كيف تبغاني اسولف وانت خابرني عليل

[ألمـاسة]

[align=center] السلام عليكم ورحمة الله وبركاته

هذا الشعر ياترى وش سالفته انا سمعت الانشوده الي حاطته الاخت سمرا

في قسم الصوتيات وانا حبيت الانشوده فادورت على القصيده ونقلته لكم

فاهي تحكي معاناة انساااان بسبب غلطه غير مقصوودة انتهت حياته ..

سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..

كانت اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..

كانوااا يعشقووون الصيد .. وفي رحلة من رحلاتهم وفي فتره الظهيره ..

كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في

مخزن السلاااح انطلقت الرصاصه

لتسكن في قلب محمد وترديه صريعاااااا ..

ولم يكن عندهم احد ..

وضع سلطان في السجن .. وبدات المشايخ بالوفود على اهل محمد لكي يصفحووو عن سلطان

ولكن بدون فائده ..

وصدر الحكم عليه بالقصاص ....

وبعد التنفيذ .. ومصادفة ً صار قبر سلطان في جنب قبر محمد ..

هذه القصيده بين ايديكم ..

يا فلاح الهم خيّـم فـوق قلبـي يـا فـلاح
كيف تبغاني اسولف وانـت خابرنـي عليـل
ويش قولك في عليل ٍ في حياته مـا ستـراح
تنتثر دمعـة عيونـه لاظلـم الليـل الطويـل
حالته لا ما تباعد حال ( سلطـان الربـاح )
بالخطا راحت حياتـه والخطـا مالـه مثيـل
كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل
اجمعتهم صحبة الدنيـااا علـى جـد ومـزاح
ما يهابون الليالـي والحمـول اللـي تميـل
ما قتل عامد ولكـن ثـوّر ابليـس السـلاح
بالخطا ثار السـلاح ويـن يلقـى لـه دليـل
انعقد سجنه .. وربعه تنتظـر فـك السـراح
والاكيد انه سجين وما رضووا ربـع القتيـل
هل دمعـه يـوم صلّـى ركعتيـن فالصبـاح
في نهار الجمعه اللي من ثقيـل ٍ فـي ثقيـل
هلّل وكبّر .. ونفسـه تذكـر اللـي راح راح
كان في ربعه عزيز .. وذلّه الوقـت الذليـل
(لا محمد لا تهانـي لا سعـود ولا صـلاح )
كلهم كانوا على باله وهمّـه فـي ( هديـل )
طفلة ٍ ما كمّلـت عاميـن صايبهـا كسـاح
وانتثر دمعـه وحالـه مـن سبايبهـا نحيـل
حان تنفيذ القصاص .. وغطوا الراس بوشاح
وجاك سيّافه يشيل السيف ابـو حـد ٍ صقيـل
ارتخى راسه .. وزاد الموقف الحامي صيـاح
بين نوح وبين دمع وبين صيحـات وعويـل
وارتفع صوت الحشود .. وزاده محمد وصـاح
يا يبه تكفى دخيلـك تستمـع قـول الدخيـل
يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل
يا محمد .. هاك علمي واحفظه قبل المـراح
انتبـه لاخوانـك وبالـك عليهـم لا تعـيـل
والله الله .. فالصـلاة وفالصيـام وفالصـلاح
والله الله .. ف( امكم ) والله لكم بعدي كفيـل
غمّض عيونه ونفسـه تطلـب الله السمـاح
رافع ٍ سبابتـه .. ( مظلـوم ) والله الوكيـل
سل سيّاف الصفـا سيفـه ودقـه ثـم طـاح
راس (سلطان المراجل ) وانتثر دمـه يسيـل
غسلوه .. وكفنوه .. وفاح طيب السدر فـاح
وبالمصادف صار قبره جنب قبر ( ابن العقيل )
يا فلاح .. الكارثه ما هي سوالف يـا فـلاح
خلنـي ساكـت ودوّر غيـر هالقصـه بديـل

..... الماسه

[دنيتي غريبة]

[align=center][glow1=#000099]يا محمد .. هاك علمي واحفظه قبل المـراح
انتبـه لاخوانـك وبالـك عليهـم لا تعـيـل
والله الله .. فالصـلاة وفالصيـام وفالصـلاح
والله الله .. ف( امكم ) والله لكم بعدي كفيـل
غمّض عيونه ونفسـه تطلـب الله السمـاح
رافع ٍ سبابتـه .. ( مظلـوم ) والله الوكيـل[/glow1]



قصة جدااااا مؤلمة

بارك الله فيك اختي

**[glow1=#000066]الماسة[/glow1]**

ومشكووور ة على هذا النقل

لك ودِ[/align]

[آسية]

قصيدة محزنه

شكر لك أختي على نقلها

[دمـــوع الرسايل]

مشكوره اختي

قصه وقصيده جدا مؤثرا