احيانا لما يطلب منك شخص فهالزمن المشورة تلاقين الرد سهل لانه كثروا المستشارين اللي نشوفهم ونسمعهم وناخذ منهم اغلب الحلول لمشاكلنا ولمشاكل غيرنا ...
لكن انك تعيشين المشكلة شي وانك تسمعين عنها وتقولي رايك شي ثاني
صديقة عزيزة على قلبي فاجأتني بمشكلتها ...وهي باختصار ان زوجها يدردش مع وحدة دردشة بريئة عالجوال ....
تقول تخيلي فنفس الفترة اللي كان يكلم صديقته؟؟!! ما عاد كلمني مثل اول لدرجة اني اشتقت لصوته وكنت اقول لخواتي : يا الله اشتقت للقعدة مع زوجي من زمان ماجلسنا وسولفنا ...
وكنت حاسة فيه شي من كثرة الاتصالات والرسايل اللي تجيه وما يرد عليها قدامي
المهم عرفت كيف تفتح السجل ولقت مكالمات بالهبل لرقم مسمى برمز ...
فكل وقت من اول ما يصحى وينزلها للدوام وخلال الدوام وبعد الرجعة للبيت وهكذا حتى الفجر
السالفة هذي ما طولت اقل من اسبوعين وكشفته وصارحته واعترف ...
هي انهارت وصارت مثل المجنونة مع انها عاقلة جدا بس تقول انا كنتن اشك فنفسي ما اشك فزوجي
وهو بحسب كلامها ما اعتذر لها كفاية وما حست انه ماخذ الموضوع بجدية وطلبت الطلاق وهددها ياخذ عيالها ولما انهارت رحمها ورجع يراضيها بس بكلمتين بس ويهملها باقي الوقت
وتخيلوا هي حامل وتعبانة وهو نفسة كان لسى طالع من فترة مرض صعبة وقفت فيها جنبه وبكذا كافأها...
وكلما حاولت تعاتبه يطنشها او يستهزأبرسايلها عالجوال وانها فاضية ما عندها شغل
زعلت وكانت تبكي فكل وقت تكلمني واحاول اصبرها بس ما فيه فايدة ...
ولما تعبت هي حاولت تخليه يراضيها وحاولت ترضى بس ما قدرت تكمل ...
تحس انها خلاص حبه مثل الشي اللي مات فداخلها
يدخل ما يفز قلبه يغيب ما تسأل عنه مثل اول ...
تقول خلاص ما احس باي عاطفة تجاهه ..
وبالمقابل تحس انها فاقدته
قلت لها انسي بس ما فيه فايده ...
والله قلبي يتقطع عليها ..
ما ادري ..
احس انها تبالغ بحزنها وزعلها بس ما اقدر اظلمها يمكن معها حق والنار ما يحس فيها الا اللي واطيها
بس انا اخاف من كثر ما هي تطنش زوجها وتبعد عنه يرجع يسوي اللي سواه مع انه كان وهو عازب ما يسوي هالسوالف - على كلامه لها-
بس ما ادري يمكن الشيطان لعب براسه
انتوا وش رايكم
رد مع اقتباس
مواقع النشر