السلام عليكم
والله انا سجلت مخصوص ف المنتدى هنا علشان شفت استفادة كويسة جدا من اعضاءة ربنا يكرمكوة
وخصوصا الاخت سمراء الخريف ال ارجو انها ترد على سوالى
انا حامل ف الشهر الرابع بقالى بالزبط 17 يوم
المهم انا مستعجلة جدا على معرفة نوع الجنين وتكوينة لانى ف اول الحمل كنت باخد مضادات حيوية
رحت مركز للاشعة الرباعية والثلاثية وكان بقالى 6 ايام ف الرابع
الدكتور الحمد لله والشكر لله طمنى على البيبى وقالى سليم وقالى كمان انوة ولد الحمد للة
خرجت مبسوطة بس لما ادانى التقرير لاقيتة مش كاتب النوع بحجة انوة مش بيكتب النوع مع انى عارفة انوة بيكتب بس قالى اصلة حجمة لسة صغير
المهم بعد يومين بالزبط رحت للدكتور بتاعى ال بتابع معاة وهو عندة الجهاز دة برضة بس هو شم بيقول النوع اصلا علشان كدة شفت برة
المهم قولتلة انى عرفت قالى طيب تعالى نتاكد لان الدكتور الاولانى لو كان متاكد كان كتبالك النوع ((بصراحة شككنى ))
المهم عملهالى تانى بس 5 دقايق كدة بسرعة وقالى النوع مش باين واصبرى على اول الخامس وانا اقولك((طبعا هو مش بيقول انا مجرباة قبل كدة))
المهم سوالى دلوقتى هل لما عملت الاشعة الرباعية والثلاثية دى مرتين على يومين ف ضرر للبيبى؟؟؟؟؟؟؟؟لان الحكاية دى قلقلنى جدااا
يعنى انا عملتها يوم 24\6
وعدتها بس بسرعة جدا يوم 26\6 ومن يومها لا رحت تانى لدة او دة
وكمان انا كنت هروح تانى النهاردة او بكرة علشان اعيد واتاكد من النوع تانى بعد ما كبر وبقيت ف نص الرابع
هل ف خطر لو كررتها تالت مرة بس على فترات بعيدة شوية اهوة
ياربت حد يطمنى ويقولى هل هى مضرة ولا عادية؟؟؟؟؟؟؟؟؟؟؟؟؟؟؟؟
هل بتضر البيبى ف حاجة؟؟؟؟؟؟؟؟؟؟؟؟؟؟؟؟
علما بان الدكتور ال بتابع عندة اصلا علطول بيكشفلى علطول بالجهاز دة ال هو هو قالى تعالى اعدلك على الاشعة بية
هل ف خطر باللة عليكو؟؟؟؟؟؟؟؟؟
وهل ممكن يكون ف اول 6 ايام ف الرابع ممكن النوع يكون باين زى ماهو اكدلى؟؟ولا ف نسبة خطا؟؟
وهل الاشعة الرباعية او الثلاثية لها اضرار ولا زيها زى السونار؟؟؟؟؟؟؟؟؟بسيطة؟؟
معلهش اسئلتى كتير
بس ياريت حد يطمننى ويكون عملها كذا مرة ومحصلش مشاكل
وال هتسالنى تقولى انتى مستعجلة تعرفى لية؟؟؟
هقولها انا مكنتش مستعجلة بس بعد ما عرفت وفرحت جوزى رجعت شكيت تانى وخايفة يكون النوع غلط ونفسى امهد تانى لجوزى علشان ميفضلش يحلم بحاجة وتيجى حاجة تانى
لان كان نفسة ف ولد لان عندى بنتين ربنا يخليهم
ان شاء الله يجيلى طفل سليم اولا واخيرا
بس ارجو الرد
رد مع اقتباس
مواقع النشر