بسم الله الرحمن الرحيم
على عينى
على عينى ياطيرى على عينى
ألمك وعذابك مع غيرى
على عينى أشوف دم جراحك
ينزف من قسوة دباحك
على عينى اشوف نهر دموعك
بيسيل و بيجرح ف خدودك
لو كان بإيديا أشيل عنك
كنت آجى و أقدم لك عينى
صدقنى القلب شايل همك
و خيالك ما يفارق عينى
على عينى يا طيرى على عينى
ألمك و عذابك مع غيرى
يا بو قلب جريح و أمل مبتور
بتواجه الريح بجناح مسكور
يا كحيل العيـن و لا عين الحور
دنا قلبى عليك بيبكى بحور
لو ليا معاك نصيب ف النور
هافرش لك قلبى ورود و زهور
و ابنيلك بدل العش قصور
و يتم شفاك و تعيش مستور
و تطير فى سماك و تلف تدور
فرحان بهواك نشوان مسرور
رد مع اقتباس
مواقع النشر