لو قدرتى
عارفه لو قدرتى تغشى أو تنافقى
تبقى صحيح نجحتى وم الكلام سلمتى
وف وسطهم عيشتى وعلى دربهم سيرتى
لكن جوّه قلبى موتّى واندفنتى
وانسى إنك إنتى كنتى فى يوم حبيبتى
ويحرم عليّا حبك وتحرم عليكى عيشتى
عارفه لو قدرتى تغشى أو تنافقى
جايه تجرحينى وتقتلى الإحساس
عايزه تدمرينى عشان كلام الناس
ناسيه إنى شاعر رقيق قوى و حساس
عايش ع المشاعر والحب والإخلاص
جايه خايفه منهم روحى وارجعى لهم
سهل تبيعى قلبى وتشترى سكوتهم
صعب تعودى تانى وانتى لابسه توبهم
عارفه لو قدرتى تغشى أو تنافقى