يا أمي يا غلا الدنيا ..
يا أمي يا غلا الدنيا ..
,,وأصدق عاطفه في الكون
وأدفا حضن يحضني ..
,,وأكبر قلب يحويني
أنا بك دنيتي جنه..
,,وبسماتك مطر ومزون
وضحكاتك ربيع أخضر..
,, زهوره فتحت فيني
إذا شفتك أرى الدنيا..
,, صباح بالفرح مسكون
واذا غبتي عن عيوني..
,, يغيب النور عن عيني
عشقتك والهوى طفل..
,,ربا في خافقي المفتون
كبر هذا الطفل واصبح..
,, غرامه يسبق سنيني
أنا يا أمي .. أنا يا أمي ..
,, ما أفيك مهما يكون
جميلك دين في عمري ..
,,وربي بك موصيني
ومهما عشت لك وافي ..
,, بظل الوافي المديون
لأنك روحي في قلبي ..
,, ودم في شراييني
رجيت بـ صوت كله خوف متأمل بـ يعطيني
لأجل ما أفرّحك يمّه رجيت وزدت رجـواتي
هقيت أن دنيتي تصدق بـ دعواتي وتوفيني
صبرت بـ حروة آمالي وحروة كل هقواتي
وجت لـ الخلق ذا كـله ولكن ازرت تجيني
قلت أكيد هي خيرهـ حمدت الله لـ حالاتي
كتمت الـ آهـ أ لا تطلع ولا ودي تشوفيني
ما ودي يتعبك نـوحي ولا تشقيك شهـقاتي
تجرعت الألم يمّه .. شربته بـ أول سنيني
وجـيتك ما بغيت أنك تحسّي مر لـوعــاتي
اضّحـك هم دمعاتي وأطمّـن خوف يحـويـني
وأجر بـ صوتي العالي لأجل عينيك ضحكاتي
وإذا صديت عن وجهك اسلم أمري لـ عيني
تجـيـني مثل جــلادٍ يـروق أن شاف دمعـاتي
اجـمّـلها بـ ذكـر الله وأقول الله بـ يـجـزيـني
أهـدّي نفسي .. أطلبها تجـمّـلها بـ بسمـاتي
ولكن لو نجي لـ الجـد .. ترى كذبي مأذيـني
ما عاد استحمل العيشه بـ تزيفي لـ فرحاتي
أنا هـلـكــان يا يمّه .. أنا تـعـبــان ضمّيـني
انا كل ليـله اتـوّفى وأرد أحـيا لـ صرعـاتي
ذبحني البـرد يا يمّه .. بغـيـتـك لو تـدفـيـني
طـلبتك انزعي بردٍ سكن واستوطن بـ ذاتي
ضلـوعي تزاحمت يمّه بـ صدر ٍ ما يكـفيني
من الضيقه من همومي من ألامي وآهاتي
يلاعب فكـري جنـون و تلاعـبني شياطـيني
توريني ضعف حـالي .. تذّكرني بـ معـانـاتي
تشكـكـني بـ حبك لي .. وأقول أنك تحـبـيني
تـعـانـد حبـك بـ قلبي .. تكـذب لي حـكـايـاتي
ترى ما هزّني خوفي وحبـك لي بـ يحـميني
ترى ما عمري أشكك وألومك في نهـاياتي
!.. أنا بس بـ اسألك يمّه حقيقه ليه ولدتيني
!.. بـ نفس اللحظه يا يمّه ولدتي ليه مأساتي
أرد أدعـي أنا ربي من العـلـّه يـشـافــيـني
وكل خــوفي على قلبك إذا مروك بـ رفاتي
أنا خـايف من أحـلام ٍ نـهايـتها بـ تشـقـيـني
ومن قسوة مشاويري ومن آخر مسافـاتي
وخايف والله من قبري ومن تـربه تغطيني
وسيره تنقطع بعدي .. ما يبقى غير كلماتي
أبيكِ ترضي بـ القسمه ورضوانك بـ يرضيني
تراني لـ أجــلـك أتمنى يحـقق ربي رغـبــاتي
يا يمّه لا أشـوف الهم بـ وجهك .. لا تبّكيني
ترى مكتوبه قبل أولد متى ولـ وين خطواتي
وإذا ما جـت على كيفي أبيكِ منها تـعـفــيني
عسى ترحمني دموعك وتشفع عندك أبياتي
آآآآآه يا يمه
عسـى للجنة مصـيـرك
ويــن رحـتِ عـن صـغـيـرك
