أنحرفت السياره و صار لهم حادث وقف سلمان من شدة الحادث مهما حصل تبقى أخته وقفوا سيارات كثير وحاولا ينقذون اللي بالسياره اللي بدت تحترق وقدروا يطلعون طيف وأبراهيم وسلمان أنصاب بحرق بيده ونقلوهم للمستشفى بس أبراهيم توفى وطيف بحاله حرجه كانت أتصل سلمان على اخوه فارس وعلى عبدالوهاب ومحسن اللي خلال 10 دقايق كانوا موجودين وكان سلمان حالته تكسر الخاطر جالس على ارض المستشفى ودافن وجهه بين أيديه
فارس : سلمان بشر شلون طيف
سلمان : بغرفة العمليات
عبدالوهاب : شنو اللي حصل يا ولدي يدك محترقه
سلمان : اللي حصل ما ينقال ياعم أختي فضحتنا بين الناس
فارس : تكلم
سلمان : اختك مخاويه يا فارس طحت عليها راده معه ويوم شافوني انحاشوا وصار الحادث أهو مات وهي بغرفة العمليات
فارس(بعصبيه) : بأذن الله تلحقه
محسن : تعوذ من الشيطان هذي أختك
فارس: أختي فضحتنا فضحتنا
عبدالوهاب : ربك المحاسب
بعد ساعتين طلع الدكتور من الغرفه ووجهه ما يبشر بخير...
محسن : بشر يا دكتور
الدكتور : انتو اهلها
فارس : انا اخوها طمنا
دكتور : الحادث أثر كثير على العمود الفقري وهشمه فسبب شلل رباعي
محسن : اللهم أني لا أسألك رد القضاء ولكن أسألك اللطف فيه
فارس(دمعة عيونه) : الحمد لله على كل شيء
دكتور : أنا متأسف أبلغكم بالخبر الثاني أكتشفنا ان طيف مصابه بالأيدز
الكل أنصدم والمصيبه الثانيه أقوى من الاولى وسلمان أغمى عليه من الصدمه ونقلوه غرفة الطوارئ وفارس يالله يالله مسك نفسه لا ينهار من الصدمه
بعد ماصحى سلمان محسن وعبدالوهاب أتفقوا مع فارس وسلمان يقولون للعائله أن صار لها حادث وهي راجعه مع صاحبتها والمرض المصابه فيه محد يجيب سيرته ولأنها مصابه بشلل رباعي محد يقدر يرعاها بيحطونها بالمستشفى ويهتمون فيها حفاظا على سمعت عائلة محسن والله يتولاها برحمته رجعوا للبيت بعد ما تطمنوا على سلمان
&&&&&&&&&&&&&&&&&&&&&&&&&&&&&&&&&&&&&&
اليوم الثاني بالمزرعه.....
صحى حمد واهو بقمة السعاده أن محبوبته رجعت له بس أنطفأت وميض السعاده وأختفت البسمه عن شفاه لما لاحظ انها مو موجوده حتى ملابسها مختفيه وكاتبه
أســــــــــــــــــــــــــــــــــــــــــــــــ فـــــــــــــــــــــــــــــــــــــــه
على المرآه تأكد ان خلاص تركته غير لبسه ونزل معصب مقهور وحزين كان مقرر خلاص الطلاق الحل لمتى بيجبرها أذا عايفه العيشه معه خلاص هي حره
رجع للبيت وصعد ولا ألتف لأمه وعمته وأخته ولا كانه غايب 3 أيام ومشتاقين له
الأم : الله يستر علامه
مناير: مدري يمه
أمينه : تظنين طلق أسيل
: فال الله ولا فالك ياعمه
الكل لفوا : أسييييييييييييييييل
أسيل(تبتسم) : أصصصصصصصصصصص الله يهداكم لا تفضحوني
الأم : علامكم يمه حمد داخل معصب
أسيل : يمه بقول لكم بعدين بس اللي أقدر أنه يظن أني تركته
الكل : ههههههههههههههههههههههه
أسيل : بصعد له اطيب خاطره
أمينه : الله يهنيكم
صعدت وكان جالس بالصاله على الكرسي وضام رجوله له ودافن راسه بين ركبه
أسيل :
ياروح روح الروح فكّر وقلّي
أنا بقلبك وين موضع محلّي
ملكتني في صادق الحب يالّلي
لاغبت عنّي كيف أبا أرتاح وأنساك
مادام هذي لوعتي وأشتياقي
وأنا معك مرتاح وش عاد باقي
حمد وقف يوم سمع الصوت وابتسم بكل حب لها وفتح ذراعيه لها وقال
لا تسألني وش كثر حبي يكون
حبي ترى ماهو من اوصاف الغرام
حبي لو تدري ياعمري جنون
ما ينوصف ما ينكتب مثل الكلام
حب بناه الحب والقلب والعيون
همسة غرام وخفقة القلب أنغام
أسيل(ركضت له وضمته) : احبك با حمد أحبك وما ابي غير قربك
حمد (شالها ولف فيها من الفرح) : وأنا بعد أحبك وما أبي غيرك
أسيل : نزلني حمد دوختني حرام
حمد : أول قولي لي وين رحتي وتركتيني
