الأخت مهندسة ديكور أنا عايزة أفكرك بى أنا كنت أخذت رأيك قبل كده فى انى عايزة أعمل تجديد مؤقت لمطبخى وقلتلك انى من مصر وكنت سألتك ينفع ألصق ورق وقولتيلى هيبقى صعب ونصحتينى لحد ما أسرمك المطبخ ممكن أدهنه وفعلا من يومين جبت دهان وبدهنه والدهان لونه أصفر فاتح والمطبخ الخشب لونه بنى والأمور ماشية كويس جدا وشكل المطبخ اتغير تماما
بس عندى مشكلة فى نصف حائط وده فى الواجهة يعنى اللى يدخل المطبخ بيشوفه أول حاجة ومفيهوش وحدات من المطبخ الخشبى هو بس البوتاجاز هو اللى عنده يعنى مخبى جزء صغير منه
المهم ان الحائط ده كان مقشر يعنى فيه رطوبة المهم انا معجنتو بس للأسف مش قادرة بالسنفرة اوصل للشكل المستوى المطلوب
ومفيش قدامى غير أنىألعب بشكل المعجون نفسه بس خايفة أبوظ الدنيا خصوصا ان دى مفاجأة لزوجى اللى جاى الأسبوع القادم وخايفة الحائط ده يبوظ المفاجاة
على فكرة أنا جبت دهان أبيض ولونته وخليته كاكاوى فاتح يمكن يساعدنى فى الحائط ياريت تقوليلى على اى حل لمشكلة الحائط وتفيدينى برأيك السديد والهام جدا لى ايه اللمسات اللى أقدر أعملها باللون الكاكاوى لبقية حوائط المطبخ وهل هو لى لازمة اساسا فى الموضوع واللا لا
على فكرة أنا اللى بدهن بنفسى لانى صعب اجيب حد يدهنه ومنتظرة نصائحك
سلام
مواقع النشر