قصه والله احبك ويشهد الله علي لما اشوفك ابتسم صدقني ماهو بيدي روووووعه

[وردة سلام]

أنحرفت السياره و صار لهم حادث وقف سلمان من شدة الحادث مهما حصل تبقى أخته وقفوا سيارات كثير وحاولا ينقذون اللي بالسياره اللي بدت تحترق وقدروا يطلعون طيف وأبراهيم وسلمان أنصاب بحرق بيده ونقلوهم للمستشفى بس أبراهيم توفى وطيف بحاله حرجه كانت أتصل سلمان على اخوه فارس وعلى عبدالوهاب ومحسن اللي خلال 10 دقايق كانوا موجودين وكان سلمان حالته تكسر الخاطر جالس على ارض المستشفى ودافن وجهه بين أيديه

فارس : سلمان بشر شلون طيف
سلمان : بغرفة العمليات
عبدالوهاب : شنو اللي حصل يا ولدي يدك محترقه
سلمان : اللي حصل ما ينقال ياعم أختي فضحتنا بين الناس
فارس : تكلم
سلمان : اختك مخاويه يا فارس طحت عليها راده معه ويوم شافوني انحاشوا وصار الحادث أهو مات وهي بغرفة العمليات
فارس(بعصبيه) : بأذن الله تلحقه
محسن : تعوذ من الشيطان هذي أختك
فارس: أختي فضحتنا فضحتنا
عبدالوهاب : ربك المحاسب

بعد ساعتين طلع الدكتور من الغرفه ووجهه ما يبشر بخير...

محسن : بشر يا دكتور
الدكتور : انتو اهلها
فارس : انا اخوها طمنا
دكتور : الحادث أثر كثير على العمود الفقري وهشمه فسبب شلل رباعي
محسن : اللهم أني لا أسألك رد القضاء ولكن أسألك اللطف فيه
فارس(دمعة عيونه) : الحمد لله على كل شيء
دكتور : أنا متأسف أبلغكم بالخبر الثاني أكتشفنا ان طيف مصابه بالأيدز
الكل أنصدم والمصيبه الثانيه أقوى من الاولى وسلمان أغمى عليه من الصدمه ونقلوه غرفة الطوارئ وفارس يالله يالله مسك نفسه لا ينهار من الصدمه
بعد ماصحى سلمان محسن وعبدالوهاب أتفقوا مع فارس وسلمان يقولون للعائله أن صار لها حادث وهي راجعه مع صاحبتها والمرض المصابه فيه محد يجيب سيرته ولأنها مصابه بشلل رباعي محد يقدر يرعاها بيحطونها بالمستشفى ويهتمون فيها حفاظا على سمعت عائلة محسن والله يتولاها برحمته رجعوا للبيت بعد ما تطمنوا على سلمان


&&&&&&&&&&&&&&&&&&&&&&&&&&&&&&&&&&&&&&

اليوم الثاني بالمزرعه.....

صحى حمد واهو بقمة السعاده أن محبوبته رجعت له بس أنطفأت وميض السعاده وأختفت البسمه عن شفاه لما لاحظ انها مو موجوده حتى ملابسها مختفيه وكاتبه
أســــــــــــــــــــــــــــــــــــــــــــــــ فـــــــــــــــــــــــــــــــــــــــه
على المرآه تأكد ان خلاص تركته غير لبسه ونزل معصب مقهور وحزين كان مقرر خلاص الطلاق الحل لمتى بيجبرها أذا عايفه العيشه معه خلاص هي حره
رجع للبيت وصعد ولا ألتف لأمه وعمته وأخته ولا كانه غايب 3 أيام ومشتاقين له

الأم : الله يستر علامه
مناير: مدري يمه
أمينه : تظنين طلق أسيل
: فال الله ولا فالك ياعمه
الكل لفوا : أسييييييييييييييييل
أسيل(تبتسم) : أصصصصصصصصصصص الله يهداكم لا تفضحوني
الأم : علامكم يمه حمد داخل معصب
أسيل : يمه بقول لكم بعدين بس اللي أقدر أنه يظن أني تركته
الكل : ههههههههههههههههههههههه
أسيل : بصعد له اطيب خاطره
أمينه : الله يهنيكم

صعدت وكان جالس بالصاله على الكرسي وضام رجوله له ودافن راسه بين ركبه

أسيل :
ياروح روح الروح فكّر وقلّي
أنا بقلبك وين موضع محلّي
ملكتني في صادق الحب يالّلي
لاغبت عنّي كيف أبا أرتاح وأنساك
مادام هذي لوعتي وأشتياقي
وأنا معك مرتاح وش عاد باقي

