ابي انام بحضنك واصحيك بنص الليل قصه حلوووووه

[دمعه حزن 22]

ورده سلام اهم شي تكملينها بسرعه ولاتطولين علينا تراء عندك اسلوب تشويق موطبيعي

[وردة سلام]

هلا حبيبتي منوره اكيد راح اكملها من عيييوني

[وردة سلام]

البارت الخامس


فيصل نظر له نظرة احتقار : احد طلب منك تكون محامي
نظر لعبد الكريم معك نصف ساعة لو ماجات اعتبر كل الي في الشركة مفصول و اولهم انت
فهد : يا طويل العمر مالك الا الي يسر خاطرك
كمل الاحتفال بتقديم الفقرات
نزل عبد الكريم ومروة ارجوك يا ميهاف احضري
ميهاف : مستحيل انت عارف طريقتي
عبد الكريم : علشان الموظفين انت ما ترضين بخراب البيوت
ميهاف : وانا ايش دخلني هذا ماعندة دم
مروة: ما يصير الموظفين معك حرام عليك باقي ثلث ساعة
ميهاف : راح يذبحني صالح هو محرم علي الحفلات
عبد الكريم : انا اكلمة وانت ادخلي ظبطي نفسك
كلم عبد الكريم صالح وشرح له الوضع ووافق بشرط ا ن عبد الكريم ينتبهه لها
ميهاف دخلت القاعة و هي بعبايتها و اللثمة طريقتها في المشي خلت الكل مجبور يطالع فيها حولها هالة من السحر و الجاذبية وصلت لطاولة فيصل مع عبد الكريم
ميهاف: السلام عليكم يا طويل العمر
وعينها على الارض
....... لحظة صمت .......
كانت دقات قلبها مثل الطبول وجههها احمر لما سمعت الصوت الي حلمت كثير انها تسمعه
تكلمه .. تشرح له .. توضح له .. أي شي
فيصل : وعليكم السلام و كمل بسخرية : مابغيتي تشرفينا بحضورك الممنون
ميهاف رفعت عيونها الخضراء المريوشة بصدمة والتقت عيونها بعيون فيصل العسلية الذباحة
ومن غير شعور مسكت يد عبد الكريم حس بارتجافها
الكل منصدم ميهاف اول مرة ترفع عينها على رجال جت بتمشي
فيصل: مابعد خلصت كلام علشان تصرفين نفسك >> حط رجل على رجل
ميهاف نزلت عيونها وقاومت دموع القهر : اسفة احسب انك خلصت ..
فيصل وقف و مشى لعندها و قال بينه و بينها : بس ولا كلامة ايش الوقاحة عبد الكريم انت الموظفين عندك ما يعرفوا حدودهم
ميهاف صامتة ( ايش الي في بالك يا فيصل يا ربي نفس الهيبة و الحظور الطاغي ثوب او بدله كله واحد دام ان فيصل القالب )
فيصل : انا كم مرة اعيد شروط العمل عندي
فهد : ولامرة لان الكل يعرف حدوده
فيصل: ايش شرط الحجاب عندنا
فهد: الموظفة الي تحجب هذا راجع لها لكن تقوم بعملها بشكل كامل
ميهاف: طال عمرك انا ما قصرت في عملي
فيصل : ليش ما حضرت الحفلة
ميهاف : انا ما احضر من دون محرم
فيصل بسخرية : ههههههههههه
ميهاف الوحيدة الي تعرف قصد فيصل
كانت خايفة مرة ترتجف ما تدري هو شوق والا رعب من شوفة فيصل حست انه يبغى يحرجها قدام الموظفين لكن هي تحب الجميع و ما تبغى تسبب ضرر لاحد
ميهاف : اسفة وانا تحت امر سعادتكم
فيصل ارضى غروره كلامها ( لسا يا ميهاف ما شفت شي )
وبعدين جلس ..
واشر لهم يكملوا الحفل كانت ميهاف في قمة الاحراج وهي واقفة جنب طاولته طول الحفل
الكل مستمتع في الحفل الي هي نظمته وبدء تقديم الطعام وشغلوا الموسيقى الهادية
ميهاف كانت تعبانه من الصباح وهي واقفه ترتب وماجلست لحظة مي قادرة تسند نفسها خافت يغمى عليها من كثر ما تطالع في الارض
حست الدنيا بدور فيها رفعت وجهها و اخذت نفس عميق ( تماسكي يا ميهاف الموظفين معتمدين عليك ) و اخذت تفتكر كل واحد وعائلته بعد ما قام الحضور يشاهدون انطلاق البالونات في الهواء من الفتحة العلويه اشر فيصل لفهد طلع كل الي في القاعة ما بقى غير فيصل وميهاف
فيصل وقف جنب ميهاف وهي عيونها على الارض نزل بيده اللثمة وتامل وجهها الفاتن ( سبحان الي خلق جمالك ساحر ) ويدة تمر على خدها الوردي و تنزل على شفايفها ضغط اصابعة بقوة عليها ونزل وجهه لها حست ان الدنيا صغيرة قلبها يدق بسرعة وتنفسها سريع
فيصل : ارفعي عيونك
رفعت عيونها و التقت بعيونه مرر اصباعة على شفايفها
فيصل : ههههه ايش الحياء الي نزل عليك فجاءة
