روايه سويره يابعد دقات قلبي دقه دقه

[دمعه حزن 22]

-




الفصل السادس / ضميني .
" و.. وش قاعد يقول هالمجنوون!! ماني قادره اتكلم خايفه منوو , وقبضته الا ماسك فيها كتفي تدل على اني لازم اسكت والا برووح بخرايطها خخخخـ ! كلهم يناظرووني ياربي شسوي !! "
قلت بصوت هادي وانا موت مستحيه : سـ .. سعيد
ابتسم ابو عمر وقال : خلاص اجل روحوا خذوا راحتكم احنا نتدبر امورنا ^^
سعيد وهو يبتسم : اوك واذا بغيتواا حاجه ما يردكم الا لسانكم
ابو عمر : تسلم يا الحبيب
مشى سعيد وهو حاط يده على كتف ساره ومقربها منه وهي تمشي بخطواات ثقيله ووجها الواان من الحيااء !
ولما دخلوا الطيارهـ ..
بعّدت ساره يد سعيد عنها بخوف وراحت بعيد عنه وقالت وهي معصبه ومستحيه : و.. وش هالكلام الا قلته !!!
ابتسم سعيد بخبث وقال وهو يجلس على المقعد : وطي صوتك لا يصحى نايف
تأففت ساره وقالت وهي توطي صوتها : وربي انك ما تستحي , استغفر الله !!
تغيرت ملامح سعيد من الابتسامه الى الجديه وقال : مين الا ما يستحي انا والا انتي ؟!!
فتحت ساره عيونها وقالت : انا ما استحي ؟! طيب وش سويت , اكلتني بنظرااتك لدرجه انوو على بالي سويت شي وانا مدري !
سعيد : الحين كل هالبزارهـ الا سويتيها والهبال والضحك وماسويتي شي ؟ , ما شفتي نظراتهم لك , لاا وبعد مسويه نفسك خايفه مني , موب انا الا ينخاف مني يا ساره !! خافي من الا حولك بس انا لاا
اصلا لو ما قلت لهم انك متزوجه كان استغلواا اي دقيقه ! ماني ناقص يحصل لك شي خليني ارجعك سالمه لأهلك ..
يمكن انتي على بالك للحين انتي بزر ..

نزلت دمعتي بهدوء وانا اسمع كلامه " جرحني بهالكلام , ليش كذا !! " , مسحت دموعي بيدي الا كانت ترجف , ومشيت بهدووء لآآخر مقعد وجلست فيه وانا دافنه وجهي بين رجوولي وجلست ابكي بصمت مع انوو مو من عادتي . . .

" اففف , المفرووض ما اقول لها كذاا ! لحوول الحين لازم اتأسف "
تأففت بهدوء وانا ارفع شعري بيدي وتعوذت من ابليس ورحت لساره وجلست بنفس مستواها وقلت : خلاص انا آآآسف لا تبكين
قالت بصوت طفوولي يقطع القلب : ماابي
ابتسمت بحنان وقلت : طيب انا تأسفت , وش تبغين اسوي عشان ترضين ؟
قالت بخوف : انت اصلا شرير , دايم تخليني ابكي ! ليش تعاملني كذا !!
" يااا لبى بس !! ههههههه من جد حسيتها بزر اول ما قالت شرير ! "
خق سعيد على هالكلمه وابتسم وهو يناظرها كان شكلها كيوت بقوهـ !
قال وهو كاتم ضحكته : انا شرير ؟
فتحت سارهـ عيونها وهي ما استوعبت انها قالت هالكلمه ورفعت راسها وهي موت مستحيه " افف شفيني قمت اقط خيط وخيط !" وجلست ساره تضرب صدر سعيد بيدها الصغيره الناعمه !
سارهـ وهي من الحياا مو عارفه وش تقول وللحين جالسه تضربه : لا تتطنز علي خلاص اسكت ما ابغى اسمع صوتك !
سعيد وهو جالس يضحك ويحاول يمسك يدينها عشان لا تضربه : ههههههه طيب لا تضربين يا شريرهـ هههههه !
حبست ساره ضحكتها وقالت بصوت ناعم وهي تسوي زعلانه : سعييييدووه !

