تعالوا اقولكم هنعمل ايه مع الاولاد في الاجازه
السلام عليكم ورحمة الله وبركاته
بسم الله الرحمن الرحيم
تعالوا اقولكم هنعمل ايه مع الاولاد في الاجازه :
مين فيكم اسعدها الحظ وشافت الدكتور ياسر نصر امبارح على قناة الناس
كان بيقول اننا لو حسبنا الاجازات الليبناخدها واحنا بندرس لغاية الجامعه لو جمعناها على بعض تطلع حوالي 4سنين طيب هو ينفع الواحد يضيع4سنين من عمره بدون ما يعمل حاجه مفيده وقال ان الاجازه فرصه نعلم اولادنا ازاى يتحملوا المسئوليه ازاي يعني الكلام ده ينفع مع الاولاد من سن 8 سنين بمعنى اننا نمسكهم مثلا مصروف البيت لمده اقصاها اسبوع لكن هو قال ييريت نطبقها على الاولاد الكبار سن اعدادي وثانويوبالطريقه دي كمان هيتعلموا يمسكوا ايديهم في المصاريف ويتعلموا الامانه ويعرفوا قيمة الفلوس
تاني حاجه موضوع النقاط وشغل البيت يعني مثلا علشان انا باشتغل يبقى باقبض مرتب يبقى انتوا يا اولاد لازم تعملوا حاجه مفيده في البيت علشان تحصلوا على اللي انتم عاوزينه في الاجازه يعني مثلا نحدد ان اقل عددمن النقاط التي يجب ان يحصل عليها الولد او البنت 8كل نقطه قيمتها 1جنيه اونص او حسب الامكانيات وعمر الولد او البنت يعني الولداو البنت صحيوا بدري ورتبوا سرايرهم واوضهم دي نقطه ساعدوكي في المشتريات نقطه قروا الورد الخاص بيهم من القرآن نقطه اللي يغسل المواعين او يرتب المطبخ نقطه وقال مادام الاولادبيتعبوا في الشغل هيحافظوا عليه يعني دايما هيكون البيت مرتب وهم خرجوا جزء من طاقتهم في شئ مفيد كمان هم استفادوا انهم يتعلما يخدموا نفسهم واي طالب او طالبه معرض انه ممكن يعيش وحده يبقى يعرف يخدم نفسه او فرضا ظروف حصلت الام تعبت اواضطرت تسافر كان يوم البيت ما يقفش ونستنى خالتو واللا عمتو والاتيته وانتوا عارفين ان الواحده احيانا مش بتلاحق على اولادها .
ياريت نتواصل ونتناقش في الموضوع والليعندها افكار او اضافات تفيدنا والله يخليكم ردوا عليه انا لغلية دلوقتي مش حاسه اني معاكم مع اني بقيت نجمة في بيت حواء لكن مش حاسه بتفاعلكم معايا .
منقول مع تعديلات
رد مع اقتباس
مواقع النشر