ميهاف بصصوت ضعيف : انا ما رميت مازن ....
الكف الي جاها على وجهها صدمها
جر الطرحة و مسكها من شعرها ورماها تحت رجلينة
فيصل : ولا كلمة انت لسا لك عين تتكلمي معك عشر دقايق و المكان هذا ما تعتبينه ثاني ما عاد لك شغل هنا
قامت بسرعه و لفت الطرحة عليها وخرجت بسرعة علشان ما احد يطالعها وركبت السيارة ووصلها كومار البيت اول ما وصلت لقت صالح في وجهها
صالح و الشر طالع من عيونه : ليش كل هذا التأخير
ميهاف كانت خايفة منه لانها وعدته الساعة سته وهي في البيت لكن الحين الساعة سبعة ودوبها داخله
ميهاف : الحفل تأخر ولما طلعت جيت البيت على طول
صالح يصارخ : انا شارط على شغلك هذا ما في حفلات تنازلت عشان عبد الكريم لكن توصل فيك المواصيل تقعدين لاخر الحفل هاه ردي علي
ميهاف : سامحني ياخوي و الله اليوم بس عشان رئيس الشركات جاي هذي اخر مرة
صالح طنشها و ما طالعها ..
طلعت ميهاف لغرفتها تبى بس تختلي بنفسها
تبكي بحرقة اربكها ظهور فيصل في حياتها
لو انه خبر الشرطة عنها لو انسجنت ظلم لو حكموا عليها بالقصاص ظلم لو لو
الخوف سيطر عليها حظنت مخدتها وهي تبكي بألم العالم كله اخذت ساعة و هي تصيح دق جوالها ردت من غير ماتشوف الاسم لانها كانت متأكده ان صالح بيدق يتطمن عليها
ميهاف وهي تبكي : اهئ اهئ سامحني يا ابو هادي انا انا اسفة اهئ اهئ و الله ما عاد اتاخر عليك طالباتك اوامر لما شافت انه ساكت رجعت تبكي بقوة اهئ اهئ
ميهاف: احبك اعشقك انت روحي انت دنيتي انت كلي يابعد كلي بو هادي انا مستعدة اسوي أي شي يرضيك وبكرة اقابلك في استراحة الواحة استراحة الحب زي ما تحب تسميها
سمعت صوت زفرة طويلة و انقطع الخط رجعت تكمل بكى
وفي جهة ثانية فيصل وصل فيه الغضب انه يرمي جواله على الجدار ويتحطم عشرين كسرة
فيصل بنفسه ( هذي انسانه والا ايش وبعد تواعد في استراحات )
اااااااااه ماني قادر اطلعها من مخي جالسة تلعب على كيفها لكن راح استخدم قانون الغابة ياميهاف
والله طحتي في يديني وما احد سمى عليك لاخليك تحبين على رجليني تمنين موتك بس انت استني علي
لا ومسويه نفسها محترمه تبي تنشر الفساد في شركتي والله لو انك قدامي لاخنقك بيديني
فيصل طلع في سيارته البنتلي بدون البدي قارد
وساق بسرعة جنونية للشرقية و ماحس الاوهو عند البحر
طلع من السيارة يستنشق نسيم البحر عند الشروق ويفكر بهدوء
امس كانت لمسته لميهاف تبعث الالف المشاعر في نفسه
ما يبغى يعترف لنفسه انها الانثى الوحيدة الي شافها قدرت انها تحرك مشاعر خفيه عند فيصل
لمستها كانها كهرب 220 فولت
والا شعرها الحرير
ابتسم بسخرية لانه كان قاصد يجر شعرها يمكن حنين للمست شعرها
حتى بعد اربع سنين لسه احساس اللمسة في مخي
افففففففف ايش قاعد اخربط اصحى انت فيصل الـ.....
ياما شفت حريم وتزوجت مسيار تجي وحدة بساعه تلخبط كيانك نفض مشاعر الحنين ورسم بدالها مشاعر الكرهه و الانتقام
اليوم مافي دوام عند ميهاف ما قامت الا على صلاة العصر صلت وطلعت مع كومار بتسوي مفاجاة علشان ترضي صالح
اتصلت وحجزت استراحه رتبت لحفلة رومانسية لصالح و زوجته
دخلت المملكة وتوجهت لمحل لبيع الانجري واشترت قميص نوم من فكتوريا سكرت باللون التركواز و الابيض وراحت لمحل رجالي واشترت بيجامة لاخوها
ومرت محل بودي شوب وشرت طقم استحمام الياسمين الرغوة و الشامبوا والبودي لوشن كامل
خرجت لمحل يبيع شموع واخذت كم شغلة و راحت للسيارة
ميهاف: كومار جبت الورد الي وصيتك
كومار: كل شي جاهز شوفي عندي قدام
ميهاف: من غيرك اضيع يالله كومار على الاستراحة
دخلت ميهاف الاستراحة وكانت صغيرة
وقفت السيارة عند المدخل
مشت ميهاف وفتحت باب الاستراحة الداخلي كانت عبارة عن مسبح دائري من الفسيفساء باللون الازرق و التركواز
