بسم الله الرحمن الرحيم
انا حخش فى الموضوع على طول
اولا احب اطرح مشكلة شعرى
انا شعرى
متوسط الطول مجهد جدا من الصبغات خفيف ومبيطولش خاااااااااااااااااااااالص
دى طبعا مشكلة ناس كتير
فكرت فى حلول كتير وكنت مش عارفة ابدأ منين
وبعدين حضرت بالصدفة ندوة عن الاثار السلبية للصبغة
وخرجت منها مقرره ان دى كانت اخر مرة اعمل صبغة فى حياتى
وان انا حبدأ اهتم بشعرى ودى كانت الخطوط العريضة
اولا بطلت الصبغة خالص
ثانيا اعمل حنة كل اسبوع مرة
ثالثا حمامات الكريم او المسكات
رابعا حمامات الزيت
فى سكتى للاصلاح دى اكتشفت موضوع هنا اسمة شعرى ضانيا لفارماسيست عن العناية بالشعر واستفدت منه كتير
وكمان دخلت موضوع لموجة رمل كتبه فيه طريقة عجن الحنه واستفدت كتير منه
ده احقاقا للحق
اولا طريقة الحنة بتاعتى العجبت صحباتى
ودى مقاديرها
طبعا اى خلطة لازم نعمل منها كمية كويسة علشان احنا معندناش وقت نعيد ونزيد احنا عايزين الحاجات جاهزة قدامنا علشان منكسلش
حنقول ربع كيلو حنه
عليه 3 معالق أكل من الاتى
محلب مطحون (بيساعد على نمو الشعر)
قرنفل مطحون (بيفرد الشعر .....وااااااااااااااااااو)
ورق سدر مطحون (ده حكايته حكاية .... حقولها بعدين)
كاكاو(ده بيدى لون بنى ..انا بحب اللون ده وممكن تحطى دم الغزال للاحمر او شيح بابونينج للاصفر)
تمام
وبما ان شعرى مش طويل فانا بحط المكونات دى على بعض فى عليه بقوم اخده 5 معالق فى طبق عميق وعليهم 3 معالق خل عادى وشوية ماء ساخن للعجن واسيب العجينة 3 ساعات فى مكان دافئ الفرن مثلا (طبعا مقفول مفهوم) واروح اغسل شعرى كويس بالشامبو بتاعى عادى واسيبه ينشف وبعدين قبل لما احطها على شعرى اعصر نصف ليمونة (لأ مش حتنشف لو حتطيها فى الاول تنشف دلوقت لأ ههههه) واحطها على شعرى واسبها 3 ساعات وبعدين اغسل شعرى بماء فقط فقط فقط يعنى انزل من عليه الحنه وبالمشط الواسع تحت الحنفيه وممكن تحطى شويه بلسم يساعد شويه بس من غيييييييييير شامبو وبعدين انشف وبعدين تانى اغسل بالماء فقط فقط فقط (متقوليش ايه الهده دى استنى لما تشوفى شعرك وبعدين اتكلمى)
حتقولى اعجن الحنه بالزيت علشان الفائده
اقول لأ الحنه حنه بالماء بس
لو حطينا زيت على الماء ايه الحيحصل الزيت حيطفوا على الماء
وبالتالى لما نحط زيت على الحنة ونحطها على الشعر حتت حتمسك فيها الحنه وحتت حيمسك فيها الزيت وبالتالى اللون حيلطش وكمان مش كل الشعر حيستفاد من الخلطة
تمام
لو قلتى اعجنها بالزبادى
اقول بردوا لأ الزبادى ده مسك بعد الحنه بكام يوم
الحنه حنه بالمااااااااااااااااء فقط علشان تجيب نتائج حلوه
كده طبعا الحنة خلصت اريح يوم واليوم التانى اعمل ايه.....
ثالثا حمامات الكريم او الماسكات
انا بعمل خلطة سهلة اوى وبتعمل شغل حلو اوى بعد الحنه
عبارة عن ايه بقى
صفار بيضة عليه معلقة عسل وعلبة زبادى وممكن زيت جرجير او زيت ثوم
وطبعا بياض البيضة ميترماش حرام حطى عليه معلقة عسل تانيه ومعلقة ترمس مطحون واعملى مسك لوشك فى السكة
ههههههههه
دى بتخلى الشعر طرى واطرافة جميلة ومش مقصفة
وطبعا ممكن يكون فيه مسكات كتير بس ده الجاه مع شعرى
رابعا حمامات الزيت
انا بعمل مرة زيت الآس ومعروف فوائده العظيمة
ومره زيت دابر املا الاصلى
ودى الطريقة انا ححط الزيت على شعرى والبس كيس نيلون وبعدين اخد العيال على الحمام احميهم واحد واحد وطبعا الحمام مليان بخار والعيال بتفرك وتحرك وانا بعرق وبصب فى مايه وفروة الرأس المسام فيها اتفتحت (اذا مكنتش الراس نفسها هى الفتحت) وبعدين اطلعهم البس واخش اغسل شعرى يعنى الموضوع بياخد ساعة طبعا اتنو عملين تقولوا لا حنه يالهوى وزيت يا خرابى انتى لما حتعملى مرة حتخصصى قميص نوم او تى شرت قديم للموضوع ده وطبعا طبق ومشط وفوطة وكل اللوازم يعنى بعد مرتين حتلاقى نفسك بتعمليها بشكل روتينى
ودلوقتى شعرى بعد 3 شهور ما شاء الله ولا حول ولا قوة الا بالله
اتقل واطول وانعم كتيييييييييير
وده بشهادة الكوافيرة بتعتى يعنى مش بيتهيألى
وعقبال كل البنات
انا بقى مش حقول التقييم والردود
بس مطلوب منكم حاجة واحده
الدعاااااااااااااااااء
ادعولى ربنا يبارك لى فى قرة عينى ولادى حبيبى
ويبارك لى فى زوجى
ويبارك لى فى احبائى
ولكم جميعا بمثل
مواقع النشر