والله بـدري يـا غـلا هـالعمـر كـله
الغـلا
يمه لـسـا بـمـحـله
كـل لـيـلـة أتمنى أشوفك
يمه والله اتـذكـر وصــوفـــك
وكـل حـنـانـك اذكـره
وكـل كـلامــك اذكــره
يمه حـتى غـرفـتـي تـسـالـني عـنك
" ويــن أمـــك ؟
ويـن اللـي كـانـت تـقـولـك :
يـا ولـيـدي تـغـطـا
يـا بـعـد عـمـري تـدفـا
لـيـه مـاتـاكـل يـا حـبيبي "
أربع سـنيـن يـا
يمه مـن رحـلتي
أربع سـنـيـن ولا عـنـي ســألتي
يـمـه للــحـين أنا مـا تـغــطـا
والأكــل لـســا مــا حـبـه
يــا بـعـد كـل الـبشــر
عـيشــتـي كـلـهـا قـهــر
لـو تـشـوفـيـنـي يـا يمه
رح تــقــولي
شـكـلـك يـا ولـيـدي سـعـيـد
وأحسبك بـعـدي وحـــــيد
لا يــا يمه
انـاحــظـي ويــااجـروحـي الألـيمة
عـذبـونـي ولـوعـونـي وعـلـمـونـي
اتـظـاهــر بـالـفــرح
حتى لو قلبي انجرح
كـل أحلامي يـا يمه انـتـهـت
كـلهـا أبسهولة أفشلت
وما بقـالي غـير أوهامي يـا يمه ومـاتـمـنى غــيــر
بوســط أحلامي أشوفك
وآآآآه يـــــــا يمه
يمه .. أنا مالي في هالزرع مقيال
يمه ربيع الكون ماهو بعيني
ماشاقني طفلٍ وأنا صرت رجال
وأطلقت بـــــــالأيام مهرة سنيني
يمه رضيت بكل مايرضي الحال
بس الزمــن بــالحيل يلوي يميني
نوّخت فكري لــلتواضع ولا زال
وجعلت فـــــي وكر الكرامه جبيني
ومديت كفينـــي عطا تشعل اشعال
أصابعي شمـــــع لمن هو يبيني
وجعلت فــي قلبي للأحباب منزال
وسكنتهم رغــــــم علي عاذليني
طبعي كذا ، ماخالطه خبث واهبال
أشـري الذي في خاطره يشتريني
يمه، أنا في عالم الحب مرسال
تكـــــفيني من نار العذاب ادركيني
كنت أذكر البسمـه على شفاة الأطفال
كانت تحرك كل الأفراح فيني
صمتي قتـــــل في داخلي كل الآمال
وتبـــــــخرت أحلام أول تجيني
كنت أحسب الـــــدنيا قصيدة وموال
موالها فــرح ، وفرحها هجيني
لكن نـغمها ماطرالــــي على البال
ان اللـــــــــيالي بطبعها تكتفيني
يمه ، جهلت اسنين ، وسنين أطوال
أمشي وتصفق في هواها يديني
أطرد سراب وداخل الأرض زلزال
آه الـــــــظما يقتل سنابل حنيني
يمه كفوف البرد ماتدفي الشال
أرمـــي الزمان وبالحنان احضنيني
يمه شكيت ومابغيت أشكي الحال
صوت انهتف في داخلي سامحيني
يا يمه منتهي جيتك وطالب منك الغفران
اقبّـل قاعة اقدامك واغسلها بدمعاتي
يا يمه كل مافيني ينادي لك انا ندمان
طلبتك .. قولي سامحتك وردي لوجهي بسماتي
انا ادري قلبك الطيب كسرته بصدمة النكران
غلطت وغلطتي هذي تعيّـر كل غلطاتي
اشوف الشيب يا يمه ترى ماجاء وانا فرحان
وربي الي رفع ذاتك ونزل للردى ذاتي
فقدت الراحة من بعدك فقدت الطيبة والتحنان
بدونك راحتي غاية بيدينك هذي راحاتي
انا بعدك ولا حاجة انا بعدك ترى عميان
اشوف ولا اشوف الي يوريني مساراتي
انا وسيد الشقى والهم من بعدك غدينا اخوان
يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تندان