حوله ارض خضراء تفتح على مبنى صغير مكون من صالة صغيره وغرقة نوم فيها تلفزيون وغرفة طعام جانبية وغرفة جلوس كبيرة
بدت الشغل هي و الشغالة الي معها خرجت طاولة جنب المسبح وفرشت المفارش عليها وحطت كرسيين عل طرف الطاولة المستطيلة
رتبت الكاسات و الملاعق و الصحون والمناديل
كانها طاولة فندق وضعت الكيكة الي صورة صالح فيها وزجاجات طويلة وعصير فراولة
الشغالة : وااو مس ميهاف مره حلو
ميهاف : شكرا سانيتا
دخلت تشيك على الغرفة الي غيرت مفرشها وفرشت القميص و البيجاما بعناية على السرير ودخلت الحمام ونظمت طقم بودي شوب ولفت الفوط بطريقة الفنادق
خرجت مرة ثانية للمسبح ورمت الورود الجوري علية وولعت الشموع الي كانت تسبح في الماء منظر المسبح خرافي يعجز الواحد عن الوصف
ميهاف اتصلت على اخوها : هاه بو هادي تأخرت صار لي عشر دقايق استنى
صالح : تستنين فين
ميهاف تحسبه لسة زعلان : لا ماقبل العذر انا في استراحة الحب لك عشر دقايق انت و أبرار ..
صالح مستغرب من كلام اختة بس حاس انها بتصالحة بطريقة حلوة متعود على حركاتها
خرجت ميهاف من الاستراحة عشان تخلي الجو لاخوها ومرته و ماكانت حاسة بالعيون الي تراقبها من سيارة البنتلي نزل فهد من السيارة وتوجهه للحارس لو سمحت ابي ادخل الاستراحة
الحارس :انت ابو هادي
طلع فهد من جيبه الف ريال وحطها في جيبه الحارس فهم انه يبغى يدخل فتح له البوابة
فهد يتصل على فيصل تفضل سيدي
نزل فيصل بهيبته ودخل لوحدة اندهش من منظر المسبح والطاولة شاف الكيكة الي عليها صورة رجال
انقهر وقال بسخرية : لا وبعد صغير اكيد انه مريش علشان تصاحبه
كمل لغرفة النوم وشاف القميص و البيجاما على السرير صابته موجة غثيان وتوجه للحمام (ونتم بكرامة) يطلع كل الي في جوفة
وتفاجا من ترتيب الحمام ورجع يرجع مرة ثانية
فيصل بنفسه : استغفر الله ايش هذي ما تخاف اللة شكلها تشتغل على مستوى بحياتي ما شفت بنت كذا
طلع و الغضب مال جوفة وركب بالسياره وهو يستنى فهد الي حط1000 ثانية في جيب الحارس علشان يسكت
بعد 5 دقايق دخل صالح ومرته في الاستراحة يقضون الليلة الي فرحتهم فيها ميهاف
مع صباح يوم جديد استعددت ميهاف للعمل كالعادة دخل غرفة بنات عمها
امال منى يالله اصحوا انا خارجة للعمل لا تتخروا
منى: ترفع اللحاف اف ميهاف بدري باقي ساعة
امال : والي يرحم والديك دقي علينا بعد ما توصلي العمل
ميهاف: عن العيارة انا مشغولة حيل
طلعت ميهاف للصالة وجلست على طاولة الطعام تشرب كوب الحليب وهي تتنهد من فيصل حاسة انه شي بيصير لها بس مي عارفة ايش هو
ابرار: هيه ميهاف وين الناس
ميهاف مانتبهت لدخول ابرار وبنتها الصغيرة مي وقفت هلا صباح الخير ايش النور هاذ
ابرار: الي ما خذ عقلك يتهنى به
ميهاف وهي تشوف مي وتحظنها وتشعر بالسعادة انها حافظت على سعادة ابرار و أخوها ..
ميهاف : احبها المخلوقة ذي موت ابرار والي يسعدك خليها تنام الليلة في غرفتي
ابرار: حلالك ما طلبتي انا اصلا مستحية منك صلوحي عازمني على مطعم و البنات عندهم اختبارات
ميهاف: ههههههههههه عن المقدمات تبين تنامين ليلة بفندق
ابرار احمرت خدودها من الحرج : انت دايما فاهمتني
ميهاف: ولا يهمك روحي انبسطي انا لما ارجع ما عندي شي
ابرار: ماادري اودي جمايلك وين عني يا ميهاف
ميهاف تعز بنات عمها كثير لانها ما تنسى موقف عمها الي استقبلها عد مارجعت من فرنسا وعاملها مثل وحدة من بناته استأذنت وخرجت للعمل ما تدري ليش قلبها مقبوض دخلت للشركة وهي تحي الاستقبال كالعادة لكن كانت تشوف بعيونهم نظرة غريبة وصلت مكتبها وهي تشوف حركة غريبة
مروة : باندهاش انسة ميهاف
ميهاف: بصوتها العذب ما في صباح الفل او الياسمين والا الجوري ترى اموت فية
......: دامك تحبين الجوري صباح الجوري
طالعت ميهاف على مكتبها .. و كانت المفاجأهـ ..
ترا من هو الشخص اللي كان في مكتبها ..
و ماذا يخبئ فيصل لميهاااف ..