كانت اصوات ضحكهم تتردد على اذن موسى الا كان جالس يفرش له فرشه عالارض عشان ينام وحدهـ المزاج عنده معصب " استغفر الله وش هالضحك ولا كأنهم ضايعين "
قطع حبل افكاره صوت ابو عمر وهو يقول بحده : ايش هالكلام الا سمعته يا موسى !
لفّ موسى على ابو عمر وقال باستغراب : اي كلام ؟
ابو عمر : لما قلت لهم انكم موب متزوجين , مو عيب عليك , الناس شكلهم حليوين وربي رحمهم فينا والا كانوا راح يموتون لا سمح الله , ما ابغى اسمع منك مثل هالكلام اترك الناس لحالهم . .
تأفف موسى وقال : بس ..
ابو عمر وهو يلحف عمر الا كان نايم : لا بس ولا هم يحزنون , خلاص يالله ارقد ورانا بكراا مشوار طويل . . .
موسى : طيب ..



اليوم التالي , 8 الصباح

قمت وانا احط يديني على ظهري " آآآآهـ وش ذااا الله يحلل الارض , تكسّر ظهري من ذاا المقعد "
تثاوبت بهدووء وشفت سارهـ قدامي جالسه هي ونايف وعمر ويلعبوون بسيارات . .
كحيت بهدوء , ولفت ساره علي وقالت وهي تبتسم : صحيت !
ابتسمت وانا اشوف وجهها مليان فرح : ايه صحيت " كملت وانا اقوم من المقعد " قام ابو عمر ؟
سارهـ : اي صحوا من زمان " وقمت من الارض وقلت " وترى جهزت الشناط من زمان
اخذت منشفتي وقلت وانا اطلع من باب الطيارهـ : اجل انا دقايق اغسل وجهي ونرووح
سارهـ : طيب

