مو عارفه كيف اغسل ملابسنا عدل

["خيال"]

السلام عليكم



بناااااااات بليز ساعدوني مو عارفه كيف اغسل احس كرهت الغسيل بشكل ما تتصورون الحين لي شهر ما المس الغساله والسبب اني مليت غسلت والا ما غسلت الملابس ما تنظف ما ادري شسوي
بالعلم انه غسالتي غساله اتوماتك ال جي اللي تنفتح من فوق....بس ما احس انه تنظف يمكن ما اعرف استخدمها
لإني اضع الصابون واشغل الغساله تسوي كل الشغل جميع من غسيل وشطف وتجفيف وكل حاجة وبعد ما تخلص انشر الملابس بس ما اشوف اي نتيجة البقع كما هي ولون الملابس مو زاهي
اللي عندها اي معلومه تفيدني فيها في جعل ملابسي نظيفه من دون بقع والوانها زاهيه ولامعان
لا تبخل علي

ملاحظه
طبعا اقسم الملابس الى ثلاثة اقسام
(قسم ملون) استخدم صابون تايد
و(اقسم ابيض )استخدم صابون تايد
و(قسم اسود مع كحلي غامق واحمر) استخدم غسيل فيري

[عيون ابوها]

والله مادري


انا نفس مشكلتك البقع ماتروح لو اكب كل كرتون الصابون ماينفع

طبعاً البيض الي هي ملابس زوجي وس اسوي لازم احط شوي كلوركس

عشان تنظف صح

ولا ملابس بنتي مبقعه مدري وش اسوي فيها


على فكره غسالتي غير غسالتك انا الغساله العاديه بس تغسل وانا اشطفها عن الصابون وارجعها بالتنشيف

[عاشقة سورية]

بالسبة للغسالة الاتوماتيك اللي تفتح من الاعلى بصراحة رحت اشتريها من 6 سنوات وصاحب المحل نصحني فيها قلي انها ما تنظف
وبالفعل اخدت الغسالة الاتوماتيك LG اللي ينفتح بابها من الامام بصراحةةةةةةةةةةة ماشاء الله تبارك الرحمن تنظف ومريحة
بس الله يعينكم على هالغسالة لاني اسمع عنها كتير ما تنظف
وان شاء الله البنات يفيدوكم
تقبلي مروررررررررررري

[*دانة مكه*]

السلام عليكم [/SIZE]



بناااااااات بليز ساعدوني مو عارفه كيف اغسل احس كرهت الغسيل بشكل ما تتصورون الحين لي شهر ما المس الغساله والسبب اني مليت غسلت والا ما غسلت الملابس ما تنظف ما ادري شسوي
بالعلم انه غسالتي غساله اتوماتك ال جي اللي تنفتح من فوق....بس ما احس انه تنظف يمكن ما اعرف استخدمها
لإني اضع الصابون واشغل الغساله تسوي كل الشغل جميع من غسيل وشطف وتجفيف وكل حاجة وبعد ما تخلص انشر الملابس بس ما اشوف اي نتيجة البقع كما هي ولون الملابس مو زاهي
اللي عندها اي معلومه تفيدني فيها في جعل ملابسي نظيفه من دون بقع والوانها زاهيه ولامعان
لا تبخل علي

ملاحظه
طبعا اقسم الملابس الى ثلاثة اقسام
(قسم ملون) استخدم صابون تايد
و(اقسم ابيض )استخدم صابون تايد
و(قسم اسود مع كحلي غامق واحمر) استخدم غسيل فيري

السلام عليكم ورحمة الله وبركاته

اولاً بالنسبة للملابس مايكفي التايد لوحده وراح أجزء لك خطواتي في غسيل الملابس ومع ذلك ان شاء الله راح تلاحظين فرق كبير
ان شاء الله ،،،،،،

* قسم الأبيض في البداية بعد تعبئة الماء بالغسالة عادةً باستخدم صابون بونكس وقليل من الصابون المبشور (برائحة الزهور ومصنوع من زيوت نباتية وريحته خيال على الملابس) وملعقتين مبيض (هذا النوع فقط موجود بسورية) وبعده هالاضافات على الماء ضعي كمية الملابس المحدده وخليها تدور بالغسالة دورتين كاملة ، واذا في الملابس بقع داكنة خليها كمان مرة او مرتين وعلى حسب نظرتك لها ، وبعد كذا نشفيها بالنشافه حتى تتخلص من كمية الصابون اللي فيها وخليها على جنب ، وبعد كذا شطفيها في اللينور (داوني أو اي نوع تحبين) ورجعيها ثاني للنشافه وراح تلاحظين بعدها فرق جداً واضح والوان زاهية وملابس ريحتها تاخذ العقل بس طبيعة الأبيض دائماً يبغاله وقت واكثر من غسله حتى ينظف ، كثير حولنا كانو مفكرين اننا نغسل الأبيض على الطريقة القديمه بالماء الحار وبعد ماعرفوا اتبعوا نفس طريقتنا بس زي ماقلتلك يبغالها صبر .!



* اماقسم الملون نفس الشي بس بدون المبيض واتبعي نفس الخطوات .

* اماقسم ( اسود مع كحلي غامق واحمر ) اذا كانت الملابس مو متسخه مره فاستعملي لها الصابون اللي بالجوالين برائحة الـــورد بدل الفيري لأن الفيري مخصص للأواني ماينفع واذا كانت الملابس متسخه مره ضيفي لها مع الصابون شوي من صابون بونكس وكملي باقي الخطوات عليه ...

وان شاء الله تكون الخطوات واضحه وتعجبك وشوفيها سهله لا تصعبينها لأنها بالنهاية راح تبهرك وبتدعيلي على هالطريقة .

تحياتي *دانة مكه*