تورتيلا مثل تورتيلا هرفي ....... بالخطوات المصوره ...

[مــــلاذ]

حبيبات قلبي

وش اخباركم ... ان شاء الله تمام .....

اليوم مسويه لكم

تورتيلا مثل تورتيلا هرفي .......

لذ يذه ... وخطيرة

نفس الشكل ......ونفس الطعم

بصراحه اخذت طريقتها من احد المنتديات وطبقتها ...

طلعت روووووووووووووووووعه

يالله حبيباتي ما ابي اطول عليكم ....

هذي المقادير :

_1 وثلاث ارباع كأس دقيق ...

_ 1 كأس ماء ..

_ 3 ملاعق حليب بودرة ..

_3 ملاعق سكر ..

_ 1 ملعقة خميرة ..

_ ملعقه صغيره باكنج بودر

_نصف ملعقة صغيرة ملح ..

_ 3 ملاعق شطه حارة ( حلواني اللي يجي فيها قطع الفلفل وحبيبات الطاطم واضحهوهذا سر النكهه )

_2 ملعقة بقدونس مفروم ملعقتين بقدونس مفروم

الطريقة:
نضع جميع المقادير في الخلاط ماعدا الدقيق والبقدونس والشطه
ثم يضاف لها الدقيق والبقدونس [ المفروووووم ] والشطه
طبعا اذا بغتيها حاااااره كثري كميه الشطه ... هذي الكميه متوسه بل قليلة الحرارة

تعجن باليد جيدا حتى تصبح عجينه متماسكة وتترك لتختمر

ساعة كاملة

وبعد ذلك تمثل كور صغيرة أو كبيرة على حسب حجم الآله اللي عندك أو حسب ذوقك إذا

كنتي تحبينها صغار

الكور هذي .. طلعت بيبي تورتيلا
يعني اذا سويتوها خلوها اكبر من هذي مرتين

وبعدين تخبزينها على آلة التورتيلا الكهربائية

هذي صورة الآله ..

وهذي صورتها

-

-

وتكونين مجهزة عندك حافظه عشان ماتبرد

أو تقسى شوي

اول ماتطلعينها ع طووول بوسط الحافظه وسكري علها زززززززين

[بنات فيه ملاحظه ... اذا سويتها بالاله لازم ماتطولين عليها يعني حطيها واضغطي عدي الى عشره بس
ولا ترى بتكون لك مثل البسكويت .

مع إني الحمدلله كل ماسويتها لينه بس عشان البعض يقولون تيبس معنا مع إنهم يحطونها

بالحافظه والظاهر إنهم يزودون الكبس عليها مرة ويخلونها تطول بالآلة وهي ماتاخذ وقت وتنجح بسرعة من

دون تحمير يعني مولازم تتحمر..

مقادير الحشوة:
برجر دجاج
طماطم
خس
مايونيز
كاتشب
خردل
شرايح جبنة النوع اللي تحبين..

[overline]يــتــبع[/overline][overline][/overline]

[مــــلاذ]

طريقة العمل :::

بعد ماجهزنا خبز التورتيلا



نجيب البرجر ...كل وحسب رغبته

هي اساسا ببرجر ببقساط بس
انا سويتها ببرجر بدون باقسماط [ عبالي صحيه:] ... وان بغيتي طعم زي تورتيلا هرفي حطي بدل البرجر نقت دجاج بالفلفل ]] >> عن تجربه النقت خطيررررررر خصوصا لما يكون بنكهة الفلفل

طبعا اليوم انا ببرجر بدون بقساط
حمرتها ع الصاج






بعدين اجهز اغراض حشوة التورتيلا ...>>لكن للاسف ذاك اليوم ماكان عندي خردل
طبعا البرجر يقطع ارباع
مثل الصوره







ويالله بعد ماجهز خبز التورتيلا .... وجهزنا مقادير الحشوه
يالله نبدأ

اول شي ندهن الخبزه بالمايونيز.. والخردل




ثم نصف شرائح البرجر





ثم الخس



ثم الطماطم



ثم نرش فوقها الكاتشب



ثم الجبن (( لكن عذرا بنات نسيت اصوره لكم ))

ونلفها



وهذا شكلها النهائي





وبالعافيه ع قلوبكم

مـــــلاذ

[خالة ليونه]

ماشاءالله ..
تسلم الايادي ......

[نعومة84]

أبدعتي ملووووذة تبارك الرحمن
طبق مميز
بارك الله فيكي