وطلع سعيد من الطياره وسلّم على ابو عمر وموسى وغسل وجهه وغير ملابسه , لبس له جينز اسود طويل , وعليه تيشيرت سماوي سااادهـ , وراح للطيارهـ ..
سعيد وهو ينادي سارهـ : يالله ساره دخلنا الشناط تعالي بنرووح
قامت ساره من المقعد وطلعت من الطياره وهي تركض من الوناسه < وااااي حماس !
ابتسم سعيد على دفاشتها وقال وهو يتصنع الجديه وبصوت خشن : لا تركضين قدامهم اهجدي ..
سارهـ وهي تكتم ضحكتها وتقلد صوت سعيد الخشن : طيب طيب !
سعيد وهو يرفع حااجبه : خييير , اشوف طالت وشمخت قمتي تتطنزين بعد
قالت ساره بغرور وهي ترجع شعرها لورى : طبعا , اليوم بفتك من خشتك وبرجع لأهلي
سعيد : اجل راح الخوف هااهـ !
سارهـ : ومين قال اني كنت خاايفه , ها ها ها لا تتوهم يا ألبي " ههههه خليني افلها دام اني برجع "
سعيد : ايه ايه يصير خيير " وقال وهو يطلع من الطياره " يالله امشي لا يروحون ويخلونا خخخـ
ساره وهي تركض : اووووبس !
وطلعوا سعيد وساارهـ من الطياره القديمه , وكان موسى جالس يجهز الطياره ويطالع بساره الا انجن لما شافها , كانت لابسه فستان فيروزي " كت < يعني حفر هع ^^ " وكان قصير للركبه وساده مافيه شي غير فيونكه بالوسط ومربوطه من ورى والا تحت منفوش نفشه بسيطه , ولابسه فلات ذهبي , وفاتحه شعرها وماسكه نصه بفيونكه ذهبيه من ورى ..
كانت مراا كيوت < اكيد هع والا ماكان سعيد جالس يتنااقر معاها هع !
ابو عمر وهو جالس يركّب عمر بالطياره ويربط له الحزام : يالله يا سعيد جهزتوا ؟
سعيد توه وصل للطياره هو وساره : اي يا عم خلصناا . .
ابتسم ابو عمر وهو يناظر ساره باعجاب وقال : اهلين يا ساره شخبارك اليوم ؟
ساره بخجل : هلا بك يا عم , الحمد لله انا بخير انت احوالك ؟
ابو عمر " يووهـ لهالدرجه انا كبير عشان تقول لي هالقمر يا عم ! " , ابتسم وقال : الحمد لله ," ولف على سعيد وقال " يالله تفضلواا اركبوا شوي ونطير . .
سعيد : طيب " وناظر ساره وقال " يالله ساره اركبي اول . .
ساره وهي تبلع ريقها " ياربي شلون بركب وانا لابسه هالفستان يعني مافكرت فيها ! < افف وربي اني كمخه "
قالت بتلعثم : هااهـ .. لا انت اركب اول
سعيد باستغراب : ليش شفيك ؟
ساره بخوف : مافي شي , يالله اركب
قال سعيد بهدوء وهو يلتفت على نايف : يالله حبيبي تعال ارفعك عشان تركب
نايف : طيب
ومسك سعيد نايف ورفعه وركبه الطياره بحكم انه المسافه شوي عاليه ويبغى لها واحد طويل . .
والتفت سعيد على سارهـ ومسكها من يدها وقال وهو يهمس باذنها : قولي شفيك لا ترفعين ضغطي !
بلعت ساره ريقها بخوف وقالت وهي ترجف : طـ.. طيب
سعيد : يالله سامعك ؟!
ساره وهي مستحيه : انا لابسه فستاان , ماني عارفه شلون اركب !
بهاللحظات قال موسى وهو جالسه يناظرهم بقهر : اففف يالله يا شباب بنمشي
ابتسم سعيد بخبث وهو انتبه لموسى الا كان يراقبهم من شباك الطياره وقال : طيب هذا احنا بنركب ..
وبحركه سرييعه مسك سعيد ساره ورفعها بيدينه وركبها الطياره ومسك باب الطياره وركب وراها ..
التفتت ساره على سعيد وشافته يبتسم , استحت موت وهي مو عارفه شتسوي " ياااربي مصدق نفسه انه زوجي , يعني على كيف امه يشيلني , حتى ما استأذن قليل الادب ! "


تنحنحت ساره وهي مستحيه وقعدت تنفض فستانها وتصرف السالفه وهي تقول : يـ .. يالله انا بروح اجلس
ابتسم سعيد على حيائها وراح هو الثاني عشان يجلس ..
جلست ساره جنب الشباك وسعيد جلس بالجهه الثانيه وكمان جنب الشباك . . .
ابتسم سعيد وهو يناظر ساره الا كانت مو معطيته وجه وهو عارف انها تراقبه بس ما تبي توضح هالشي له !

وبعد ثوااني , طار موسى بالهيليكوبتر . .

احم احم , بشرح لكم وش صار بالاربع ساعات الا جلسنا طايرين فيها . .
انا اناظر الشباك بعين واناظر سعيد بالعين الثانيه < هع اخااف انوو ينط ويجي بالكرسي الا جنبي > لحوول مسااوي لي قلق !
هههههه المووهيم ..
وهو شكلواا مو منتبه لي وجالس يسولف مع ابو عمر ويضحكون ويتبادلون ارقام الجوالات وحووسه < على فكرهـ ابو عمر صغير ماعنده الا عمووري ^^ ..
وانا بهالوقت حسيت بالملل وطلّعت دفتري وجلست اتصفحه واحط تعليقات واقرى < يااي لما اجي عند صفحات هبالنا انا وخواتي وربي مووت مشتاقه لهم واعد الثواني عشاان نوصل !
واما نايف وعمر جننونا وجلسوا يلعبون حبشه < ياليل البعارين والبقر إهي إهي >< . .
ومراات يجي عمر عندي ويجلس بحضني ويسولف معايا " يا نااسو هالصبي وربي تووحفه عمره 4 سنوات بس شي شي ماشاء الله عليه . .

