يابنات اللي ساكنات بشقق تعالو أبيكم

**توفي المنتوفي** · 26-07-2009, 09:29 PM

عندنا عريس وعنده أسأله عشان يحدد ميزانيته
طبعا أبغى الأجوبة تكون للطبقة المتوسطة
كم تكلف أجار شقة ؟
كم يكلف تأثيثها ؟؟ وأفضل المحلات للتأثيث بس تكون أسعارها معقولة ؟
بكم غرف النوم – المطبخ – الصالة – المجلس
كم سعر الأجهزة بالمطبخ ؟ وايش أفضل ماركة
كم سعر المكيفات ؟ وايش أفضل ماركه
يلا بليز اكسبو فيه آجر وجاوبني

**هتاف المجد** · 27-07-2009, 07:03 PM

حياااااااااك يالغلا...

شوفي حبيبتي أنا راح أقولك اللي أعرفه من التكاليف لما كنا ساكنين بشقة ( يوم كنا عرسان خخخخخ )

الايجار كان 1200 شهرياً ..

الشقة 3 غرف و حمامين وانتي بكرامة.. ومطبخ وصالة..

غرفة النوم ( تفصيل ) كلفت تقريباً 3 آلاف ..

مجلس الحريم كلف تقريباً 5 آلاف من محلات محمود سعيد في جدة..

ومجلس الرجال يمكن كلف 2000 بس نسيت من فين...

والمكيفات والتلفزيون والثلاجة والغسالة ( اتوماتيك ) من شركة إل جي..

المكنسة الكهربائية من فيليبس.. والكاوية كمان..

والمطبخ تفصيل فيبر .. بس مدري بكم...

طبعاً من غير الاكسسورات واللوحات وغيرها...

وياليت تقولي انتي من فين؟؟ عشان نقدر ندلك على محلات تكون مناسبة واسعارها حلووة ..

ويااارب ييسر لكم ويوفقكم لكل خير ...

مع خالص حبي............................