طبعا الرز السليق معروف عندنا في مكة وجدة .....
وهادي صورة عشان اشهونكم عليه
طبعا بعد تنضيف الدجاج ...اسخن ملعقة زيت واقلب فصين مستكة كوووويس الين تدوب وعلى طول ارمي الدجاج ....واقلبها معاه كويس ..وبعدين اضيف المويه الحارة ...
وبعد مااشيل الوسخ احط صرة البهار والملح ..واسيبها الين تستوي
وبعد مايستوي الدجاج نصفي المويه ...وتلقيها اصلا بيضه وصااافيه ....وبعدين ارمي على ديك المويه الرز المصري المنقوع واسيبهم على نار عاليه ومع التقليب المستمر واضيف علبة قشطة واول مايستوي الرز اوطي النار واضيف كاستين حليب واعدل الملح
احيانا اسخن الزبدة واكتها على القدر واقلبها واغطيها على طول واطفي النااار
من جد ماااياااااخد وقت ورووووعه ....
ونقدمه مع الدقوس الحار ..وبالعافيه
بالنسبه لتحمير الدجاج ...اولع عل الزيت في الطاوة وارش رشة ملح وفلفل اسود عليها واول ماتحمى اوطي النار واحط الدجاج واغطيه بغطه قدر الضغط عشانه تقيل ..واعلي النار شويه وبعدين اطفي ...واخليه تلات دقايق ..وبعدين اشيله واقدمه ..عشان مايلصق في الطاوة
هاه ادوني رايكم
مواقع النشر