و لا ندري وش السبب يمكن علشانه ما نام أمس باليل زين
و بعدين أنت منهو و وش عرفك أني بدر وهذا خالد؟؟
وليد بغى يقول خالد صديقي بس تذكر أن الصداقه هذي سريَّه و قال: عرفتكم من كلام أبوي الشيخ عصام...
بدر: أيـــــــه هذاك أبوك؟؟؟؟؟
وليد: أيه...
جاء الإسعاف و شال خالد .... أصَّر وليد أنه يركب مع خالد بسيارة الإسعاف و فعلاً تمم رايه و جلس بسيارة الإسعاف عن يمين خالد و عليه بعض الأجهزة بدا وليد يقرأ على خالد بصوت عالي لحد ما سكت كل شيء ماعدا صوت الأجهزه و القراءة الشجية و الصوت العذب الذي يخرج من حنجرة وليد ... ناظر الدكتور وليد أشر له .....
وليد: سم يا أخوي بغيت شيء........
الدكتور: إيه أنت تعرف ليييش غاب عن الوعي؟؟؟؟؟؟؟
وليد: بصراحة ما أدري بس أخوه يقول يمكن علشانه ما نام أمس باليل......
الدكتور: لا أخوي خالد الله يشفيه تفكيره كثيير و أتوقع أنه أنهيار عصبي ..........
وليد و عيونه ناطه من مكانه و علامات التعجب واضحة على و جهه: كيف دريت أن هذا أسمه خالد ؟؟؟؟؟
ضحك الدكتور و قال: يصير ولد عمي..... بعدين ناظر الدكتور وليد و سأله: أنت صديقة؟؟؟؟؟؟؟
وليد: لا!!!!!
الدكتور: إيه الحمد لله أنك مو صديقة.......
وليد بإستغراب: لييش ؟؟ وش ناقصني ما أكون صديقه؟
الدكتور: لا بس أذكر أن عمي أبو عبد الله مايبي عياله يصادقون إلا أصحاب مال و جاه......
وليد: بس خالد غير أخوانه........ صح؟؟؟؟
الدكتور: إييه هو غيرهم كليَّاً .. تعرف صديقة فراس؟؟
وليد: إييه أعرفه بس ما كد شفته..............
الدكتور: صديقه طيب مررررره بصراحة يعجبن الإنسان هادئ و طيب و حنون و أخلاقة ما شاء الله..... بس أنت عارف أن عائلتنا كلهم مو بس عمي أبو عبد الله ما يبغوننا نصادق ناس أقل منا بالمادة.............
( في المستشفى )
بـ...............د...............عـ..... ................و................لـ..... ........يـ.................د
ــــــــــــــــــــــــــــــــــــــــ ـــــــــــــــــــــــــ
يا ترى وش رايح يصير خالد؟؟
هل راح يكتشف أبو عبدالله وألا لا؟؟ ووش راح يسوي؟؟
بدر بيتعدل وألا بيظل مثل ما هو على خطأ؟؟
صداقة (وليد&خالد) الجديدة بتطول وألا لا؟؟
كل هذا راح تعرفونه بالجزء الثاني ..
تابعوني لا تروحوا بعيد !!
محبتكم/
السفاحة:منعطف خطير
مواقع النشر