[دمعه حزن 22]

وايش كمان اممممممممـ !
ههههههه يالله عاد اقلبواا وجيهكم ماصار شي بعد لانو خلاص بهالدقيقه وصلنا ^^

ناظرت ساعتي الا بيدي كانت الساعه 12 وربع . .
مسكت نايف من يدهـ ونزلناا من الطيارهـ
همست لسعيد وانا اقول : سعيد سعيد ..
سعيد وهو ينزل الشناط : نعم ؟
سارهـ : الحين متى بنركب الطياره عشان نروح للسعوديه ؟
سعيد : ابو عمر بيحجز لنا عاد نشووف متى بيجيب التذاكر !
ساره بقلق : يعني كم ساعه ؟
التفت سعيد على سارهـ وشاف قلقها وقال وهو يترك الشناط بهدووء : مدري قال عالكثير يومين
ساره بصدمه : يومين !!
سعيد : اكيد بياخذ له وقت لانه احنا ببدايه العطله الصيفيه واكيد زحمه . .
ساره وعيونها بدت تلمع وبتصيح : طـ.. طيب ما يقدر يجيب لنا تذااكر ابكر من كذا , ماني جالسه هنا يومين الله يخليك , قول له !!
تأفف سعيد وقال : يا ساره صلي عالنبي , خلينا نرتاح شوي وبعدين اكلمه , عيب عاد نثقل عالرجال عطلناه عن شغله من امس ..
ساره وهي تبلع ريقها بخوف : بس بتكلمه اكيد ؟؟
سعيد وهو يشيل الشناط : اي اكيد " ومد لساره شناطها وقال " يالله امشي ..
مشت ساره وهي ماسكه شنتطين صغار وقالت : وين بنروح ؟؟
سعيد : ناخذ لنا شقه بفندق عشان نرتاح , وش قلنا تو !
سارهـ وهي تنزل راسها بخيبه امل : طيب . .
كان سعيد وساره ونايف يمشون ورى ابو عمر الا قال انه بيحجز لهم بالفندق نفسه الا هو ساكن فيه ..
وركبواا سياره تاكسي واتجهوا للفندق

والساعه 1 ونص وصلواا للفندق , بهاللحظات رفعت ساره راسها وهي تطالع العمارهـ العظيمه < هع !
كان فندق راااقي ومبين عليه كشخه وغالي < 10 نجووم موب خمسه هع هوع ! ..
قال سعيد بهدوء وهو يكلم ابو عمر : يا عم هذا الفندق شكله غالي !
قال ابو عمر : انا ساكن هنا " وقال وهو يتصنّع العصبيه " وبعدين انت احد سألك ؟ يالله انثبر انت وزوجتك واخوك على ما آآخذ لكم غرفه . . .
-_-" < كان وجه سعيد كذا اول ما سمع كلام ابو عمر ! , وابتسم سعيد وقال مع نفسه " كأنه الرجال قلب علينا ههه ! "
وراح لعند ساره ونايف وعمر الا جلسوا بالمقاعد الفخمه الا لونها بني ومرصعه بتطريزات فضيه جميله ..
وكانت الاضائه الذهبيه تعكس جمال كل شي بالفندق ..
كانت سارهـ جالسه بهدوء ومنزله راسها , ومع كل شي حولها يفتح النفس الا انه هي كانت متضاايقه موت ..
" نسيت انه زحمه هالايام , اففف ليتني ما تحمست عشان ما انصدم هالكثر !! "

