(من اطباق بوفية بنتي مريوووم) صينية البطاطس بالبروكلي والمشروم (حياكم)

[ايكاروس]

السلام خواتي/// مبارك عليكم الشهر الفضيل والله يعيننا على قيامه وصيامه أجمعين يارب
هذا الطبق سويته من قبل حق بوفيه بنتي مريوم وآنا وعدت الأخوات إني أنزل الأطباق الموجودة بالبوفيه كلما أسمحت لي الفرصة واليوم سويته عشان جمعة أهلي عالعشا وبصراحة مطلوب هالطبق واااايد من أهلي حتى الخدم هههههههههه المهم حبايبي نبدي بسم الله
المقادير ///



فلفل ألوان يقطع دوائر / بصل مفروم/ مشروم/ بطاطس مقطعة دوائر بالقشر/ بروكلي مقطع صغير / ثوم مهروس



بمقلاة جريل تحطين دهن شوية والبصل والثوم لما يذبل تحطين البروكلي والمشروم ويقلب



وتحطين نص علبة كريمة وكزبر بهار وفلفل أسود ويقلب دقيقة فقط ويرفع من على النار


بصينية الفرن يصف البطاط المقلي من قبل بهذا الشكل



تحطين فوقة البروكلي والمشروم اللي حمستيهم وفوقهم شوية جبن موزيريلا



ثم باقي البطاط المقلي بهذا الشكل

مجهزه بزبدية علبة كريمة تخلط مع قيمر نستلة1 وبيضة وملح وفلفل أسود وكوب موزيريلا وربع كوب جبن شيدر


وتوزعينه على البطاط بهذا الشكل

وتوزعين الفلفل الألوان بهذا الشكل وشوي جبن موزيريلا وبقسماط وبالفرن من تحت ثلث ساعة وفوق لما يتحمر وهذا شكله النهائي






وبالعافية عليكم وكل عام وانتو بألف خير

[عسل حضرمي]

أمممممممممممممم بما أني أول وحده أرد الصينيه كلهااا ليه خخخخخخخخخخخخخخ

يعطيكي العافيه والله يجمعكم دووووم على خيرر والله يعوده علينا وعليكم

[ايكاروس]

مشكورة ياعسولة عالمرور الأكثر من رائع
والصينية وصاحبة الصينية لج ههههه
تستاهلين يالغالية تعالي الكويت واحطج بعيوني

[{ روعة الكون }]

يمي يمي يشهي ..



يعطيك العافيه