جود تحس بالجوع والتعب ونزلت المطبخ وفتحت الثلاجه واخذت كاس عصير وراحت سوت لها سندوش بالجبن واكلتها ورجعت غرفتها اول ماحطت راسها على المخده راحت في نوم عميييييييييق من التعب اللي في جسمها
.
.
بدا ثالث ايام العزا عادي كااليومين اللي قبله اللي تغير فيه خف بعض الحزن عنهم الا روان اللي صورة بنتها ماتفارق بالها تحسها تنديها في كل وقت وفي كل مكان وتسمع صداء ضحكتها وهواشها مع كل مين الاء كانت ضغيره بس شقيه مره طالعه على خالتها خلود
اليوم الثالث جات فيه جود وانصدمت من الموجودين ايش كثرهم سلمت على روان وعماتها وام نايف وطلعت على طول راحت لخلود وحالها مايباعد خواتها نوره وروان باين الى اليوم اثر الصدمه على وجيههم وسلكت عليهم وكملت تبكي معهم زادت هموم جود والله العالم ويش بتلقى بعد من صدمات جايه لها في الطريق الله يعين وحده من ابطال قصتنا
نادى سعود على نوره وكلمها وشاف انها مومهتمه في نفسها وكلمها الا نوره عاد بالدنيا كلها بعد امه وابوه نوره في شهرها التاسع يعني على وشك ولاده وقال لها تنادي امه وخواته ونادتهم
وعمر بعد اخذ زوجته تالا وراح لبيته وصار بيت ابو خالد فاضي من الناس غير اهل البيت
.
.
.
يالله اش كثر ثقيله ايام العزا ثقيله على اللي يحس فيها مو اللي مو داري عنها مثل ابو وليد نايف الى الان مايدري عن بنته انها ماتت وهو ممكن يكون احد الاسباب اللي بسببها ماتت الاء وانحرمت امها منها مادري انه صار سبب في تعاسة امه وابوه وزوجته ابوه صار يدعي عليه بعد ماكان يدعي له وامه تعبانه بسببه وزوجته حالها ماينوصف .. يالله نايف سبب في تعاسه من حوله ولا بعد اقرب الناس له امه وابوه اللي اوجدوه على هالدنيا زوجته اللي حبته واحترمته وماكشفت حقيقته وصبرت عليه الى الحد انه يكون سبب في وفاة بنتها خلاص ماتقدرتتحمل اكثر من كذا مستحيل انسانه تتحمل الظلم هذا كله مستحيل .
.
.
.
.بعد ثلاث اسابيع من انتهاء ايام العزاء
طبعا خلود وجود نسوا شكل المدرسه ولا وحده فيهن فكرت
في بيت ابو سعود
الكل مجتمع في الصاله الا جود جود ماصارت تجلس معهم بس انها مااتغطى عن العيال اصلا ليش تتغطى وهم حافظين شكلها عدل جود خلاص ماعاد يهمها شي
في الدنيا ابد
المهم ابو سعود : هاه ياولدي سعود مااحد اتصل عليك
سعود لا يبه انا حاط الاعلان من ثلاث ايام ومااحد اتصل
ابو سعود : يمكن مااحد درى عنه
في اللحظه هاذي دق جوال سعود
وكان رقم غريب
سعود : الو
المتصل : السلام عليكم
سعود: وعليكم السلام
المتصل : سعود الحق نوره بتولد
سعود : طيب خلاص انا جاي الحين مع السلامه
المتصل كان خالد بس من تلفون المستشفى لان جواله نساه في البيت
وراح سعود بسرعه على المستشفى بعد ماقال لاهله ان نوره بتولد
نوره خلاص ولدت وجابت ولد
وسمته : عبد العزيز على اسم ابو سعود صار عبد العزيز سعود عبد العزيز الكل فرح لنوره حتى اختها روان طلعت تقريبا من القوقعه اللي حابسه نفسها فيها وجود بعد رجعت تحتك فيهم بس مو مثل قبل
تقابلوا جود وخلود
في المستشفى وخلود نادت جود وكلمتها
خلود : وينك كاتردين على تلفوناتي
جود : والله ياخلود اني مو فايقه لك
خلود : جود لا تكونين زعلانه مني
جود : لا تخافين ماني زعلانه منك
خلود : طيب ليش ماتردين اكيد زعلانه
جود ك وربي مو زعلانه
خلود : اجل ايش فيك
جود : ماتقدر تتحمل وجلست تبكي في حظن خلود وخلود كانت مستغربه
خلود : جود جود ايش فيك
جود : اللي فيني اكبر مني بكثير صدمه عمري مافكرت فيها ولا خطرت على بالي
خلود : جود فهميني السالفه
جود : ماله داعي تكدرين على نفسك
خلود : لا قولي طلعي اللي بقلبك
جود : اااااااه اللي في قلبي كلام كثير
خلود : قولي وانا اسمعك فضفضي