-------------------------------------

[وردة سلام]

الباارت الساادس



استأذنت و خرجت للعمل ما تدري ليش قلبها مقبوض دخلت للشركة وهي تحي الاستقبالكالعادة لكن كانت تشوف بعيونهم نظرة غريبة وصلت مكتبها وهي تشوف حركةغريبة
مروة : باندهاش انسةميهاف
ميهاف: بصوتها العذب ما في صباح الفل او الياسمين والاالجوري ترى اموت فية
......: دامك تحبين الجوري صباحالجوري
طالعت ميهاف على مكتبها .. و كانت المفاجأهـ ..

ميهاف تفاجئت من وجود امراءة متحجبة كانت جميلة وطويلة باين عليها انها في مهمة اوشي في مكتبها
ميهاف: صباح الجوري اهلا وسهلا معك ميهاف
....... : اهلا بك تشرفت بمعرفتك انسة ميهاف
ميهاف باستغراب : الشرف لي
......: اذا فية شي ما سلمتية او تبغي توصي على شي .
ترى عادي انا جمعت اغراضك وفي كرتون وحطيته عند الاستقبال لاني استغربت انك ما لميتها من قبل
ميهاف بهدوء ظاهري : مين الاخت
سعاد : انا المديرة التنفيذية الجديدة
ميهاف بهدوء كالثلج تراجعت : انا اسفة بس مااحد اعطاني خبر الف مبروك وهي تمد يدها لسعاد
سعاد: الله يبارك فيك .بصراحة من اول ما دخلت المكتب لاحظت تنظيمه
ميهاف: شكرا لك هذا من ذوقك
سعاد:خسارة انك تتركي المكان حتى شهادتك من فرنسا يعني شي مو هين
ميهاف تحافظ على كبريائه الجريح : الدنيا تجارب وانا اعجبت بالعمل هنا
سعاد تصافحهها ببرود
خرجت وهي تغلي من الداخل لكن متماسكه خارجيا راحت لمكتب المدير عبد الكريم تبي تفهم السالفة
السكرتير: ممكن تنتظري انسة ميهاف الاستاذ عبد الكريم في اجتماع مع شخص مهم
ميهاف تعرف مين الشخص .. قلبها دليلها لانها تشعر به من حولها
(انت شجاعة لا تخلي الظروف اقوى منك انت اقوى من كذا هي بس ساعات وبعدها سوي الي تنبين في غرفتك .. ليش التشاؤم يمكن جاك ترقية ؟ ان شاء الله يارب )
الافكار اتعبتها وهي تنتظر 3 ساعات
السكرتير: اطلب لك قهوة
ميهاف: شكرا
صوت الجهاز عبد الكريم: دخل الانسة ميهاف
مشت بخطواتها الواثقة للمكتب ومتأكدة ا ن الي صار من تحت فيصل .. مستحيل يعدي الامر بسهولة
ميهاف ( بس هين والله ما اخليك تشمت فيني الظاهر انك ما تعرف ميهاف يافيصل زين)
ميهاف: مرحبا استاذ عبد الكريم
عبد الكريم منحرج : انسة ميهاف .....انت ....اقصد...
ميهاف: تقاطعة انا قابلت الانسة سعاد
عبد الكريم : ................
ميهاف: استاذ عبد الكريم من حقي اعرف قبل لاجي الشركة
عبد الكريم:......................

