بسم الله الرحمن الرحيم
تحيه طيبه ياأخوات والله يجزى كل من أضافت شي لهذا المنتدى والله استفدت كثير منه فقررت اسجل وأفيد أخواتي مثل مافادوني
وبما إني من عشاق الدونات وكنت لما أعملها في الزيت مامي ماتاكل منها لأنها ما تحب الزيت
فصرت أبحث عن دونات في الفرن لحد مالقيت في أحد المنتديات أخت الله يجزاها خير كاتبه عجينه جربتها وطلعت خيال وكلمة خيال شوي عليها من كثر ما حبوها أهلي والاهم ان ماما الغاليه اكلت منها
وهاذي هي مقادير العجينه
المقادير
كاس ونصف ماء دافئ
4ملاعق كبيرة جبن سائل
فنجان ونصف سكرناعم
ربع كاس زيت
رشة ملح
6ملاعق حليب جاف بودرة
ملعقة كبيرة خميرة فورية
ملعقة كبيرة بيكنج بودر
دقيق أبيض والأفضل كويتي (كاسين ونصف اعجنيها وزيدي شوي شوي لحد ماتصير زي عجينة الفطائر )
الطريقة
نخلط بالخلاط المقاديرثم يضاف الدقيق بالاخير ويعجن جيدا وتكون العجينة متماسكة مثل عجينة الفطاير وتترك لتخمرلمدة ساعتين ثم تفردوتكون سميكة عريضة بارتفاع نص سم تقريبا وتقطع بواسطة كوب حاد أوأي اداة ثم تقطع بالوسط بواسطة غطاء صغير وتصف في صينية بعددهنهاويعادعجن الزوائدمن العجينة وتشكل مرة ثانية ثم تترك لفترة تتراوح من ربع الى نصف ساعة
وقبل ماتدخليها الفرن ادهني الوجه بحليب ابو قوس
وراح اترككم مع الصور اللي مو واضحه ولا عطتها حقها لكن الشكوى الله جوالي الفارس وهذا تصويره
هاذي غطيتها بسكر بودره بعد مادهنتها بزبده وهي حاره
وهاذي غطيتها بنستله مع شوي لون أصفر وخططتها بهيرشي شكلها رهيب بالمره
وهاذي غطيتها بشكولاته وطريقتها( شوي زبده على النار بعد مايذوب نضيف له بيالة سكر ونحركه لحد مايذوب ونضيف لها شوي هيرشي السايل ونحركها لحد مانوصل للون اللي نبغاه )
وكان ودي أصورها من داخل علشان تشوفون وشلون منتفشه وهشه
يالله جربوها وقولوا رايكم ... ولاتنسونا من دعواتكم
سبحانك اللهم وبحمدك استغفرك واتوب اليك
--------------------------------------------------------------------------------
بصلاتي تصفوا حياتي
رد مع اقتباس
مواقع النشر