السلام عليكم ورحمه الله وبركاته عليكم جميعا احب انهارده اتناقش مع كل زوجه بتعيش مع اهل زوجها وبينهم مشاكل او خلافات نتيجه تجربتي بحاول نوصل سوي للاسباب عشان نقدر باذن الله نحلها ونرضي ربنا سبحانه وتعالي وازواجنا وانفسنا في نفس الوقتوعشان مطولش عليكوا نتكلم الاول عن اسباب الخلافات:
احب الاول نحدد يا تري اهل زوجك من اقاربك ايضا ام غرباء لانه يفرق الي حد ما في طريقه الحل واحب ابدا الاول بالحاله الثانيه والاكثر تواجدا...............
اي اغلب المشاكل اللي بتواجهك..
1 غيره الام منك لانك اخذتي ابنها منها
2 غيره اخواته البنات لانه اصبح اكثر اهتماما بيكي عنهم
3 تدخل الاهل في شؤنك الخاصه بيكي وبزوجك
4 مش عارفه تستمتعي بحياه مستقله مع زوجك دون ازعاج خاصه في الاوقات الخاصه بينكوا
5 ام زوجك تجيد اثاره المشاكل بينك وبين زوجك
6 تجدي صعوبه في فهم طريقه تفكيرهم
7 احيانا لا ينصفك زوجك امام اهله وان كنتي غير مذنبه
كل هذه الاشياء وغيرها دوامه تقع فيها كل الزوجات نتيجه عوامل كثيره مثل قله الخبره والصبر والعقلانيه في التصرف والتسرع وعدم الحكمه في كيفيه كسب حب وثقه اهل الزوج.....
وعشان كده احب اخلي الباب مفتوح لكل الزوجاتاللي عاشوا التجربه وقدروا يغيروا من حياتهم يقدموا النصيحه لغيرهم ولهم الثواب عند الله ..
ونصيحتي انا
1 اسئلي نفسك هذا السؤال يا تري انتي بتعاملي مين البشر ام الله ؟
وطبعا اكيد الاجابه بتعاملي ربنا وعشان كده هاتعمليهم كويس دون مقابل لانه لوجه الله
2 بتحبي زوجك؟
لو بتحبيه اكيد هاتعملي اي حاجه عشان تسعديه حتي لو علي حساب نفسك
3 يا تري تحبي والدتك تتعمل ازاي من زوجه اخيك؟
اكيد بكل حب وصبر واحترام مهما كانت اسائتها لها فانتي اعملي كده كمان
وفي النهايه اصبري واعتبريه جهاد تؤجري عليه وصدقيني لما زوجك يشوف معاملتك الجميله لاهله هايشيلك فوق راسه ويحبك ويحترمك اكثر وهما كمان هايقدروا معاملتك ليهم وهاتكبري في نظرهم ويغيروا معملتهم ليكي للاحسن ان شاء الله ودعواتكم ليا بصلاح الحال واتمني ما تبخلوا عن باقي اخواتكم بالنصائح المفيده في هذا الموضوع
ودومتم بخير وسعاده بطاعه الله
مواقع النشر