ميهاف: على الاقل خبروني اجمع اغراضي من المكتب
عبد الكريم: ا .. انـ ا احسب عندك خبر
ميهاف بسخرية: لا والله ما احد تكرم وخبرني بش
عبد الكريم ساكت :........................
ميهاف: انا موظفة لي سنة وكنت قائمة بعملي على اكمل وجهه ما قصرت او اهملت في أي شغلة حتى رصيدي من الاجازات كامل
عبد الكريم: ما احد يقدر يقول انك قصرتي
ميهاف: اجل ايش تسمي الي صار .. ادخل والقي موظفة جديدة في مكتبي
عبد الكريم : ...........................
صوت خطوات يقطع الصمت تعرفها جيدا دخل فيصل هو ومدير اعمالة و جلس وهو يحط رجل على رجل
فيصل:استاذ فهد الظاهر ان الانسة ميهاف ما تفهم الكلام الي انقال لها في الحفلة
ميهاف كانت تحسب انه طردها من الحفلة مو من الشركة (تماسكي يا ميهاف عندك وقت طويل لحالك)
ميهاف: العفو طال عمرك بس انا بسأل اذا كان لي مستحقات او شهادة خبرة او على الاقل كان اعطيتنى وقت الم اغراضي فية يعني من باب الذوق
فيصل: بالنسبة لموظف طرد من عملة شي جديد انه يأخذ شهادة خبرة و مستحقات قد سمعت بكذا استاذ عبد الكريم او انت يافهد هههههههههه الظاهر ان الانسة تحسب اني اوزع صدقات علشان كذا تسأل
عبد الكريم..................
ميهاف ببرود وتحدي: اصلا لو اعطيتني مستحقاتي كاهدية برفضها استاذ فيصل تدري ليش ......
فيصل بخبث : ليش احنا مانعجب ترى ادفع واجد هههههههههههه وعيونه تمسحها من راسها لاسفل رجليها بنظرة تفحص وقحة
ميهاف حطت يدها على الطاولة اللي قدامه وبنظرة تحدي لمعت فيها عينيها الخضروين: لاني ما الوث يدي بشي قذر من شخص سادي و تافه
فيصل وقف من الغضب كان يبغى يضربها لكنه تمالك نفسه :اطلعي برا يا.... لادوسك برجلي
ميهاف ببرود مصطنع : ما انولد الي يدوسني برجولة يافيصل الـ
فيصل بسخرية: اقول احفظي لسانك واطلعي بكرامتك هذا اذا بقى منها شي قبل لاخلي البودي قارد يرمونك
ميهاف بتعالي: لساني حفظته قبل لاشوف سعادتكم
وكملت بسخرية : شكرا لكم على حسن معاملتكم لموظفينكم شرفني العمل عندكم
فيصل بحقد: من ناحية حسن المعاملة لموظفينا فحسب الموظف وكل مين وصدقة في التعامل
طلعت بكبرياء مزعومة ومشت للاستقبال واخذت صندوق اغراضها وهي في نفسها الف فكرة وفكرة .. القرض .. السيارة .. المحل اللي يشتغل فيه اخوها مالقت كومار اتصلت فيه
ميهاف : كومار وينك تعال الشغل الحين
كومار: ودي بنات جامعة وبعدين لازم ودي بنت انا مدرسة
ميهافك انتظرك
وقفت في حرارة الشمس وهي تحمل صندوق اغراضها
وتستنى كومار يجي مارضت تدخل مكان انطردت منه مستحيل ترجع له