حمد وقف يوم سمع الصوت وابتسم بكل حب لها وفتح ذراعيه لها وقال
لا تسألني وش كثر حبي يكون
حبي ترى ماهو من اوصاف الغرام
حبي لو تدري ياعمري جنون
ما ينوصف ما ينكتب مثل الكلام
حب بناه الحب والقلب والعيون
همسة غرام وخفقة القلب أنغام

أسيل(ركضت له وضمته) : احبك با حمد أحبك وما ابي غير قربك
حمد (شالها ولف فيها من الفرح) : وأنا بعد أحبك وما أبي غيرك
أسيل : نزلني حمد دوختني حرام
حمد : أول قولي لي وين رحتي وتركتيني
أسيل: رحت لمشغل أجهز نفسي مو تقول عروس حبيت أكون غييييييييييير لجل عيونك
حمد (ينزلها) : انتي غير عن الكل
أسيل : خلنا ننزل الكل يبي يسلم عليك
حمد : خليني آخذ دش وننزل

أنتشر خب طيف بين العائله والكل حزن عليها وخفف الخبر فرحتهم برجوع حمد واسيل لبعض بعد فراق وأبو أسيل حلف تكون الطلعه للبر كلها على احسابه من فرحته فيهم وكلفوا الشباب بتضبيط المكان للبر وحلفوا على سلمان رغم رفضه يروح معهم ويغير من نفسيته

&&&&&&&&&&&&&&&&&&&&&&&&&&&&&&&&&

في المستشفى
يدخل عبدالوهاب لمكتب اخوه محسن

محسن : حياالله من زارني
عبدالوهاب : الله يحييك
محسن : هذي الساعه المباركه أول مره تجيني هنا
عبدالوهاب : ساعتك أبرك جاي أخبرك أن زياد ونجود يوصلون اليوم بأذن الله العصر والسهره ببيت أمي
محسن : أفااااا ومتعني لهنا عشان كذا ليه ما أتصلت
عبدالوهاب : والله ياخوي لان عندي موضوع ثاني أنت مثل ماتعرف أعزك وما أبي اتعداك واوافق إلا أذا وافقت
محسن : على شنو خير
عبدالوهاب : والله حامد ولد أحمد جيرانا خطب مني نجد
محسن : أهاا وبعدين
عبدالوهاب : والبنت موافقه عليه البارح قالت لي بس ماتبي تشوفه وماتبي حفلة ملكه وما أبي أغصبها
محسن : يعني موافقه من غير نفس وانت محتار صح
عبدالوهاب : الصبح اجتمعت مع اخوانها وعبدالله بعد وقلت لهم موافقه بس اهم رفضوا وأهي وقفت ضدهم بس
محسن : بس شنو
عبدالوهاب : الصراحه عرفت انها تبي تملك وتفركش الزواج ردا لاعتبارها
محسن : من
عبدالوهاب : راشد هو اللي قالي السالفه ولدك مشعل ضربها مره
محسن(عصب) : الحيوان وكيف عرفت كل هذا
عبدالوهاب : أسيل دقت عليها صاحبة نجد وكاتمت أسرارها لما أصرت اسيل تعرف السالفه قالت ان نجد

وبدا عبدالوهاب يعلم محسن بكل شيء عن نجد ومشعل وعن خطت نجد محسن حلف يعاقب الأثنين مشعل مد يده عليها ونجد أنها حاولت تهدم حياتها بأنتقامها من مشعل وقبول الزواج كمهرب

&&&&&&&&&&&&&&&&&&&&&&&&&&&&&&&&

في بيت الجده .....

صحت رنا وتفاجئت الغرفه كلها ورد جوري باقات باقات باقات والسرير منثر على السرير وتحت بالارض مكتوب بالورد أحبك ومسوى قلب كان على الطاوله علبه وبطاقه فتحت العلبه لقت سلسال ذهب أبيض بحرف r ومكتوب بالبطاقه

احب حبك ..واحب قلبك
..وتحضني بدفا عيونك..
.................................................. ..................
وأبي قربك..وأنا عقبك..
أذوق الهم من دونك
.................................................. .............
تعال وخلك بقربي..
وحط قلبك على قلبي
.................................................. ..................
وخلنا نعيش هالحظة..
جنوني يعشق جنونك
.................................................. .......................
أحب الهمس في صوتك..
أحبك حتى ف سكوتك
.................................................. ....................
حروفك فن يا عمري..
وقلبي يعشق فنونك
.................................................. .....................
أحب الرقة في قلبك ..
وأحب القسوة وربك
.................................................. ...................
أبيك بكل حالاتك..
ولو تبعد أنا أصونك
.................................................. ....................
أحب حبك وأحب قلبك..
وأحضنك بدفا عيوني
.................................................. ...........
وتبقى دوم بعيوني..
تري مالك سوى قلبي

