اذا تبغي تبري والدينك اتفضلي
السلام عليكم ورحمة الله وبركاته
اخواتي جات في بالي فكره لبر الوالدين وحبيت انقلها لكم عسى الله ان يحتسب لنا بها الاجر
كثير نفكر نكون بارين بوالدينا ونفكر انو دام اننا راضينهم وما زعلناهم خلاص هو د المطلوب, بس لو نفكر قد ايش هم اتحملو عشاننا , من وقت ما خلفونا الين الان سواء كنتي متزوجه ولا لسه ..
عشان كدا لازم نرضيهم ونساعدهم ..ايوا نساعدهم حتى لو ما كانو محتاجين ..ولكن مساعدتنا حتزرع في قلبهم فرحه جدا كبيره ..لاننا احنا ما حصدوه والدينا
اذا فكرتي انو كل واحده تفكر ايش الشي الي اهلها ناقصهم ونفسهم فيه (طبعا يكون شي كبير افضل)
مثال : بيت اهلك عليه بنك ..
امك وابوكي نفسهم يحجو السنه
اهلك عليهم ديون
سيارة الوالد هلكتو في الورشه طول الوقت ..وامك محبوسه في البيت
الحل ايش ماكانت الاوضاع ..اتفقي انتي واخوانك واخواتك تعملو اجتماع سري عن امك وابوكي وتجيبو صندوق صغير وكل واحد يحط فيه المبلغ الي يقدر عليه
والاجتماع هذا يتم كل شهر مره مثلا وفي كل شهر ينحط مبلغ غير محدد من كلل فرد منكم
الين يسير المبلغ كافي للغرض الي اهلكم محتاجينو
واكيد الفرحه حتكون جدااااااا كبيره من اهلكم لعدة اسباب ..اولها انكم بريتوهم واخرها انكم اجتمعتو كاخوة وفكرتو فيهم ...وشي مره يحبو الاهل انهم يشووفو اولادهم متاخيين من جد
اتمنى اكون ساهمت لو بشي بسيط
ملاحظه الحج على الباب والشركات ما تقصرررررر , يعني لا احد يقول عندنا دوامات وما نقدر نروح مع اهلنا الحج ...انتو بس جمعو الفلوس واختارولهم احسن شركه تحججهم
دعواتكم لي بالخلف الصالح
يااااارب رضي اهالينا علينا
رد مع اقتباس
مواقع النشر