السـلام عليكم ورحـمه الله وبركـاته
ببداء بالمشكله على طول
مشكله زوجي الله يصلحه ويهديه بخله الزايد وطبعا الغلط غلطي انا لاني معطيته وجه وعمري ماطلبت منه اذ معاي ..
بعطيكم امثله
يجي يطفي لمبات الشقه كلها مايخلي الى لمبه وحده ويمشي ويقول انا اليوم دافع فاتورة الكهرب اليوم 120 ريال وابو الجيران فاتورته 90 ريال ليش انا 120 وهو 90 انتي تصرفين كهرب وانا والله ربي يشهد علي ماافتح غير لبة الصاله والممر بس ودايم يقول انتي مسرفه وانا بس ادفع حرام عليك قدري
مع العلم اني مقدرته كثير بنسافر انا وهو وربي اني دافعه نص المبلغ وصار يمون الاخ يقول اذا رحتي الاهلك وعطوك فلوس جيبيهن نحطهم مع فلوس السفر
فوق هذا كله الثلاجه ورب البيت مافيها ولا شيء وكل يوم يجيب عشاء ساندويشات شاورما ولا بيتزا ولا فول ..
ابي اطبخ يقولي انا ماابي اكل ثقيل مو لازم تطبخين
ومااكل غير وجبه باليوم اللي هي العشاء
الصابون حق اليدين شقق يديني وريحته خااايسه من ارخص مايكون مع العلم العلبه تجلس 4 شهور ماتخلص وش بيضره لو زود عشره ريال وجاب صابون غالي وريحته حلوه راح يجلس 4 شهور مايجيب غيرها ..
اذا رحت للسوبر ماركت ممنوع اشتري شامبو غالي وصابون نفس الشيء وكريمات ومرطبات جسم هذي من سابع المستحيلات اشريها واذا شريتها لازم نتهاوش انا وياه ولا اشريها من فلوسي مانشري الى اللي عليها الخصم ممنوع نشتري عصير ممنوع نشري كيك مكسرات مافيه غير خضار وفواكه فقط
بنتي صغيره شرالها ملابس كم قطعه وصغرت عليها واقوله نشتريلها غيرها يقولي لا انا لسا شريتلها اقوله البنت كبرت لازم نشتريلها والشتاء داخل لازم نشتريلها ملابس شتويه يقول اوكي نشتري بس انتي تدفعين شوي وانا شوي والله مايستحي على وجهه والمشكله اشتريلها ملابس من الهرم والهرم رخيص ملابسه مااشتريلها من الماركه وعادي انا مقتنعه بس ليته يدفع البنته
بسافر قريب وانا دافعه للسفر 12 الف وهو بس 8 الالف ويقولي خذي من اهلك عشان اذا سافرنا والله استحي اطلب من اهلي
اللنت مافيه نت القط الاشاره من الجيران ولي سنه اصيح عليه ابي يجيب نت ورافض مايبي يدفع
والله لو راتبه قليل ولا شاكه واحد بالميه ان المشكله بالماده كان عذرته بس كل السالفه انه لقا من يدفع عنه ويسكت ومايناقشه ..وانا صراحه اتعب من مناقشته ..
اذا بغينا نطلع مطعم انا اللي ادفع واذا بنروح كافي انا اللي ادفع المره الوحيده اللي هو دفع يوم طلعت من النفاس والى الحين اذا طلبت منه شيء يقولي انا دافع حق المطعم انا صرفت كثير لا تطلبين مني شيء يوم طلعت من النفاس ماجابلي ولا شيء بس شنطه يمكن حقها 50 ريال
والمشكله هاالي يدعي انه ماعنده شيء شاريله جوال ايفون سعره ثلاث الالف ريال
انا وبنتي نصرف على انفسنا وهو شارلي النفسه جوال اخر موديل ..
ابي حل تكفون ابي حل عقلاني يخليه يخف من بخله والله لو مااصرف على نفسي كان ماالقا شيء البسه والى اذا عليه هو ماراح يصرف لي ولا ريال
والله بديت امل منه حسيت اني بديت اكرهه
في البيت مايجلس ابدا يصحى من النوم يطلع النادي يروح يتقهوى مع اخوانه ثم يروح للاستراحه ثم يرجع بالليل وينام هذا غير الاربعاء والخميس محرجني عند اهلي مايجي ياخذني الى 4 الفجر حتى مره ابوي قال زوجك اللي يسهر كل ذا الوقت اكيد مو مضبوط وراه شيء ..قلت الزوجي ان ابوي قال كذا صار يجي ياخذني الساعه 12 ويروح يكمل سهرته الى الساعه 4 الفجر ..وش الحل معاه
مواقع النشر