لازم تروح الكرشه قبل الاربعين مو بعد الاربعين ... تعالي اقولك كيف !!!!!!

[للابتسامه معنى]

هلا كروشات الله يتمم عليكم بخير يارب .. ويسهل ولادتكم ..



انا قبل فتره نزلت موضوع في قسم البشره عن ازالة الكرش ..


بس لقيت اكثر الردود اللي تقول انا لي اربعه شهور والده واللي تقول انا لي تسعه شهور والده ..

ففكرت اني انزل الموضوع هنا ... عشان الحوامل يعرفوا الشي هذا قبل ولادتهم ..

المفروض الوحده بعد ما تولد على خير ان شاء الله وترجع البيت بالسلامه كل يوم تشرب

قشر القهوه معروف باسم ((( القشر )))


طول فترة الاربعين .. اكثر اهل الجنوب يعرفوه طبعا ...


هذا القشر لو انشرب فتره الاربعين كلها يشيل الكرش نهائيا ...

معروف ترا عند اكثر الناس وخصوصا للنفاس لازم تشربه ..


انا لمن ولدت وكانت ولادتي قيصري يعني ما اقدر اربط بطني كنت كل يوم اشرب قشر ومرات اشرب نعناع ..

في فترة الاربعين كلها كانت بطني طايحه حتى خط العمليه ما كنت اشوفه كنت لازم ارفع بطني عشان اشوفه ..


بس الحمدلله وماشاء الله ما جيت اخلص من الاربعين الا وصرت اشوفه عادي ما يحتاج ارفع بطني ..

حتى في نص الاربعين زوجي لاحظ قالي مره بطنك خفت عن اول ..

المهم يا حوامل انا حبيت انزل الموضوع هنا عشان الكل يستفيد وعلى طول بعد الولاده القشر هذا ما يفارقك كل يوم وحتى بعد الاربعين استمري عليه خليه شي عادي عندك ...

واللي تقولي يأثر على الرضاعه او الحليب !!!!! لا ما يأثر على الرضاعه انا كنت ارضع واشربه عادي ...


بس مو تاكلي كل شي والاشياء الدسمه وتشربي بيبسي واشياء غازيه وبعدها تشري قشر .. لا لا تتعبي نفسك ما راح تستفدي منه شي ..


وبعدين فترة الاربعين هذي فترة تصليح لما فات يعني لا زم تهتمي في نفسك وفي اكلك حتى لو ما كنتي ترضعي ..

واللي والدين طبيعي كمان يشربوه بس في نفس الوقت يربطوا كمان يعني اثنين في واحد وهذا الشي يخليهم يشوفوا نتيجه اسرع ان شاء الله ..



وكمان اللي والدين قيصري وينفع كمان للطبيعي عشان احنا ما نقدر نسوي رياضه عشان العمليه

فترة الاربعين اللي تكوني فيها على السرير متمدده كل ما افتكرتي اشفطي بطنك على جوا كم ثانيه تقريبا 15 ثانيه بعدين فكي وكرري الحركه هذي كم مره ..

هذي الحركه رهيبه عشان تروح بطنك ..


وانا والده قيصري والحمدلله شفت نتيجه بعد الاربعين رجعت ولبست كل بنطلوناتي اللي قبل الحمل ..

بس طبعا انا اتكلم عن الكرش بس .. مو السمنه والنحف .. القشر ما يعتبر من الاشياء اللي تنحف لا بس يشيل البطن يعني بالنسبه لوزنك لازم تمشي على نظام غذائي عشان تنحفي ..

والمشي طبعا اهم شي هو اللي ينحف ويشد الجسم كله ...


وترا يا بنات انا بعد الاربعين كنت افكر نفسي رجعت زي زمان .. ورجعت اشرب بيبسي طبعا رجعتلي الكرشه زي ماكانت والله انقهرت قلت يا ريتني ما شربته بس الحمدلله شربت القشر مره ثانيه وراحت بطني يعني حتى اللي خلصت فترة الاربعين تقدر تشربه وان شاء الله يفيدها ...



واللي تبغى طريقة القشر تلاقيه في الرابط هذا >> الموضوع حقي اللي قلتلكم عليه ..وبالصور كمان ..




يمنع وضع روابط لمنتديات اخرى

ام ليان











وهذا نسخ للموضوع اللي ما فيها حيل تفتح الرابط ...





^



^



^

[للابتسامه معنى]

اهلين فراشات ... كيفكم !!!! ان شاء الله تكونوا بالف صحه وسلامه ...

.

.

.

.

.

حابه اقولكم على تجربتي مع قشر القهوه ...

انا كتبت الكلام هذا في موضوع وحده من الاخوات عن الكرش ...

بس جاتني اسئله كثيره واستفسارات ..

فحبيت اكتب الموضوع بالتفصيل عشان الكل يستفيد ...

انا والده لي عشره شهور ولاده قيصريه وطبعا عارفين كيف تكون البطن بعدها لأنه ما في لا مشد ولا شي ...


ونصحوني بالقشر انه يشيل البطن نهائيا .. وممتاز جدااااااا ...

وصحيح كلامهم بعد النفاس بطني كلها راحت ولا كاني والده الحمدلله ...

واللي تقول انا خلصت نفاس وما مني فايده لا بالعكس لانه انا بعد النفاس باربعه شهور شربت العدو اللدود للكرشه وهو البيبسي رجعت بطني زي ما كانت ...

والله يا بنات البيبسي البيبسي هو اللي يكبر البطن والكرش من الغازات .. لا تشربوه نصيحه

الا اذا هفت النفس مره في الشهر مو مشكله خخخخ بس مره ...

