((تورتة البان كيك)) باسهل الطرق
انا النهاردة جايبالكوا
اسهل طريقة لعمل تورتة
البان كيك
وهو ذى الكريب بالظبط
بس يفرق عنة الفانيليا والبيكنج بودر
والسكر طبعاااااااااا
وممكن تعملية بالعصير
بدل اللبن
انا عملتة قبل كدة بعصير الاناناس المعلب
المقادير
ا كوب لبن
ا كوب دقيق
1 بيضة
ملعقتين سكر كبيرة
ملعقتين زبدة صفراء سايحة
فانيليا
ملعقة بيكنج بودر ممسوحة
ممكن انت تزودى فى البيض
واحدة كمان
وممكن تعملى كمية
وتسبيها فى الثلاجة لحد 3 ايام
بدون نار
الطريقة
تخلطى كل دة فى الخلاط
وتجيبى فنجان قهوة وتحطى فى الطاسة بعد وضع نقطتين زيت لسهولة القلب
ويبقى احسن لو تيفال
وبعد ظهور الفقاقيع تقلب
ويعاد الموضوع
((والصورة دية ليست من مطبخى بس للافادة))
بعد ماتخلصى من الكمية
تحطيهم فوق بعض
وبين كل واحدة تحشى الى انت عاوزاة
انا حشيتة بالكريم شانتية والموز
ودول اشكال مختلفة لتزين البان كيك
رد مع اقتباس
مواقع النشر