وأنا مالي سوي عيونك


ضمت الكرت والسلسال وأخذت جواله
رنا : ألو
راشد(بفرح) : هلا صباح الورد والشهد صباح الحب
رنا : كيفك
راشد : ألحين بخير
رنا : دوم يارب
راشد : رضيتي وسامحتيني
رنا(بحيا) : وكيف ما اسامحك


&&&&&&&&&&&&&&&&&&&&&&&&&&&&&&&&&

[وردة سلام]

على الساعه 6 نزل مشعل ومحمد وكان محسن وأم مشعل ينتظرونه

محمد : يبه ما رحتوا
الأب : لا أسبقنا بجي وراك مشعل لا تروح ابيك انا وأمك
مشعل : آمر يبه
الأب : أمك شافت لك وحده وبنخطبها لك
مشعل(يوقف) : شنوووووووو ومن قال أني أبي أتزوج
الأم : يايمه كل اللي كبرك تزوجوا
مشعل : بس انا ما ابي أتزوج
الأب : بس أنا قلت بتتزوج وغصب عنك بعد
مشعل : يبه الله يخليك ما أبي أتزوج غصب تكفه
الأب : ليه في بالك وحده من الصايعات اللي تعرف
مشعل(يأشر على قلب) : مافيه غير وحده نجد بنت عمي
الأب : نجد أنساها محرمه عليك
مشعل : ليه تقول كذا
الأب : نجد انخطبت وعطت موافقتها خلاص بعد مانرجع بنملك لها
مشعل(عصب) : لا لا لا لا ما اصدق
الأم : أبوك صادق
مشعل : لا لا لاماحد يا خذها مني برتكب جريمه أهي لي أناااااااااااااااااااااااااااااااااااااااااااااااا اااا
الأب(عصب) : مــــــــــــــشــــــــــــــعــــــــــــل ياويلك ان سويت شيء لا تعتقد مثل الكف اللي عطيتها ولا عرفنا عنه أنه شجاعه
الأم : مشعلووووووووووووه تضرب نجد
الأب : احمد ربك ان عمك حلفني ما اسوي شيء لك ولا كان انا أرتكبت الجريمه فيك اليوم
مشعل(بترجي) : يبه تكفه لا تخلي عمي يوافق تكفه طيب من خطبها بروح له واترجاه لو احب أرجوله بس ما تكون لأحد غيري
الأب : اللي خطبها حامد ولد جيرانهم وياويلك اذا رحت له وألحين بتروح قدامي وتبارك لعمك وبكره امك تخطب لك وملكتك وملكتها بيوم واحد في بيت جدتكم
مشعل : لييييييييييييييييييييييييييييييه تذبحوني أرحموني انا ولدكم ليييييييييييييييييييييييييييييييييييه ما اخذها يمكن اتقبل بس زواجي وزواجها بيوم واحد لا لا لا لا يبه ما أقدر أمووووووووووووووووووت
الأب(بصوت عالي) : والله لاتكون ولدي ان ما وافقت
مشعل(نزلت دمعته مع انه رجل دمعه القهر والانكسار) : ذبحتوني ذبحتوني
الأب : وألحين قدامي واللي دار بينا ما احد يعرف فيه حتى راشد فاهم

مشعل أنقهر ونجد كذالك عقاب العم قاسي حبيبين وبنفس الليله وتخطيط نجد طلع غلط وأنقلب ضدها أنتشر الخبر والفرحه لو هي ناقصه لانهم كانوا يتمنون يكونون لبعض إلا فرحانين فيهم والملكه بعد الرده من البر ثاني يوم واليومين قضنها البنات بالسوق عشان لبس الملكه مع انها عائليه بين أهل معاريس العائله وأهل حامد وعروس مشعل شوق اللي اختاروها له

بعد يومين طلعت البر....
على الساعه 6حركن السيارات

الجمس : فيه نجد ونجود ووجدان ومناير وسلوى وشهد ورنا شايلين الكرسي الخلفي ومسوين الجلسه للبنات والكرسي الثاني الجده وخدامتها وحاطن ستار عشان البنات ياخذن راحتهن وراشد يسوق وجنبه مشعل
فهد : معاه زوجته وعياله وامه وأبوه
حمد : معاه عبدالله وامه وأم أسيل وروابي وأسيل والخاله زهره وأمينه وملاك
أحمد : معاه ابوه وامه وخالته أم خالد وعايشه والخادمه
فراس : معه بشاير ومحمد وزياد
جراح : معها ابوه وخالته وجدته واخوانه
فارس : معاه سلمان وأمه وسعاد وعياله

في سيارة حمد ....