- come`on little princess smile !
- هاا !
قالت ساره هالكلمه وهي اول ما رفعت راسها شافت قدامها واحد من الامريكيين الا يستقبلون الناس الا بالفندق وهو ماسك بيدهـ جوري حمراا تجنن !
كان الامريكي يجنن بمعنى الكلمه ! ابيض وعيونه زرقاا وشعره اشقر ومسويه سبايكي ولابس ملابس رسميه سوداا , وقراف احمر < يعني كرفته بالسعودي ههه ^^ !
استحت سارهـ وهي متنحه واخذت الجوري وابتسمت له . .
بهاللحظات جاا سعيد واستغرب لما شاف الرجال وقال بهدوء :
- what ?
قالت سارهـ وهي تتلعثم : مافي شي بس عطاني وردهـ . .
ابتسم سعيد وشكر الرجال وهو كان عارف انه هذا جزء من استقبالات الفندق . . .
وبهاللحظات جاا ابو عمر وهو يقول : يالله اخذت لكم غرفه , تفضلواا ..
سعيد : طيب كم كلفك ؟
تأفف ابو عمر وهو يشيل عمر بيدينه وقال : ترى بتصير غثيث يا سعيد وبزعل منك !
ابتسم سعيد وقال بهدوء : طيب طيب , مشكور يا عم .
ابو عمر : لا ولوو , يالله انا استأذن وانتوا روحوا لغرفتكم وارتاحواا ونتقابل العصر ان شاء الله
سعيد : الله يفتحها عليك يالغالي , وان شاء الله عالعصر ^^
وجاا واحد من الموظفين واخذ شناط ساره وسعيد , وراح معاهم موظف ثاني عشان يوريهم الغرفه ويعطيهم المفتاح ..
واول ما وصلواا ..
سعيد بهدوء وهو ياخذ مفتاح الغرفه :
-thank you
- your welcome ..
فتح سعيد الغرفه ودخلت سارهـ
كانت سارهـ شارده بعالمها الخاص " يارب يجي اليوم ابو عمر ويقول انوو الطياره اليوم ! يارب يارب يارب "
سسكر سعيد باب الغرفه وحط المفتاح عليه وقفله , وقال بهدوء : يسعدك يا ابو عمر وربي انوو رجال , هذي شبه جناح موب غرفه بس !
نايف بهدوء : سعيد انا برووح للحمام اوك
سعيد وهو يبتسم : طيب
صحت ساره من افكارها وهي تتأمل الغرفه ولفّت على سعيد وهي تقول باستغراب : طيب وانت وين غرفتك ؟
سعيد باستغراب : وش قصدك ؟! انا هنا معكم !
طاحت شنطه ساره من يدها لا شعوريا وقالت بخوف وهي فاتحه عيونها : بس !!
سعيد وهو يقرب من ساره بهدوء : ساره وش فيك لا تجلسين تسوين لي نيااحه " وكمل كلامه وهو يبتسم بهدوء" لا يكون خايفه , مو انتي قلتي انك ما تخافين !
نزلت دمعتها بهدوء وقالت : بس انا ماقلت لك اني بجلس معاك بغرفه وحدهـ , لو سمحت مابغى اجلس هنا قول لهم يعطونا غرفه ثانيه انا كفايه ضايق خلقي لو سمحت . .
سعيد وهو يتأفف : ومن وين فلوس ؟؟
ساره وهي مرتبكه وميته خوف : مدري .. تصرف
رفع سعيد حاجبه وقال بجديه : لا يكون على بالك انه انا ولي امرك والا من هالكلام , انتي بنت صديقه امي وانا مالي دخل فيك " وقال وهو من جد معصب " وبعدين مسويه انك خايفه وكل شوي تبكين عندي وربي ماعرفنا لك تراني لا بغيت اسوي شي سويته ماني مستأذن منك فاهمه !
سارهـ بخوف وهي تبعّد لورى " يماا , كلامه يخووف وش بسوي !! " قالت وهي ترجف : ابغى ارجع لاهلي ..
سعيد وهو يرمي نفسه عالسرير وهو معصب : عاد يالله كأني انا الا مضيعك , خليك عاقله وانثبري هناا ما ابغى اسمع لك صوت ابغى ارتاح اففففف !!


جلست ساره عالارض وهي منهاره وتصيح . . .
" كأني قسيت عليها ؟! , مدري والله .. افف , كل شوي تقول لي انها خايفه كأنها شايفتني بزر ما اقدر اتحكم بنفسي !
وبعدين انا مو بيدي ارجعها للرياض ! , حتى فلووس ما معاي لو ما الله ثم ابو عمر كان مدري حنا وين الحين بننام , افف على طاري النوم خليني انام "
ونام سعيد بعد كل هالتعب . .
واما سارهـ جلست تصيح بهدوء لمدهـ وبعدها نامت عالارض تحت الستاره البيضاا . . .