أسيل: رحت لمشغل أجهز نفسي مو تقول عروس حبيت أكون غييييييييييير لجل عيونك
حمد (ينزلها) : انتي غير عن الكل
أسيل : خلنا ننزل الكل يبي يسلم عليك
حمد : خليني آخذ دش وننزل
أنتشر خب طيف بين العائله والكل حزن عليها وخفف الخبر فرحتهم برجوع حمد واسيل لبعض بعد فراق وأبو أسيل حلف تكون الطلعه للبر كلها على احسابه من فرحته فيهم وكلفوا الشباب بتضبيط المكان للبر وحلفوا على سلمان رغم رفضه يروح معهم ويغير من نفسيته
&&&&&&&&&&&&&&&&&&&&&&&&&&&&&&&&&
في المستشفى
يدخل عبدالوهاب لمكتب اخوه محسن
محسن : حياالله من زارني
عبدالوهاب : الله يحييك
محسن : هذي الساعه المباركه أول مره تجيني هنا
عبدالوهاب : ساعتك أبرك جاي أخبرك أن زياد ونجود يوصلون اليوم بأذن الله العصر والسهره ببيت أمي
محسن : أفااااا ومتعني لهنا عشان كذا ليه ما أتصلت
عبدالوهاب : والله ياخوي لان عندي موضوع ثاني أنت مثل ماتعرف أعزك وما أبي اتعداك واوافق إلا أذا وافقت
محسن : على شنو خير
عبدالوهاب : والله حامد ولد أحمد جيرانا خطب مني نجد
محسن : أهاا وبعدين
عبدالوهاب : والبنت موافقه عليه البارح قالت لي بس ماتبي تشوفه وماتبي حفلة ملكه وما أبي أغصبها
محسن : يعني موافقه من غير نفس وانت محتار صح
عبدالوهاب : الصبح اجتمعت مع اخوانها وعبدالله بعد وقلت لهم موافقه بس اهم رفضوا وأهي وقفت ضدهم بس
محسن : بس شنو
عبدالوهاب : الصراحه عرفت انها تبي تملك وتفركش الزواج ردا لاعتبارها
محسن : من
عبدالوهاب : راشد هو اللي قالي السالفه ولدك مشعل ضربها مره
محسن(عصب) : الحيوان وكيف عرفت كل هذا
عبدالوهاب : أسيل دقت عليها صاحبة نجد وكاتمت أسرارها لما أصرت اسيل تعرف السالفه قالت ان نجد
وبدا عبدالوهاب يعلم محسن بكل شيء عن نجد ومشعل وعن خطت نجد محسن حلف يعاقب الأثنين مشعل مد يده عليها ونجد أنها حاولت تهدم حياتها بأنتقامها من مشعل وقبول الزواج كمهرب
&&&&&&&&&&&&&&&&&&&&&&&&&&&&&&&&
في بيت الجده .....
صحت رنا وتفاجئت الغرفه كلها ورد جوري باقات باقات باقات والسرير منثر على السرير وتحت بالارض مكتوب بالورد أحبك ومسوى قلب كان على الطاوله علبه وبطاقه فتحت العلبه لقت سلسال ذهب أبيض بحرف r ومكتوب بالبطاقه
احب حبك ..واحب قلبك
..وتحضني بدفا عيونك..
.................................................. ..................
وأبي قربك..وأنا عقبك..
أذوق الهم من دونك
.................................................. .............
تعال وخلك بقربي..
وحط قلبك على قلبي
.................................................. ..................
وخلنا نعيش هالحظة..
جنوني يعشق جنونك
.................................................. .......................
أحب الهمس في صوتك..
أحبك حتى ف سكوتك
.................................................. ....................
حروفك فن يا عمري..
وقلبي يعشق فنونك
.................................................. .....................
أحب الرقة في قلبك ..
وأحب القسوة وربك
.................................................. ...................
أبيك بكل حالاتك..
ولو تبعد أنا أصونك
.................................................. ....................
أحب حبك وأحب قلبك..
وأحضنك بدفا عيوني
.................................................. ...........
وتبقى دوم بعيوني..
تري مالك سوى قلبي
وأنا مالي سوي عيونك
ضمت الكرت والسلسال وأخذت جواله
رنا : ألو
راشد(بفرح) : هلا صباح الورد والشهد صباح الحب
رنا : كيفك
راشد : ألحين بخير
رنا : دوم يارب
راشد : رضيتي وسامحتيني
رنا(بحيا) : وكيف ما اسامحك
&&&&&&&&&&&&&&&&&&&&&&&&&&&&&&&&&
مواقع النشر