عبدالله : أنا ودي أفهم ليه روابي واسيل بآخر كرسي شنو عندكن
اسيل : يمه يالشك ابدا نسولف سوااااااااااااالف
حمد : والله أنا شاك روابي تجين عند عبودك وتخليني أرد ورا لأسوله
روابي : سوري
حمد : ههههههههههه اختي عايفه قربك
أم حمد : حمد أستح وش هلاكلام
عبدالله : خخخخخخ بايخ أوريك
نط عبدالله للكرسي الخلفي من عند الامهات
عبدالله : يهب كل هذا زطيات حمد حمد
حمد : هلا
عبدالله : السوبر ماركت كله هنا ياخوي
حمد : وانا أقول البارحه مدفعتني 1500 ريال عشان الخرابيط هذي
عبدالله : أقول خلني احلل فلوسك وأكل خل عيونك على الطريق
حمد : لا لا خيانه انا مو سواقكم يمااااااااااااااااااااااااااااااااه
أم حمد : وصمه للعدو علامك
حمد : مالي شغل خلوا عبدالله يرد او اوقف بنص الطريق
عبدالله : والله خذ مرتك مالي خص
حمد : حبيبتي أسيل تعالي هنا
أسيل : فديت قلبك تامر امر ثواني بس
روابي : هيييييييييييييييييييييه ايش تسوين
أسيل(تلم حلويات بكيس) : يا حبيبتي حلال زوجي ولا يذوقه
حمد : هاااااااااااااي بعدي وبعد قلبي تعالي حياك
أسيل(تخطت الكراسي وجلست جنبه) : الله يحييك بفتح لك عشان تاكل أوكيه
حمد(أبتسم) : اوووووووووووووكيه

أما بسيارة راشد.....

أنواع الفله والوناسه غير جو ضحك وفرفشه سوالف وضحك وتعليقات الكل يشارك إلا اثنين يتكلمون قليل جدا
نجود : شباب شغلوا المسجل
راشد : أطعمينا يا مدام زياد وحاضرين
نجود : تستاهل (مدت كيسين لخدامة جدتها) ليندا هذا كيس انتي ماما وهذي كيس لراشد ومشعل
ليندا : اوكيه
راشد : تستاهلين حط لنا مشعل شريط
مشعل : تامر

افتـرقتــوا مو هــذا اللي تبــونـــه ------- ليـه طيـب كل واحـــد فـي ألـــم

ماتـعبتــوا من شعـــور تكتـمونـــه ------- ولا هيـــة مســألة عـــزه بأثـــم

يــامــا قلنـا أتــركوا الكبر وجنونه ------- المحبــه والثــــقه فيـــها أهـــم

والامانـــه فى الــفؤاد ومن يصــونه ------- شـئ طبيـعـى للعــلاقه لو تتــم

ان بغيتــوا أرجعــوا لذكــرى حنونه ------- واستــفيدوا درس من يــوم نــدم

أســال اللي كون الكون بسكونه ------- يـرجـع اللـي طـاح وأتكسـر عدم

نجد(حطت يدها على فمها تداري شهقاتها ودموعها) : ...................
شهد(همست لها) : أقوله يسكر المسجل أذا تحبين
نجد هزت راسها بلا وضمت رجولها لنفسها نزلت راسها تسمع

مشعل بعدها حط اغنية....

احلفــك بالله قلبـك ما فقــد خله
و ما اشتقت لي ولا تعبت من الصد والفرقى
ماحــن قلبـك بعد هالبعــد ذا كله
و لا تعــودت و ودك بعـدنا يـبــقى

لا تـدفن الشوق و تنهي حبنا بزله
تـدري بحبي و تدري مثله ما تلقى
معقوله من غلطتي تنسى وتتغله
و لا انتـه مــا صدقت و للعـذر تلقى

عنــدي امــل و الطيــر مهـما تعله
يرجع ويلقى الارض للقاه شفـقى
ان كــان قلبــك يـبينــي دربي تدله
و ان كـان ناوي فراقــى الله يوفقى


راشد : مشعل شنو هالأغاني الحزينه انا بختار لكم
البنات : وااااااااااااااااااااااااااااااااااااو عااااااااااااااااااااش رااااااااااااااااااااااااشد
راشد (يشغل) : أهداء لكن سمعن
ياللي يسمع كلمت أهلوا شنو منقلوا ........(البنات) شاطر شاطر
ياللي بيعقد عاقل وحدوه شنو منقلوا........... (البنات) شاطر شاطر
راشد(يغير الاغنيه) : غيرنا غيرنا سمعن
نجود : لا رشودي حلوه وربي
راشد : رنا لك أهداء
اللي يزعل مامي ...... (البنات) نوتي
واللي يزعل بابي.......... (البنات) نوتي
راشد(يغني) : واللي ما بيشمعش كلام راشد نوتي نوتي
الكل : ههههههههههههههههههههههههههههههه

[وردة سلام]