فيصل بعد نصف ساعة حس بضيق ووقف يطالع في الشارع شاف وحدة واقفة ومعها صندوق
(ضحك بسخرية الـ .... دوبها تطلع من هنا )
رجع على طاولت الاجتماع وخلص عملة بسرعة وطلع من الشركة مع البودي قارد ومدير اعمالة الا صدمة شاف ميهاف لسة على وقفتها تستنى
فيصل (خلني اطفر فيها شوي) >>>>>بصراحة زودها هالفيصل قهرني بس والله ما تستاهل ميهاف بس ايش اسوي القصة كذا هههههههههه
توقفت السيارة المرسيدس امام ميهاف وانفتح زجاج السيارة الجانبي برودة السيارة لفحت ميهاف الي واقفة بالحر
فيصل من وراء الزجاج : ياي الجو حار انت ليش لساتك واقفة
ميهاف ببرود : مو شغلك احفظ حدودك.
لا تخاف ترى ما رجعت لشركتك وجلست في الاستقبال انا واقفة برى ( تماسكي فية وقت طويل بتصيحين )
فيصل: وما حد خبرك ان المواقف هذي من ممتلكاتي وانا مايشرفني انك واقفة عليها
ميهاف بعناد مشت بحطوات ثقيلة من حمل الصندوق لين ما خرجت للشارع العام ووقفت تستنى
ميهاف ( حسبي الله ونعم الوكيل هو وقته تتاخركومار) >> اش ذبنه كومار ههههههههه
خلاص وصلت حدها بتنهار ماحست بسيارة فيصل وهي توقف والزجاج ينفتح فيصل قال: حرانة يا حرام اكيد الحرارة بمؤشر السيارة40 اجل كيف عندك
ميهاف.............
فيصل: اكيد حرانه ولا الشمس صابتك بضربة ايش رايك اخفف الحر عليك
ميهاف ما حست الا بالشي البارد الي انكب عليها من زجاج السيارة و بعده سمعت صوت ضحكته
فيصل: قلت ابرد عليك ما لقيت غير الموية الي في يدي
وتحركت السيارة تاركة وراها ميهاف المحطمة و هي تقول يجي اليوم اللي انتقم منك فيه يا و ما راح ارحمك
لمى حست انه ابتعد بدت الدموع تنزل بوصول كومار ركبت السيارة بعد وقوف نصف ساعة في الشمس
كومار: سلامات انسة ميهاف
ميهاف: البيت
فيصل في سيارته ( ايش هذي المرة حشى حديد مافي ا حساس وانا كنت متوقع انها بتنهار وتصيح سبحان من خلقها. بس حرام انا ايش فيني صاير ما عندي احساس) >>>>>>>لا بالله دوبك تعرف جننت البنت ههههههه
ميهاف وصلت البيت ودخلت غرفتها وانهارت تبكي بصوت مثل الطفل
( ياربي الحين ايش السوات انا ما عاد لي دخل مادي
و البيت و السيارة و المحل بفلوس القرض من البنك على اساس راتبي ايش الحل )
قالتها وهي تضرب المخدة بقهر نضيع امال , منى , ابرار , صالح انا ايش اسوي قامت توضت وصلت ركعتين لله
ودعت ( ياحي ياقيوم برحمتك استغيث اصلح لي شأني كله و لا تكلني لنفسي طرفة عين,الله فرج همي وهم كل مكروب اللهم لا تكلني لنفسي طرفة عين )
بكت وهي تدعي من قلب ان الله يفرج همها
