كوسا بلبن بالصور من مطبخي(مشاركتي بمسابقة الاطباق الرمضانية)(تمت مراقبته )
السلام عليكم ورحمة الله وبركاته
كيفكن يا غالييين
من اول رمضان كنت حابة اشترك بس كنت حامل وولدت الحمد لله من 10 ايام فمنيح لحقت حالي اخر يوم
(كوسى بلبن)الشامية الاصلية ان شاء الله تعجبكم
نبدأ بسم الله
نجيب الكوسى ونغسلها ونحفرها بهلشكل
يعني موسميكة مشان اللحمة
ولا هي رقيقة مشان ما تجلد علقلي
خير الامور اوسطها
نجهز الحشوة \\لحمة ناعمة وصنوبر \\على النار مع قليل من الزيت
سامحوني صورتها قبل ما حط الصنوبر
نحشي الكوسى باللحم ونضع زيت في مقلاة لقلي الكوسا
وفي طنجرة فيها ماء بس نقلى الكوسى نضعها في الماء حتى انتهاء الكمية ونتركها في الماء حتى تغلي وتستوي شوي
يعني تمسكي الكوسا تلاقيها طريت شوي
هون بعد ما غلت شوفي كيف صارت الماء
هلأدور اللبن نجيب اللبن ونضع عليه بيضة وملح ونشاء الذرة
تقريبا بلعيار كل كاسة لبن بدها معلقة كبيرة نشا
نخفقهم جيدا انا بستعمل مضرب الكيك ونضعهم على النار حتى يبلش يغلي البن
ثم نضع عليه تقريبا كاسة او كاستين من مرقة الكوسى ((بتتطلع طعمت اللبن طيبة كتير))ونحركهم جيدا
نصفي الكوسى نننزلها على مهل بالبن وعلى نار هادئة من دون تحريك نتركها شي خمس لعشر دقايق لتاخد الكوسى طعم اللبن
ثم نسكبها في الجاط (البايركس)او الزبدية
وتقدم مع الارز بالشعيرية
يتبع
رد مع اقتباس
مواقع النشر