بعد ساعه ونص هدن البنات وتعبن من الضحك وتمددن نص تمدد واللي جلست تسولف نجد اللي هاديه أكثر الوقت ما قدرت تشيل راسها ومالت صوب مناير اللي جنبها وصرخت مناير
الجده : علامكن فيكن شيء
مناير(تمسك راس نجد وأشرت للبنات) : لاجده هذي شهد قرصتني
الجده : شهد علامك على اختك
شهد(تسند نجد مناير) : جده تتطنز علي خلاص ما أعودها
راشد : اعقلن لا انزلكن
البنات : طيب
شهد(تهمس) : حرارتها مرتفعه
نجود(بخوف) : تنفسها سريع شوفي كيف تتنفس
رنا : أقول لراشد يوقف
شهد : لا لا أذا قلنا أخاف يتهور ويوقف فجاه تعرفون راشد
مناير(أخذت جواله) : انا بتصرف .... الو
أسيل : هلا منور .... ايش حصل .... شنووووو متى ........ طيب طيب أتصرف
حمد : خير
اسيل : حمد خلك ورا سيارة راشد نجد أغمى عليها والبنات خايفات يقولن لراشد يوقف فجأه من الخوف
روابي : شنو فيها
أم أسيل : أنا كنت حاسه بيصير شيء اسيل
أسيل : اهدي يمه سخونه (دقت على راشد) ألو ... هلا رشود عفيه وقف على جنب ... لا لا مافيه شيء بس أبرة امي مع نجود .. طيب باي

اول ماوقف راشد نزلت أسيل وحمد وعبدالله يركضون للجمس وهدن السيارات الثانيه ونزلوا العائله
راشد(ينزل اهو ومشعل) : علامكم
عبدالله(يفتح الباب الخلفي للجمس) : نجد نجد
راشد : نجد شنو حصل
أسيل : مافيهاشيء نجود عطيني بطانيه بس دوخه
حطوا البطانيه على الرمل وشال عبدالله نجد وأخذت أسيل ماء ورشت على وجها
محسن(يجس النبض) : نجد حاره وبصدمه وخفقان السريع لقلبها ممكن يوقفه أحمد جيب المعدات الطبيه شنطتي
أحمد : تبشر يبه
أسيل : عطوها مجال تتنفس
عبدالوهاب : مايصير نوقف كلنا بالشارع راشد حركوا فراس فارس سبقونا للمخييم بنلحقكم بس لا تسرعون

وصلوا بعد فتره للمخييم والكل يدعي لنجد وبعد نص ساعه وصلت السيارات الثانيه ونزلت نجد ساندها فهد وعبدالله ودخلوها الخيمه ترتاح بعد ما محسن عطاها العلاج قررت ترتاح لان الليله مها وأهلها بيجون يسهرون عندهم

على المغرب طلعن البنات برى الخيمه ........

شهد : وهابي وهابي
عبدالوهاب : هلا
شهد : رح قل لاحد الشباب يجي يشب النار لنا
عبدالوهاب : حاضر
مناير : بروح أجيب لنا لحم نشوي
وجدان : خذيني معك
رنا : انا بجيب الطماط والبصل عشان الشوي
مشعل(يتنحنح) : السلام عليكم
البنات : وعليك السلام

مشعل يضبط الخشب وكل شوي يطالع لنجد بس أهي تطالع للارض شهد حست فيهم وحزنت عليهم وغمرزت للبنات يبتعدن

مشعل : سلامتك ياجعل اللي فيك فيني
نجد(رفعت راسها) : بسم الله عليك

نجد ومشعل ألتقوا بالنظرات قامت نجد ودخلت الخيمه وبكت ورفضت تطلع لين مشعل يروح على المساء جات مها وأهلها وطلعن البنات يتمشن لأن الليله قمره والشباب جلسوا يسولفون على صوب وطافن البنات من قدامهم

راشد(تذكر مها وأبتسم) : سلمان
سلمان : هلا
راشد(همس له) : أقول لو لو لو قلت لك عن البنت اللي كسرت سيارتك وش تعطيني
سلمان : اللي تبي تكفه ياخوك طيرت النوم من عيني أول بنت تقدر تجيب خشمي
راشد : وقلبك
سلمان(حط يده على قلبه) : أخذته وطار معها ومع طاريها
راشد : شف ما أبي منك شيء بس ما تأذيها
سلمان : تم
راشد : شفت ذيك الطويله اللي مع خواتي اللي لابسه جلال أخضر
سلمان : أخت عبدالرحمن
راشد : ايه هي ذيك
سلمان(مسك كتوف بصدمه) : احلف
راشد : والله هاه وش تبي تسوي
سلمان (أبتسم بخبث) : بخطبها واجننها وبعدين أحبها
راشد : هههههههههههههههههههههه قصدك تخطبها وتجننك وبعدين يمكن هي تحبك
سلمان : ههههههههههههههههههههههههههههههههههههههههه