لما دخلت اتذكرت ان ابرار طلبت منها تهتم بمي و هادي
عدى اليوم عادي ومسكت بنت وولد ابرار ورجعوا منى وامال من الجامعة بخناق كالعادة على التأخير ..
منى: انت الي دايم تاخرييني
امال: لا والله انا الي دايم اصبر بس عشاني ما اتكلم لكن هين ما راح اسكت بعد كذا
منى: اقول لا يكثر هرجك الحين الساعة توها ست
امال: ياسلام انت على كيفك
منى: انت الحكم ياميهاف ايش رايك مين الي تاخر الثانية
ميهاف بعالم ثاني:...............
امال توقف جنبها بخوف: ميهاف ليش ما تردين وعيونك حمراء
منى بخوف: ميهاف انت طيبة او يعورك شي
ميهاف بضعف: لا بس الاخت شرفت وانت عارفة انها تعبني
امال: نوديك المستشفى تاخذي مسكن
ميهاف والدموع تخنقها: رحت خلاص بدخل انام
راحت غرفتها ودخلت في سريرها وجلست تبكي لين نامت
صحت على اذان الفجروصلت ميهاف الفجر واخذت المصحف تقراء وبعدها صحت البنات و راحو الجامعة وهي اعتذرت انها تعبانه
لبست ميهاف العبايه وتوجهت للبنك تستفسر اول مادخلت علىى مديرة البنك عرفتها على طول
ميهاف: السلام عليكم
المديرة: وعليكم السلام انسة ميهاف كنا متوقعين وصولك
ميهاف هادئه بس ترتجف من الداخل: خير اختي ليش متوقعين
المديرة : انت حسابك اتوقف امس
ميهاف باستفسار: ليش في خطء او شي ثاني
المديرة: تلقينى خطاب اقالتك من الشغل
ميهاف كأن احد كاب عليها موية باردة
ميهاف : اوكي انا موجود في حسابي مية الف و القرض الي تاخذوة 4000 يعني رصيدي يسمح
المديرة: للاسف الشركة كانت تطالبك بمبالغ نقدية و انسحب كل الرصيد
ميهاف: بس انا ما عندي ديون او مستحقات للشركة
المديرة تطلع لها اوراق :هذا توقيعك على اوراق الشيكات صح
ميهاف: صح هذا توقيعي
المديرة: البنك حجز على الرصيد ولسة باقي من المبلغ ما سدد
ميهاف بضياع : كم باقي مكن المبلغ ما اندفع
المديرة: مليون و اربع مائة
ميهاف شهقت :كم مليون و اربع مائة
المديرة :اسفة بس مظطرين نحجز على البيت و السيارة و المحل
ميهاف بحزن : مافي حل ثاني
المديرة: هذا علشان حق البنك حسب الوائح لكن باقي حق الشركة
واحنا اخلينا مسؤليتنا بإبلاغك وعلى فكرة الشركة ارسلت المندوب علشان يصرف الشيكات بس انت عارفة الاجرات
ميهاف: يعني كيف؟.....
المديرة: لمى قدم الشيكات مع صورة من الاقالة ما صرفنا له المبلغ لان شرط عقدنا معك انه نجز على الممتلاكات
ميهاف بتوتر واضح :وكيف اتفاهم مع الشركة عن طريق البنك او ارجع للشركة نفسها
المديرة: اتوقع انك ترجعي للشركة نفسها لان حق البنك ناخذه بالحجز على الممتلكات

