تابع,,,,,,
عقدوا قراني على ولد عمي وزواجي بعد ثالث ثانوي على طول
ابوي حسيته بدا يتهرب مني(وانا بقلبي اقول تسوي كذا ببنتك روان اغلا بناتك الله يسامحك يايبه)
كنت حابسة نفسي بغرفتي وابكي ليل ونهار خواتي وصلو الخبر لأمي اني ماابيه وامي وصلت الخبر لأبوي
بس للأسف الكل يتهرب عني مايبون يواجهوني وهذا اللي كسر ظهري وحطمني اكثر
بنهاية الأسبوع اللي صارت فيه ملكتي
رحت بساعة متأخرة من الليل لغرفة امي
ابوي ماكان فيه طقيت الباب ودخلت عليها لقيت اختي المتزوجه عند امي
اختي طلعت
جيت جثيت عند رجول امي وقعدت ابكي ابكي ابكي
بكاء طفلة عمرها 3سنوات
مسكتني امي وضمتني قالت شفيك قلت ماابي اتزوج ليش سويتوا فيني كذا
قالت ليش يابنيتي هذا ولد عمك بيعزك ويصونك وماشاء الله عليه بيعيشك بنعيم
قلت انا ماابي اتزوج ماابي
سكتت قالت بس ابوك وعمك الشايب اكبر عمامك وبيزعل من ابوك
قالت شوفي يابنتي انا مااقدر اقول لأبوك شي
ولابيدي حيله هو يدري انك ماتبينه والشكوى لله
انا هنا تحطمت بزياده
طلعت من غرفتها وانا حاسة اني وحيده غريبة بين اهلي
ابوي عزوتي وسندي بهالدنيا يرميني هالرميه ليييييش
هذا والله اللي كان محطمني اكثر
رجعت لغرفتي بكيت اكثر
اروح للمدرسة شبه انسانه بروح محطمة مااضحك مع صديقاتي مثل اول
ماعندي احد اشكيله
اخت عبدلله جتنا مسيره مره للبيت وتخيلوا جت سلمت علي وتباركلي
يوووه تمنيت تباركلي بزواجي من اخوها مو ولد عمي
وعبدلله اااااه بس كل مااتذكره احس اني بحاجته اكثر من اول وكنت افكر هل هو يدري اني بتزوج ولا لا
هو ماصار بيننا شي كبير بس سبحان الله تعلقنا في بعض
ماصرت اشوفه زي ا ول هو مايجي من دوامه الا الساعة 3 والصبح يطلع الساعة 8 يعني مااشوفه وقت روحتنا او جيتنا من المدرسة
مر 3 شهور على هالحال
مااسولف مع اهلي نزل وزني صرت نحيفة مررره يطلعون مشاوير مااطلع معهم
ابوي يجلس انا اقوم
كنت خايفه احط عيني بعينه وتنزل دمعتي
صرنا بنصف الترم الثاني من ثاني ثانوي
منسدحة على سريري وافكر وطبعا فكره ورا فكرة لحد مادمعتي تطيح وادوخ وانام بس ذيك المره لا
قمت بدون وعي ورحت لمجلس الرجال ودخلت على ابوي
كان يتقهوى
رفع راسه شافني
رميت نفسي عليه وحبيت راسه
قلت تكفى يابيه لا يايبه
قال وش يابعدي
قلت ماابيه ارحمني يايبه
تخيلو قام يبكي معي وانا دافنه راسي بحضنه وماسكه ثوبه وابكي
وصار يمسح دموعي بطرف شماغة
بكييييييت
بكيييييت
من الهم اللي شلته 3 شهور
من الشوق لحظن ابوي الغالي
من الشوق لريحة شماغة
قال كفي دمعتك يابنتي
ويحلها ربك ان شاء الله
طلعت من مجلسه وانا كلي امل بس مادريت اني راح اتسبب بمشاكل كبيرة برفضي لولد عمي
جاء من اليوم الثاني
صبح ابوي وهو يحمل هم كثر همي
وهو هم عمي الكبير اكبر اخوانه اللي يحترمه كثير
كيف راح يقوله عن بنته اللي رافضه ولده
لما صار الظهر بعد الغداء دق ابوي على عمي
قاله البنت ماتبي الزواج الحين ومن هالكلام
وفجأة طلع صوت ابوي
وجيت اتسمع انا وامي على مكالمتهم
وسمعته يقول لعمي ان بغيت الزواج بالغصب وانا جريت البنت هالحين وجبته لبيتك
بس ماحد يرضى بالغصب والزواج اللي بدون رضى ماهو من صالح ولدك
شوي ويقفل
عمي زعل على ابوي ...ليش اخوي مايقوى على بنته هالبنت قويان راسها
وتدق اخته الكبيرة على امي...بنتك ليش ترفض اخوي وش فيه اخوي
قالت امي اخوك كل بنت تمناه والله يرزقه بغير بنتي والبنت تبي تكمل دراستها
وبدا ينتشر الخبر
والناس بدت تتكلم
احنا بدو وعائلة معروفه وصعبه البنت ترفض ولد عمها
وانا رفضت ولد عمي
والناس تفاجأت
البنات بالمدرسه صارت نظراتهم غريبة لي
حتى صديقاتي
وين مااروح الناس تتهامس حولي
اللي شمتان واللي يحش ويقطع بجلدي واللي يقول كلام ماقلته
حسيت اني مخنوقه متى مامات هم انولد هم جديد
دراستي ماصرت اركز فيها
معلماتي بدو يلاحظون علي
انعزلت عن الناس اكثر من اول
يتبع بأذن الله,,,,, في حال ماشفت منكم تفاعل ماراح اكمل والعذر والسموحة
مواقع النشر