نجد كانت مع البنات وتراقب مشعل ويوم شافته قام وأبتعد جهة براميل الماء راحت له
مشعل(واقف وباين عليه الحزن وحس بحركه ولف وانصدم) : نجد
نجد : مشعل
مشعل : يا عيون مشعل
نجد(غمضت عيونها تداري دمعه) : مثلك عارف بعد بكره بكون ملك لغيرك
مشعل : آآآآآآآآه يانجد لا تزيدين المواجع علي
نجد : ابيك تعرف أني رافضتك لسبب أني اخاف من الارتباط أخاف من قربك ما اتخيل أكون زوجه وانا مو حاطه عيني على احد ولا بقلبي احد الأسباب نفسيه يمكن ما اكون مجبوره أشرح لك بنفس الوقت مو عارفه ليه أبرر لك أتمنى لك السعاده

مشعل : وانا آسف لأني اهنتك ومديت يدي عليك انا أحبك حب جنوني يمكن ما انكتب لنا نجتمع بس(أشر على قلبه) أنتي هنا وبتبقين أتمنى لك الهناء يالغاليه

كانت لحضات تتلاقى بها عيون الاحباب قبل الفراق تحمل بطياتها الحزن والالم وتوادعوا على امل كل واحد يتمنى لثاني السعاده من ورا قلبه


كانت سرحانه فيه وفي آخر لحظه جمعتها معه صحاها صوت عايشه

عايشه : نجد نجد
نجد : هاه هلا
عايشه : وقعي هنا الشيخ ينتظر
نجد مدت يدها وهي ترجف وأخذت القلم ووقعت بشهود واقع حصل
تعالت الزغاريط واللولشه..
أسيل : يله بنزفك بيدخلون المعرس
نجد(وقفت تداري دمعتها) : أنا طلبت ما يدخل
عايشه : ابوي وافق خلينا نزفك بعدها نزف مشعل وعروسه
نجد : لا ما يدخل ما يدخل هذا اتفاقنا
أسيل(تتصل على أبوها) : يبه ماتبي تنزل رافضه طيب
عايشه : خير
أسيل : خلينا ننزل أبوي جاي بيكلمها
بعد ما نزلت أسيل وعايشه بدقايق طق الباب ...
الأب : السلام عليكم
نجد(تلف له) : وعليكم السـ.... يبه كيف تدخل مشعل هنا
مشعل(يبتسم) : ما يحقلي اشوف عروستي
نجد(جلست حست بصدمه) : زوجتك
الأب : انا بطلع بعطيكم 5 دقايق وتنزلون
مشعل(يقرب ويمسك يدها) : أيه انتي زوجتي ملكي
نجد : وحامد وشوق شنو صار
مشعل : حامد وشوق وهم ياقلبي من ابوي وأبوك يعاقبونا
نجد : وانت عارف
مشعل : والله عرفت من ساعه يوم نبي نوقع الكتاب نجد والله أحبك احبك والله يشهد علي
نجد(بحيا) : وانا
مشعل : شنو
نجد : احبك
مشعل : يله خلينا ننزل لهم والكل فرحان فينا
نجد(تحط يدها بيده وتبتسم) : يله
الفرحه والزغاريط واللوشه تعم المكان والأبتسامه ماتفارق الوجهين والأيدين ضلت متماسكه مع بعض
^_^






&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

[وردة سلام]

بـــــــ أربــــــــــــع ــــــــــــعـــــــــــــ ســـنـــــــوات ــــــــــد


شهد ما حضرت للشرقيه لأن عمر عنده دوام فبقوا بالرياض شهد عندها ولدين محمود عمره سنه و خمس شهور و عامر شهرين

سلوى مسافره مع أهل زوجها لجده و عندها بنت اسمها وعد عمرها سنه و شهرين و هي ألحين حامل لها شهرين

وجدان لأن زوجها أخو زوج سلوى مسافره معهم لجده معاها بنت اسمها ياسمين وعمرها سنه

رشا ولدت و جابت سلطان و تؤام بنات سهام و سمر عمرهم خمس شهور

أما طيف توفت من سنه متأثره بتقدم مرضها والعياذ بالله

على فكره سلمان تقدم لمها اللي رفضته بالاول وقال لها عن طريق نجد ان اذا ماوافقت بيقول لأخوانها عن انها ارسلت ولد خالتها يكسر سيارته طبعا ولد خالتها عمره 14 سنه ما صدق 100 ريال وخبرهم بكل شيء رضت مها وهي ترتعب ويوم الملكه أسوء يوم بالنسبه لها انها تقابله وجه لوجه ولكن سلمان كان حنون معها وقال لها أنه مو قصده يهدد بس حبها ويبيها وماكان يبي غيرها وبعد زواجهم بسنه سلمان سافر يكمل دراسات عليا بالخارج وراحت معه مها تكمل دكتورا بره وعندهم ولد واحد اسمه حسن عمره سنتين

&&&&&&&&&&


العائله قررت تروح لشرقيه لعطلة نصف السنه و طلعوا على الكورنيش يتمشون

احمد وعايشه ...