رميتك في بداياتي ورموني في نهاياتي
انا من شالك بايده ورماك بأسفل البركان
نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان
رموني ومابهم فزعة وانا الدمعات فزعاتي
يا يمه لاتظنيني انا من فعلهم زعلان
سواد فيك سويته وسوو فيني سواتي
يا يمه يالله ضميني ودفيني بذرى الاحضان
انا ادري فيك مشتاقه وهمك بس ملاقاتي
يا يمه حيل ضميني ابي ارتاح انا تعبان
تعبت اهرب من ذنوبي ابي ارتاح بمسافاتي
ابي اسمع منك اي كلمة لصوتك مسمعي ولهان
ابسمع يمه وبصوتك اباذكرفيها نشواتي
اشوفك ساكته يمه ! غفيتي والا انا غلطان
غفيتي يابعد عمري .. تعبتي من مواساتي ؟
يا يمه طالبك قومي ينادني عيونك شان
اشوف الموت بعيونك عساها تصير هقواتي
تعالو يابشر شوفو انا محتار انا تلفان
انا أمي مدري وش فيها انا مدري انا احاتي
شنو أمي انا ماتت !؟ لا لا لا ترى غلطان
انا أمي ماتخليني على حزني ووناتي
انا أمي قلبها طيب ولا يمكن تبكي انسان
انا أمي ماتبكيني ولا تتمنى آهاتي
يا يمه صح مامتي ؟ صح الموت توماحان
اذا متي انا بعدك ابقضي وين ساعاتي؟
يا يمه قومي يا يمه وقولي الموت مهما كان
انا جيتك وانا ناوي ابمشي فيك جناتي
تركتيني ومتي ليه ؟ تركتيني وانا ضميان
ولا مسموح ياوليدي ولا اخذ عنك زعلاتي
انا جاني وانا المجني وانا المخطي وانا الندمان
وانا ديني رميته تيه وبعثرته ملفاتي
وجيت من الهناء مفلس وقلبي من الضنى خسران
تركتيني على ناري اعدد فيك زلاتي
ولاني مرضي ربي ولاني تابع الشيطان
انا بعدك ترى مابين نهاياتي وبداياتي
يا يمه منتهي جيتك وكلي مرتجي غفران
وشفت الناس تلعني وتحذرني من الاتي
يالحضن الدافئ ..والقلب الطيب..والعين الساهره..
يمه أحبك والله أحبك
ولو بشيلك على ظهري ودور فيك بيت الله ماوفيتك حقك
ياالغاليه قولي وش أسوي لجل ألحق جزاك
أنتِ عمري حياتي روحي قلبي وكل شيء في دنيتي
ولو بوصفك ألى ماينتهي حبري ماعبرت عن غلاتك بقلبي
أنتِ اللي لفرحي فرحتي ولحزني حزنتي وحتى دمعي بيدك مسحتيه
قلتي مايهون علي أشوف دمعتك
وأنا اللي في هالدنيا متعبتك
ليتني أموت ولا تنزل دمعه من عينك
يمه أحبك والله أحبك
أنتِ نور لطريقي ..
أنتِ دواء لقليبي..
أنتِ أمل لحياتي..
يمه أحبك والله أحبك
أنتِ الدفا لآذبحني برد الأحزان..
أنتِ الوفاء لآفرقني أقرب الخلان..
أنتِ العطاء لآبخل علي الزمان..
أنتِ الملجاء لآفقدت الأمان..
يمه أحبك والله أحبك
والله مدري وش أقول احترت واحتارالكلام وفي حبك ضاعت مني حروف الحب والهيام
يمه وللي خلقني....أحبك
يمه وللي رفع السماء بغير عمد....محد وصل لحبك
يمه وللي سخر الخلق لعبادته....حياتي مالها طعم بدونك
يمه
سامحيني أذا بحقك أخطيت
العفو منك يمه..أنا مقوى على زعلك
أكره الدنيا بغيابك...وأخاف من يوم فرقاك
يمه أحبك والله أحبك ..
رد مع اقتباس
مواقع النشر