تكفووون ساعدوني بسرعة

**زيووووووني** · 12-02-2010, 01:51 AM

مرحبا كيفكم...
انا اول مرة اشارك بالمنتدى الرائع
وعندي استفسارواتمنى من تعرف لاتبخل علي بالنصائح
انا امس ركبت لولب والدكتورة قالت مارسي حياتك عادي ومااعطتني اي نصائح بالرغم من انها شاطرة حيل والكل يمدحها
وانا ظهري يعورني... ويوم ماقلت اني ركبت لولب الناس خوفونيلازم اتمدد واعامل نفسي زي النفاس وانتبه وماادري ايش
السؤال...انا ابي اعرف كيف اداري نفسي وابي النصائح من الي جربوا علشان احافظ على نفسي ماابي اتعرض لمشاكل صعبة وبهذله...وايش الاشياء الي اسويها علمآ باان الدكتورة عطتني تحاميل وغسول...
واشكر كل من بيقدملي النصائح

**توفيه2** · 12-02-2010, 03:11 PM

لا تخافي من اللولب لو انتبهتي شوي على نفسك
شوفي انا حملت عليه لاني ما انتبهت على عمري زي الناس
اول شي لازم تعرفي انه الم الظهر دا طبيعي و كمان بتجيكي الدورة اغزر و اطول من المعتاد
اهم شي تنتبهي لا تشيلي شي ثقيل ولا حتى تدفي (تدفعي) اي شي ثقيل برضوا وكمان في شغل البيت اعمليه على خفيف .. اعملي زي ما كنتي تنتبهي على نفسك في بداية الحمل
عادي مارسي حياتك طبيعي وان شاءالله كل امورك تسير تمام
ومع الوقت بتحصلي انه اللولب مريح اكثر من اي شي ثاني .. لاتشيلي هم مواعيد زي الحبوب ولا تقعدي تعدي ولاهم يحزنون هيا بس مشكلتها الدورة تغزر
وفي حريم مع الوقت تصير الدورة عندهم اقل من المعتاد
لكن لازم بعد شهر من تركيب اللولب تروحي تكشفي وبعد كدا يسير كل 6 شهور تروحي تكشفي عليه
دي الكشوفات والمراجعات مهمه لا تهمليها
والله يسهل امورك