بسم الله الرحمن الرحيم
أول مشاركة لي في ركن المطبخ من مطبخي وبالصور حياكم
لمحبي الملوخية أقدم لكم طريقتي في تحظيرها وإن شاء الله تجربوها وتعجبكم
أبغى ردود وتشجيع عشان استمر للحماس وأنزل أطباق ثانية وبالتفصيل الممل
ملاحظة : كل صورة تحتها التعليق أو شرحها .. وانتظروا تحميل الصور ..
االطلبات :
وحده ثوم وحده بصل مفروم ناعم فرمتها بمفرمه يدويه .. ثلاث حبات بندوره متوسطة كمان مفرومه بمفرمه يدويه
مكعب ماجي . معجون طماطم . دجاجه كامله مقطعه ومغسله ومنزوعة الجلد .. مطبقيتين ملوخية شوفي كمية
الملوخية تقريبا أربعة حزم أو ثلاثة . زيت . بهارات مشكلة ..
كانت عندي سبعة حزم ملوخية نظفتها وفرمتها بمخرطة الملوخية بعدين وزعتها في مطبقيات وعلى الفريزة وقت الطبخ تخريجها على طول على القدر
هنا الطلبات جاهزة للطبخ . وخرجت الملوخية من المطبقيات شوفوا شكلها وكل شي جاهز ومفروم ..
الدجاج يوضع في قدر على النار لوحده نسلقه نصف استوى وكمان عشان ننظف الدجاج من الريم
في قدر ثاني نحط شوية زيت مقدار ملعقتين أكل . ثم نكشن البصل والثوم . بعدين نحط البهارات والماجي ولي ما تبغى مكعب ماجي تكتفي بالبهارات وهي ( زنجبيل مطحون شوية . ملح. فلفل أسود . كمون . وكاري
السر في الصلصات سبكي الطماطم والمعجون مع البصل والثوم وخليها إلين تطلع ريحتها الزكية بعدين حطي مويه فايره حاره إلى ربع القدر فقط عشان راح نحط مسلوقة الدجاج عليها
الآن ضعي الملوخية المجمدة على الصلصة الحارة غطي القدر نص نص لا تغطيه مره بعدين تسود الملوخية و عشان تسيح الملوخية وتبدا تنسجم مع الصلصة
شوفي الريم وهو عبارة عن دم يخرج من الدجاجه أكيد الكل عارفه خرجيه بالكبشه أو الملاس واتخلصي منه
بدأت الملوخية تنسجم مع الصلصة أرخي النار عنها ...
بعد ما نظف الدجاج من الريم خذيه وحده وحده أو قطعه قطعه وأنقليه في قدر الملوخية
نضع مسلوقة الدجاج فوق الملوخية والصلصة يعني المسلوقة إلي سلقنا فيها الدجاج ما نرميها لا نرجعها في قدر الملوخية ممكن تصفين مسلوقة الدجاج قبل وضعها في قدر الملوخية عشان تكون أنظف انا صفيتها
وبكذا تكون كلها في قدر واحد وخليها تتسبك على نار هادية وخلي غطى القدر نص نص مثل الصورة
معليش يا بنات ما غرفتها في الصحون عشان أخذتها بقدرها ورحنا تعشينا عند امي (أم لحظة صفا) هههه سوينا معاها رز أبيض ومعاها كمان عيش حب .. يا سلام وبعدها فنجان شاي أخضر
إن شاء الله تعجبكم حبيباتي بألف صحة وعافية دعواتكم لي وللوالده
مواقع النشر