السلام عليكم ورحمة الله وبركاته
هذي أول مشاركة لي
واتمنى ما تحبطوني
أنا معلمة انجلش وتوي هذي ثاني سنة تدريس بس خلاااااص
كرهت أسلوبي وأحس انو لازم أعرف أذا البنات اكتسبوا لغة من تدريسي لهم أو لا
بالنسبة لأسلوبي كتربوية أتوقع أنه تمام,,يعني الأمهات يجون يشكروني لتعاملي الطيب مع بناتهم
البنات تقبلوني لدرجة كبيرة و صاروا يلجؤون لي في معضم مشاكلهم
وهذا شي حلو
اللي مضايقني اني أحس البنات صاروا يركزون ع نوعية العلاقة معي ويحترموني بس ما قدرت افهمهم من ناحية المادة
هل تعلموا مني شي؟ هل أنا أدرس صح؟ درجاتهم حلوة في الاختبارات مشاركتهم جيدة جدا في نهاية كل وحدة أعطيهم حصة مراجعة واسألهم وأختبار دوري بعدين أوزع عليهم أوراق ملخص للوحدة وشرح للقرامر اسويه بنفسي والاختبارات اغير فاسلوب الاسئلة شوية عشان لايحفظون لي ودرجاتهم ممتازة
واحس انهم في الاختبار يتاخرون ما يطلعون<<واذا سألتهم الملاحظة هل الاسئلة صعبة يقولون لا بس نبغ نجيب درجة كاملة
اعطيهم محادثات من برى وقلت لهم انو اهم شي يعرفون كيف يستخدمون اللغة عشان كذا الديالوق لازم يكون مو معهم واعلمهم في الحصة كيف يحاورون
أحاول أجيب لهم وسائل مقاطع صوت أو فيديو بس الاغلب وسيلة عادية
أبغ اسلوبي يكون مؤثر ومفيد
أبغ لما تمر عليهم كلمة انجليزي يقولون هذي الكلمة تعلمناها من استاذة....
ما أبيهم يتعلمون مني عشان يحصلون درجات وبس
أبغ أحد يوجهني كيف أسوي
هل اصعب عليهم المذاكرة أو اعطيهم اختبارات مفاجئة بس عشان اشوف مستواهم
او اعطيهم اختبارات من برى المنهج كقياس عام لمستواهم فاللغة
الموضوع مؤرقني كثير وأحس بعظم المسؤولية خاصة لما استشعر اهمية تعلم اللغة في هذا العصر
ارجو الرد ومعذرة عالاطالة
دعواتكم لي بالهداية والتوفيق وجزيتم خيراً
رد مع اقتباس
مواقع النشر