احمد : عيوش مسكي عيالك
عايشه : محسن فهد خويلد ووجع ليه الهواش
خالد(3س) : ماما مدحس
محسن(4س) : لا ماما خالد
فهد(سنه) : مدح ماما
محسن : كذابين
عايشه : هونت لا تجيب لهم ايسكريم
محسن وخالد وفهد : لااااااااااااااااااااا
أحمد : يعني معاقبتهم تعالوا نجيب
عايشه : هذا وانا بساعدك أقول خذوني معكم
احمد : يله

&&&&&&&&&&&

خالد وترفه.......

خالد: الحين انا أفرق بين لولو بس العيال وين زياد ووين أياد
ترفه : الله يخلف ما تعرف تفرق بين عيالك هذا ولهم 4 سنين
خالد : لا يجننوني أذا قلت أياد أثنينهم يردون وان قلت زياد يردون ثنينهم بعد انتي الله يهداك اللبس نفس الشيء
ترفه : طيب لولو وين أياد
لولو تمشي وتمسك أياد
خالد : أشطر من ابوها ههههههههههههههههههههه
&&&&&&&&&&&&&&&&&&&&


محمد وسوسن....

محمد : عسى البيبي مو تاعبك
سوسن(تبتسم لحنية محمد) : لا شوي يرفس بس حبوب هادي اكثر الوقت
محمد : طالع على ابوه فديته
أنوار(تبوز) : وانا
محمد(يشيل بنته أم 3س) : أنتي نور عيون بابا تبين طياره
أنوار(تفتح ايديها) : تياره سليعه بابا
سوسن : بتدوخ كذا وتنام علينا والليله سهر
محمد : بس مره
أنوار : لا لا ملتين
محمد : ملتين هههههههههههههههههههههههههههه



&&&&&&&&&&&&&&&

زياد ونجود.....

زياد : نجود ياقلبي أبي نجيب اخت ولا أخو لمحمد حرام وحيد
نجود : زياد ياقلبي محمد له سنتين إلا شيء بسيط خلني أخلص الترم الاخير وعلى كيفك
زياد : طيب حملي ألحين وما تخلصين الترم إلا والده
نجود(تحط يدها على خصرها) : لا والله احلف لأن ماوراك حمال ووحام ولا تثقلون وتتعبون
زياد : بس بس كلتيني بروح ألعب مع ولدي أحسن
نجود : احسن باي
زياد : كبريت باي

&&&&&&&&&&&&&&&&

فراس وبشاير...

فراس : فديته أيه فك نفسك
بشاير : فراس علامك حمد حمد تعال ماما ليه كذا تضرب فطوم
حمد : بابا يدول
بشاير : فراس والله لاقول لعمي موحاله يضرب أخته فاطمه تعالي بابا مو حلو
فاطمه : ماما مودي اهئ أهئ
بشاير (تشيل بنتها) : هيييييييين انت وولدك والله لأقول لعمي
فراس(يمسك يدها ويجلسها) : لا هونت العذر توبه
بشاير(تقرب راس فاطمه لفراس) : بوس راسها
فاطمه : لا كخ كخ
فراس(يمسك راسها ويبوسه) : غصب عنك هذي بركاتي
فراس وبشاير : ههههههههههههههههههههههههههههه


&&&&&&&&&&&&&&&&&

جراح ومناير ....

مناير : يوووووه بس بس
جراح : علامك سعودي
مناير : عياره ولدك توه راضع
جراح : يمكن تسنين أهو كم له
مناير : الحمد لله ماتعرف عمر ولدك
جراح : لا نسيت
مناير(توقف) : الله يخلف بوديه لامي عمره 8 شهور
جراح : طيب لا تتاخرين بنتمشى
مناير : ثواني


&&&&&&&&&&&&&&&&&&

رنا وراشد .......

رنا : رشودي ولدك ذبحني بس يرافس يقول مو ببطن بملعب
راشد : خليه يجي وأذبحه لك
رنا : تعبت شوف لما أولد ما ابي احمل قبل 3 سنوات هذي 8 شهور وتعبت
راشد : محد راد عليك يالخبله أبي دست عيال
رنا : مو صاحي انا بشر مو آلة تفقيس
راشد(يحط يده وأذنه على بطنها) : علي علاوي اطلع تعبت انتظر
رنا : راشد وخر فضحتنا مو صاحي هالرجال
راشد : أحلفك بالله اللي يشوفك يكون صاحي
رنا : يعني اجنن انا
راشد : يالحب ياقلبي
رنا وراشد : ههههههههههههههههههههههههههههه


&&&&&&&&&&&&&&&&&&&&&&&&

عبدالله وروابي.........