ميهاف طلعت من البنك منهارة
ضيعت حياة الي حوليها فيصل السبب انا لازم اكلمة لازم لس كيف اجيب رقمة كيف
حاولت عن طريق عبد الكريم والشركة كلها انها تجيب رقمه لكنها ماقدرت
لازم اقابلة لازم بس ايش لون وفكرت وجات على بالها فكرة.....

راحت للموت برجليها راحت لقدرها بكامل قواها العقلية راحت لقصر فيصل بعد ما عرفت عنوانه ولبست لبس حرمة كبيرة واخذت معها عصاية تتكي عليها
وقفت ساعات وهي تترجى الحرس انه يفتح له البوابة الالكترونية بتكلم الاستاذ فيصل
بس مافي فايدة وهددوها بالشرطة بعد ما طفش منها الحارس دق على فهد
الحارس: استاذ فيه حرمة من الصبح تبي تدخل لطويل العمر
فهد: ماعرفت منهي او ايش تبغى
الحارس: حرمة كبيرة بالسن ويالله تمشي ومعها عصاية
فهد : طويل العمر الحارس يقول فية حرمة كبيرة تبي تقابلك
فيصل شغل الكاميرة الخارجية و شاف حرمة كبيرة معها عصاية ومنحني ظهرها وباين عليها فقيرة
فيصل كان جالس مع امه واخته
ام فيصل : جايب لي العجز لبيتي
اخته: يمكن معجبة ههههههههههههه
فيصل بمزح: لا يكون تغارين يالغالية هههههههه
ام فيصل: لا ايش دعوة بس استغربت اول مرة تجي وحدة للبيت في هذا الوقت
مريم : حرام يمكن محتاجة مرة وفاتها يوم الجمعة او ما قدرت تجي
( فيصل متعود كل جمعة يفتح باب قصرة ويوزع صدقات على المحتاجين)
ام فيصل: اية والله انك صادقة الله يغنينا بفضلة .
فيصل: شكلها مسكينه تبغى حاجة دخلها المكتب الخارجي وعطها 20 الف
فهد بالتلفون : حاضر لكنه طلع يتصل تقول تبي تقابل سعادتك ضروري
فيصل: عن اذنكم
ام فيصل : وين يمة
فيصل: ما ادري يقول تبيني ضروري يمكن في ضيقة شديدة
ام فيصل: الله يوفقك ياعمري ويحفظك ودام الله معطيك وسع على غيرك
فيصل: ان شاء الله يمة
فيصل: انا جاي دخل فيصل بالمكتب الخارجي السلام عليكم ياخالة
ميهاف بصوتها المبحوح بعذوبة تذوب الحجر : وعليكم السلام وهي تعدل جلستها
فيصل: ههههههههههههه هو انت صراحة قووووووووووية
ميهاف: انا اسفة طال عمرك .. بس ابغى اعرف انت لية تسوي فيني كذا حرام عليك لا حقني في كل مكان
الشغل وطردتني منه انت ما ترحم حتى البنك راسلة تبلغة
فيصل تحرك من وراء الطاولة وجلس بالكرسي المقابل لها
فيصل: علشان اتكرم عليك و احاكيك شيلي الغطاء عن وجههك
ميهاف بصدمة : انت ايش فاكر نفسك .. انا ماراح اشيل الغطاء ولاتحسب اني جايه اترجاك لا اصحى لنفسك انت مين وانا مين
فيصل بخبث ونظره ماكرة : شكله عجبك عرضي السابق بس ترى انا مو أي شي يملأ عيني
ميهاف تقاطعة: لو سمحت احترم نفسك وحشم اني انا حرمة غريبة عليك
فيصل: الاحترام لاهل الحترام و الحشمة اما تربية ....... هذي ما اعتقد انه يجيب معا الاحترام شي
ميهاف بهدوء خارجي : انا بتكلم معك في موضوع الدين الي للشركة
انا واثقة اني ما وقعت على شيكات انت ترضى الظلم لنفسك تتهمني بشي مو لي
فيصل بسخريه : هههههه انت اخر وحدة تكلم عن الظلم والا ناسية ايش سويتي قبل 4 سنوات
ميهاف : اسمعني عدل بخصوص مازن الله يرحمة
فيصل من سمع مازن وهو شياطين العالم تجي بوجههة ووقف معصب و مسكها من يدينها وصار يهز فيها بوحشية
فيصل بصراخ: انت اوقح انسانه شفتها بحياتي جاية تتكلمين على مازن
ميهاف تقاطعة : اسمعني انا ما .........
فيصل بعصبية : هو صحيح انو مات بجرعة مخدرات زائده ليش ترمينه بالرصاص
ميهاف : اسمعني..........
فيصل ما عطاها فرصة تتكلم ونادى البودي قارد حقونه يسحيونها للملحق الخارجي
ميهاف بصراخ علشان يسمع: انت مجنون مجنون مازن ما سويت له........
فيصل قرب منها ومسك فكها بيدة ويضغط بقوه خلتها تتوجع بصوت مسموع
فيصل: راح اوريك المجنون هذا ايش يمكن يسوي راح تكونين حبيسة عندي
دخلوها البدي قارد في الملحق الخارجي وكان مظلم ومليان غبار
ورموها على الارض وخرجوا وقفلوا الباب
ميهاف ماكلت شي من يومين التعب الي تحس فية خلاها تنام بسهولة و الدموع تنزل باستمرار
فيصل طلع لجناحة يبي ينام بس ما قدر معصب ما يدري ليه هذي البنت تخلي عنده اضطراب في المشاعر

(ياربي انا ليش احبسها ؟ انا اكيد ضيعت فيصل انت رجل مرموق كيف تتعامل بوحشية مع حرمة؟ هذا وانا عضوا في جمعية حقوق الانسان
لا هذا حق مازن ما يروح هدر ؟. ومدت يدها وكلامها الوقح؟ طيب ليش ما ابلغ الشرطة و اريح نفسي ؟ هذي انانية منك يافيصل تبغى ميهاف بقربك باي شكل ؟ بس هي خاينة خانت اهلها ودينها واخلاقها ؟. يمكن ظروف جبرتها.؟ مافي شي يجبر على الخراب. انا شكلي بنجن ) فيصل يعيش في صراع مع نفسه
xxxxxxxxxxxxxxxxxxxxx