دردشه مع حاجات (تعالوا سوالفوا معنا)

[أجامل]

السلام بداية تقبل الله منكم وحج مبرور وسعي مشكور وذنب مغفور اقولكم التالي
1-الحجاب الساتر ولا يكون طويل مررة لانك ماراح تلبسين كعب وبالتالي اذا صار طويل ممكن يدوسونه وتقعين
2-خذي عبايه وغطا احتياطي في الشنطة
3-البسي داخلي قطن نص او طويل حتى ماتصابين باحتكاك اثناء المشي الطويل
4-الصابون والمعقم والكمامةوالمشط وفرشاة الاسنان ومناديل جيب
----------------اصبرو برجع اكمل ان شاء الله----------------------------

[سعادتي طاعة ربي]

romya
اسلوب تشويق من جد انتظرك بارك الله بك غلاي
اجامل
من جد افدتينا يالغلا بانتظار المزيد

[مــــــــــاريه]

وعليكم السلام

ياهلاا بالغاليه موضوعك والله فله مررررة الله يجزاك الجنه

اما عني انا الحمد الله حجيت على قولتهم (من قضى فرضه يمسك ارضه )ههه بس انا مابي امسك ارضي والله لو بيدي لحج كل سنة
حجيت مع حمله مررره حلوه والله الحمله تريح الواحد الله يجزاهم الجنه ( انا وزجت اخوي وثنين من اخواني )
الحج راحه للنفوس والله مابعد شفت راح اكثر راح يوم كنت في اراض الله المقدسه
الكل في حاله تشعرين بطمئنينه غير الكلام اللي ينقال
في البدايه كنت خايفه لاني اسمع كثير ولاني في وقتها كنت صغيره في المتوسط
ولا اعرف عن الحج الى الشي القليل000
ولا امي معي ولا احد من خواتي مغير انا وزوجت اخوي للي توه متزوجها ذيك الايام يعني معرفهازين 00 بس الحمد الله من اقبلت على الحرم وانا ناسيه كل شي وبدل الله خوفي بطمائنينه والحمد الله
اما عن الغراض ههه انا كل شي خذيته ولو ادولاب وتسريحه تنشال كان شلتهم هع

خذيت كما قالوا الاخوات الله يجزاهم خير 00 معجون وفرشاة اسنان 00 مشط للشعر 000 ملابس (اذكر امي الله يجزاها خير حط لي مخبها داخليه في ثوبي من داخل علشان ماتبان احط فيها فلوسي وارقام تلفونات علشان اذا ضعت لاسمح الله 00ذاك الوقت مكان معي جوال 00 مممممم وش بعد صابونه وشمبو غير معطر 00 كريم واقي لشعت الشمس 00 غطاء للوجه احتياطي 00خيط وابرة للخياطه للحتياط 00 مم اذا ذكرت راح ارجع لكم

اما موقف صار معي هههه
اتذكر لما صار يوم عرفه وحنا في المخيم النسائي الخاص بالحمله وقت الغداء
دخل علينا ولد صاحب الحمله ومعه كرتون مرطبات غازيه وغيرها من انواع العصاير
ولما شافوه الحريم قامو استغفر الله (خموا ) الكرتون منه الكل يبي ياخذ
هو يمشي والحريم ياخذن منه ولما وقف عندي مدري وش صار طاح منه الكرتون في حظني
انا نهبلة الحريم ياخذون من حظني وزوجة اخوي وباقي البنات يضحكون علي وعلى شكلي مرررة يفطس من الضحك يقولونه لي عبايه وناقب وحالتي حاله هههههههههههههه

الله يوفقكم ارجع وقول الي مابعد حجت تحج ولى ترى تتحسف بعدين
كم وحده ذلحين ما بعد حجت بسبب اولادها تتعذربهم والله هذا موعذر تخليهم عند احد تثق فيه
ولي مابعد تزوجت تحج وتقضي فرضها الله يجزاكم الجنه ويسهل الله عليكم كل ضيقه ويسهل على الحجاج حجهم ويرجعهم الهلهم سالمين 0000

[أجامل]

السلام عدت اليكم/
1-خذي طرحه النوعيه الباردة على قطن يستعملونهابعض الكبيرات غطا الله يجزي امي بالجنة فعلا ماتحر على الرقبة مثل ماحصل لوحدة في الحملةخصوصا نطول لابسينها
2-لاننس شراب الحجاب واهم شي المصحف وكتيب الأذكار ان لم تحفظيها
3-خذي شنطة يد تكون نوعيتها على صوف او قماش وسيرها طويل اثبت وأخف
4اذا جاتك وجبة وماشتهيتي خذي منها المويه وعلبة التمر وحطيها في شنطة اليد تراها تفك أزمة
5-مايمنع من اخذ بعض البسكويتات الجافة او الوافل
6-اكثرو من قراءة القران والذكر والدعاءتذكري (أياما معدودات)قللي من التعارف واترك السواليف وممكن تخليها وقت الوجبة
-----------------الله يتقبل منا ومنكم واذا افدتكم ابغى منكم الدعاء لي بالخير ويرزقني الله الولد الصالح-----------
تروحون وترجعون سالمييييييييييين وبالأجر غانميييييييييييين