المهم بعد ثمنيه شهور من الولاده رجعت شربت القشر راحت الحمدلله بطني ...

يعني اي وحده عندها بطن وفي اي وقت وفي اي وضع سواء كانت نفاس ولا لا ... حتى لو كانت بنت .. تشرب القشر ممتااااااااااااااااااااااااااااااااااااااااااز ...


***********


وطريقته للي يسألوا عن الطريقه ...

يحطوا قشر وهيل وزنجبيل ... كلهم الثلاثه معروفين عن فوائدهم ...وكلهم اذا انشربوا لحالهم يزيلوا البطن فكيف الثلاثه مع بعض ... يا سلام ...

اذا راح تشربي لحالك ... ودلتك صغيره ...


حطي ملعقه صغيره من قشر القهوه ... بس خلي الملعقه مليانه جدا زي كذا






وملعقه صغيره هيل ناعم ...






وملعقه كبيره زنجبيل اخضر مبشور او قطعه كبيره بكيفك المهم زنجبيل او حتى مطحون براحتك ...






وتحطي عليهم المويه المغليه في ثلاجة القهوه وتقفليها ... وهذا حجم الثلاجه ..







حطيت الدله جنب الماكينه عشان تشوفوا حجمها ...بس لا تضحكوا على الثلاجه ابو قديم خخخخخخخ

بس مو انا اللي اشتريتها هذي ام زوجي حرمه كبيره وحرام لازم استعملها ...

المهم تخلي الدله نص ساعه بعدها تشربي القشر بالعافيه ..

وبصراحه ان مرات اكون مو مزاجي اشرب قشر ... فايش اسوي عشان طعمه اخذ حبة جالكسي ... حبه وحده بس ...

واشرب عليها الدله كلها .. مو كرتون جالكسي وكانك يا ابو زيد ما غزيت لا...
بس قطعه صغيره جداااااا اشرب عليها الدله كلها ...







وطبعا كل يوم تشربي دله كامله او نصها على حسب مزاجك ..

واذا يوم ما قدرتي مو معناتها خلاص توقفي لا عادي انا مرات اجلس ثلاثه ايام موقفه وارجع اشرب ما في مشكله ..

وفي اي وقت صباح ليل بعد الغدا برضو بكيفك ...

وراح تبدأ النتيجه من ثلاثه اسابيع لشهر على حسب حجم البطن وبعدها تبدأ بطنك شويه شويه تروح
وعلى حسب مداومتك للشرب ...


*******


وكمان مغلي النعاع لحاله ممتاااااااز للانتفاخات والبطن ممكن تسوي جدول يوم قشر ويوم نعناع كمان احلى واحلى ...

ولا تنسي التمارين انا بصراحه ما سويت تمارين لكن حبدأ فيها ان شاء الله قريب ...

ويارب تستفيدوا .. والله يخليكم ادعولي يا رب يحقق كل اللي في بالي ...

وانه ربنا يرضى علي وعلى زوجي وولدي ..

وشكراااااااااا ...





**********




... الى هنا انتهى نسخ الموضوع اللي في الرابط ...





المهم يا بنات مكوناته باختصار قشر وزنجبيل وهيل وحلو كمان تحطي شمر ...

بس فيه بنات سألوني ضروري الهيل والشمر لانهم ما يحبوه قلتلهم لا مو ضروري المهم انه يكون فيه القشر والزنجبيل ...

بالنسبه اللي تجيب القشر من غير ما ينطحن لازم تحمسه اول على خفيف انتبهوا يا بنات انا قلت على خفيف لانه لو طول على النار يصير بني ويصير طعمه مر وما ينشرب ...


وتقدري بعد ما تطحنيه تطحني معاه هيل وشمر وقرفه والاشياء هذي اي شي تبغيه اطحنيه معاه عادي بدل مو كل مره تحطي هيل وكذا لا يصير مره وحده بس طبعا هذا راجعلك براحتك ...

وهذا شكل القشر للي ما تعرفه قبل الطحن ..











*****************





وفيه ناس راح يقولولي انه امهاتنا ما جاب معاهم نتيجه في وحده في موضوعي اسمها ام البتول الله يجزاها خير ردت على السؤال هذا وقالت اكيد ما راح يجيب نتيجه لانه امهاتنا كانوا ياكلوا الاكل اللي كله سمن والاكلات الشعبيه الدسمه اكيد ما راح يجيب نتيجه ..وصحيح كلامها

وانا بدوري يا بنات اقولكم اللي تاكل اللي يجي وتاكل دسم وخصوصا تشرب بيبسي ومشروبات غازيه اكيد القشر ما راح يسويلها شي ...


***************




على فكره يا بنات اللي لها خلق تقرأ ردود البنات في موضوعي تبع القشر اللي فوق ترا فيه كذا وحده رجعت وكتبت تجربتها انه فادها وراحت كرشتها ...



وموفقين يارب ... وربنا يخليلكم اطفالكم وربنا يسهل ولادتكم ويرزقكم الذريه الصالحه يارب ...

منقووووووووووووووووووووووووووووووووووووووول

[(عيون المها)]

حلووو انك جبتي الموضوع قبل نولد انا بجربه في الاربعين نستبدل القهوه بقشرره القهوه
عاد حنا في فترة الاربعين بس ناكل وخصوصنا الاكلت الدسم
مشكووره الابتسامه على المووضوع الرائع

[المرزوقة]

صحصيح كلامك انا اشربه بعد ولادتي وتروح الكرشه وانا حامل وباذن الله بشربه