جود : ماينفع يابنت العم ماينفع
خلود : لييييييييييييييييييش
جود خنقتها العبره : ماادري ماادري
خلود حست في جود : خلاص على راحتك
رجعن خلود وجود عند الحريم في الغرفه
جود وخلود : السلام عليكم
الحريم : وعليكم السلام
خلود : اخيرا صرت خاله
الكل : هههههههههههه
ام خالد : انتي من زمان خاله
خلود : ايه خاله من بنت والمره هاذي من ولد يعني فيه تجديد
الكل : ههههههههههه
روان : ماتتركين حركاتك
خلود : وليش اتركها انا مستانسه فيها
ام خالد : خلاص لا تتركينها بس لا ترجينا
خلود : حرام عليكم انا رجه والله لاعلم عليكم
ام خالد : مين
خلود : اعلم جدتي
ام خالد : جدتك هي تقول انك رجه يارجه
خلود : اعوذ بالله انا مظلومه من الكل مااحد يرحمني
جود : كانت دقيقه معاهم وساعه في عالم ثاني عالمها الخاص تضحك اذا ضحكوا بس ماتدري ليييش وتسكت اذا سكتوا وعلى هالحاله الى ان راحو للبيت
بعد ماطلعوا جاء سعود لمرته وولده
سعود : السلام عليكم
نوره بابتسامه : وعليكم السلام
سعود : كيف القمر اليوم
نور : الحمد لله بخير
سعود : دوم ان شاء الله
سعود كان شايل ولده ويحرك يدينه وهو نايم ونوره كانت تبي تسال سعود سؤال بس محتاره يمكن ماايعرف سعود كان حاس بنوره
سعود : قولي اللي عندك
نوره : ايش دراك اني بقولك شي
سعود ياشر على قلبه ويبتسم
نوره : ههههههههههههههههه
سعود : دوم هالضحكه يارب
نوره : معاك ياقلبي
سعود : يالله عاد ويش اللي عندك
نوره : اختك جود ايش فيها احسها مهمومه مره
سعود سكت نوره ماتدري ان جود ماهي اخت سعود : بقولك بس اوعديني ماتقولين لاحد
نوره : اوعدك
سعود قال لنوره كل السالفه
نوره .............
سعود : نوره ايش فيك ساكته
نوره : مو مصدقه الى الان
سعود : صدقي
دق جوال سعود وكان رقم غريب
سعود : الو
المتصل : السلام عليكم
سعود : وعليكم السلام
المتصل : معاي سعود عبد العزيز ال..........
سعود : ايع نعم اخوي امر
المتصل : والله يااخوي انتم حاطين اعلان في الجرايد والتلفزيون عن بنت عندكم اسمها جود
سعود : ايه نعم احنا حاطينه
المتصل : انا ابي اشوف بنتي
سعود : طيب بس لازم تسوي تحاليل عشان نتاكد انها بنتك
المتصل : خلاص موافق
سعود : ايش رايك نتقابل اليوم بالمستشفى ............ اذا انت فاضي
المتصل : اكيد فاضي ولو ماني فاضي بفضي نفسي عشان بنتي
سعود : خلاص انتظرك بعد صلاة العشا
المتصل : ان شاء الله ...... تامرني بشي
سعود : سلااااااامتك
المتصل : في امان الله
سعود : مع السلامه
سعود سكر من الرجال وقلبه يدق بقوه مايدري ليش يمكن عشان اقترب فراق جود عن الكل والله العالم ياترجع لهم او ماتفكر فيهم بعدين او ممكن اهلها يمنعونها
نوره : سعود سعود ايش فيك
سعود ....... اللي اتصل علي يقول انه ابو جود
نوره : الله يستر
سعود : بتصل على ابوي واقوله
.
.
.
.
.
ابو سعود في البيت بين عياله
دق جواله المتصل سعود
ابو سعود : هلا سعود
سعود : السلام عليكم
ابو سعود : وعليكم السلام
سعود: كيف حالك يبه وكيف حال امي وخواتي
ابو سعود : الحمد لله بخير .. كيف حال مرتك وولدك
سعود : الحمد لله بخير ....... يبه ترا اتصل علي واحد يسال عن الاعلان
ابو سعود : ايه ويش قلت له
سعود : قلت له نتقابل في المستشفى العشا عشان التحاليل اللي تثبت ان جود بنته
ابو سعود : لا اوصيك ياولدي
سعود : لا توصي حريص يبه
ابو سعود : الله يعينك
سعود : تامرني على شي يبه اذن وبرح اصلي
ابو سعود : مايامر عليك عدو ياولدي
سعود : مع السلامه
ابو سعود : الله يحفظك .. مع السلامه
سكر ابو سعود من ولده وهو متضايق مايدري ليش
ام سعود : خير ان شاء الله ايش يبي سعود
ابو سعود : اتصل عليه رجال ويقول انه ابو جود
ام سعود مصدومه :: ايييييييييييييش
مواقع النشر