روابي : عبود
عبدالله(نايم على رجلها) : نعم
روابي : حبيبي تكفه شف أسيل وحمني راحوا للبحر
عبدالله : وأذا
روابي : عمري والله مالي خلق يبردون عفيه قوم
عبدالله : طيب قومي انتي
روابي : رجلي نامت من راسك ماشاء الله ثقيل
عبدالله(يضربها بشويش على راسها) : ووووووووجع مالت ماتعرفين الرومنسيه
روابي : أح أح علامك وانا صادقه ماخذ راحتك
عبدالله : والله لولا مالي خلق سهر لأخليك تلحقين عيالك بنفسك
روابي : فديت الغالي
عبدالله : هههههههههههه يالعياره


&&&&&&&&&&&&&&&&&

نجد ومشعل ...........

جالسين على البحر بعيد عن الكل

نجد(شابكه يدينها بيد مشعل): حبيبي
مشعل : هلا يا عيون حبيبك
نجد : تسلم عيونك بسألك أنت مو زعلان علي
مشعل : أفاااااااااااااا ليه
نجد : أقصد متزوجين مع راشد و رنا ورنا ماشاء الله حامل بالثامن و انا قلت لك بأجل عشان دراستي
مشعل : اللي يريحك يريحني
نجد : مو متضايق
مشعل: ابدا
نجد : خلاص ناجل بعد سنه
مشعل (يخزها): لا تمصخينها سنه و هذي هي بتعدي بعد كم يوم يصير لنا سنه و بعدها أبي واء واء
نجد : طيب شنو تجيب لي هديه بعيد زواجنا
مشعل : طلبي بس ترى أنا أبي هديه غاليه أثمن من هديتي
نجد : وربي هديتي أثمن من كل الهدايا (حطت يدها على بطنها) راشد الصغير
مشعل (بفرح) : حلفي متى
نجد (تبتسم) : لي شهرين و ما تهون أكسر بخاطرك يالغالي
مشعل (يوقف): تعالي نخبرهم
نجد : يله


&&&&&&&&&&&&&&&&&&&&&&&&


أسيل حمد ..........

اسيل(معصبه) : فهيدووووووووووووه وجع زين
حمد : بسم الله علامك
اسيل : ملاك جيبيه بأذنه الوصخ
حمد : لا بابا مسكي يده
ملاك : حاضر بابا
أسيل : بعطيه كف على وجهه أبو عين زايغه
حمد : ماسوى شيء
أسيل : فهيدوه مو عيب اللي تسوي
فهد : ماما أنا فهودي مو فهيدوه
أسيل : أكفخه شف على هالراس يرد بعد
حمد : هههههههههههههههههههههه فهد بابا شنو سويت
ملاك : بابا يقول للحرمه انتي حلوه
فهد : بابا أوه أوه مله (حلوه حلوه مره)
حمد(يضمه) : فديتك عند نظر
أسيل(تكتف ايديها) : أيه كله نظر طالع لابوك مو جايبه من برا هذا الشبل من هذا الأسد والله لولا بطني اللي قدامي وتوني داخله السابع لأكفخك على وجهك يا فهيدوه أوه اوه مله
حمد(يغمز لفهد) : فهد عيب بابا هذا الكلام
ملاك : بابا ليه تغمز له هاه تكذب على ماما
أسيل : حسبي الله ونعم الوكيل تاخذني على قد عقلي يعني
حمد : الله يسامحك يا ملوكه شنو يراضي ماما أسيل أسيل أسوله
أسيل : ...............
حمد : شنو رايك نروح نتعشى بمطعم بروحنا
ملاك وفهد : أييييييييييييييييييييييه
أسيل : فهد لا يجلس عند دادا
فهد : ماما لا فهودي لا
أسيل : ما تقول كلام وصخ مره ثانيه
حمد : لا ما راح يقول آخر مره صح فهد
فهد(يغمز لأبوه) : صح
أسيل : ما تتعدلون عارفتكم العرق دساس جايبه من أبوك بس ماراح احرم نفسي وأحرم حبيبتي ملوك العشاء بسبب خبالك انت وابوك
حمد : عطيني يدك فضحتيني قدام عيالي
أسيل : أيه كثر عيوبك فاضحتك
حمد : يله قدامي على السياره
أسيل : عشوقي
حمد(شبك يدها بيده وابتسم) : عيونه
أسيل(أبتسمت) : والله احبك يشهد الله علي



&&&&&&&&&&&&&&&&&&&&&&&&&&


أنــــــــــتـــــــــــهــــــــــــــــــــت قـــــــــــــصـــــــــــتـــــــــــي
~~~~~~~~~~~~~~~~~~~~~~