مشاركتي في المسابقة الرمضاني(تمت مراقبتة)
بسم الله الرحمن الرحيم
كل عام وانتم بخير
اول شيء هبدا بالصوره العامه للسفره البسيطه والخفيفه
ده طبق السوتيه المتحمر في الزبده
وطريقته نسلق الخضار على البخار وبعد كده نحمره في شوية زبده
وده طبق رز بشربة الفراخ
رز عادي مسلوق في شوربت فراخ
وده شوربة فراخ عاديه
نغسل الفراخ كويس ونحطها على النار مع بصله وهيل وقرفه وورق غاروملح وفلفل لحد ما تستوي
وده الحلو كيكة العسل
واخدت طريقتها من مجلة فتافيت عدد رمضان
وطريقتها كالتالي:
صباع ونص زبده
نص كوب سكر
ربع كوب عسل
بيضه
3 ملاعق كبيره حليب سائل
1 ملعقة صغيره بيكنج صودا
1 ملعقه صغيره بيكنج بودر
1 ملعقه صغيره فانيليا
2 كوب دقيق
رشة ملح
للكريمه:
2 كاسه حليب
بيضه
4 صفار بيض
1 ملعقه فانيليا
نص كوب سكر
5 ملاعق نشا
3/4 صباع زبده
للوجه:
شوكلاته خام
مكسرات محمصه
الطريقه:
للكريمه:
نسخن الحليب في قدر وفي قدر تاني نحط جميع مقادير الكريمه ماعدا الزبد وبعد ما يسخن الحليب نحطه بالتدريج على الخليط ونحطه على النار ونقلبه لحد ما يتقل وبعد كده نرفعه من على النار ونسيبه لحد ما يبرد بعد مايبرد تماما نضيف الزبده ونضربها بالمضرب وكده تكون جهزة للشغل
للكيكه:
نسخن الفرن اولا على درجة حراره 190 وندهن الصينيه ونجهزها للكيكه
نخلط الزبده+ والعسل+والسكر+والحليب +والفانيليا +والبيكنج صودا مع بعض على النار لحد ما تدوب الزبده ويغلي المزيج نكون محضرين المواد الجافه مع بعض نخلطهم كلهم مع بعض كويس ونضيف البيضه ونخلطها ونحطها في الصينيه وندخلها الفرن لمدة 15 دقيقه بالظبط ونخرجها ونسبها تبرد لمد ة عشر دقايق وبعد كده نقطعها بشكل طولي على 3 قطع ونضع في وسطها الكريمه اللي جهزناها وفي الاخر نسيح الشوكلاته في طبق\على حمام بخار ونصبها على الوجه ونزينها بالمكسرات
رد مع اقتباس
مواقع النشر