لحظه !
وين نايف ؟ < انفجعتواا صووح ^^
لا تخافون للحين بالحمام , ههههههههه عاد الله لا يوريكم تعالوا نشوف وش جالس يسوي !
كان نايف جالس يتأمل الحمام الغريب العجيب وهو لابس الرووب الموجود فيه ويستهبل عالمراايا < يسوي عضلات هع !
نايف بهبال : خليني اطلع لهم هههه !
وطلع نايف من الحمام وهو لابس له الروب الا يسحب ورااهـ والا يشوفه ينقالك فستان زواج خخخـ
نايف وهو يبتسم : هااي !
فتح عيونه وهو مستغرب انوو محد رد عليه وراح عالسرير وشاف سعيد نايم وشاف الستاره تتحرك وخاف شوي !
واول ما ناظر شاف ساره مكورهـ نفسها ونايمه عالارض بطفووله ..
" يوووهـ اجل العب مع مين طفش ياربي .. "
وفصخ نايف الرووب وجلس عالكنب وجلس يحووس بالتلفزيون الا قدامه الى ان شغّل له افلام كرتون وجلس يطالعه ..

[دمعه حزن 22]

.................. !





-



الفصل السابع / قريبه من قلبي .

الساعه 1 ونص الظهر .
كنت توي صاحيه من النوم والخاله نهى كانت بالغرفه تفتح الستاير ..
نهى : ها يا بنيتي عساك ارتحتي ؟
قلت بهدوء : اي الحمد لله . .
نهى وهي تبتسم وتجي جنبي : يالله يا بنتي روحي غسلي وجهك وصلي واذكري الله وتعالي للمجلس حطينا الغداا هناك , والشباب بيكونون تحت يعني خذي راحتك . .
قلت وانا منزله راسي : طيب بس وين شنطتي ؟
نهى : الشغاله رتبت اشيائك بالدواليب وحطت كل شي , مالها داعي الشنطه ..
وطبطبت بلطف على راسي بيدها وطلعت من الغرفه وهي تقول : يالله ننتظرك

" معقوله انا بعيش هنا ؟! , مستحيل !! . . بكلم خاله نهى بالموضوع بس موب الحين حالتي والوقت مو مناسبين ابد "
تنفست بصعووبه وقلت بغصه : الله يرحمكم . . .
قمت من السرير وتوجهت للدولاب واخذت ملابسي ورحت للحمام ..
جلست قدام المرايا وانا اتحسس وجهي الا كان لونه اصفر والهالات السووداا حول عيوني ,ترى ماكانت تطلع لي من قبل ..
بس يمكن من التعب ! مو تعب بجسمي تعب بقلبي ونفسيتي . . .
نزلت دموعي وانا اناظر شكلي !!
" ليش كذاا صار فيني , تغيرت بيوم ليله . . انا لازم ما اكون ضعيفه , لازم اتحمل "


ورحت فتحت الدش وجلست تحته وانا ابكي من الخووف ومن الوحـده الا احس فيها ومن فقداان اعز الناس , ومن مستقبلي الا مخوفني مفاجآآته !

جلست مدهـ بالحمام على ما اخذت شور بسيط . .
وبعدها طلعت وانا لابسه بجامتي البنفسجيه الا فيها ميكي ماوس , اتذكر ان امي ما رضت تشتريها لي قالت غاليه ومين بيشوفني بالبيت , بس نورهـ اختي شرتها لي وسوتها سبراايز . .
هذي اول مرهـ البسها !
تنهدت بحزن وانا اتذكرهم , الصرااحه طاري الذكرى يهد الحيل . . .

جلست بكرسي التسريحه بهدووء وانا اناظر شكلي بالمرااياآ " مو كأنه الحين احسن ؟! , يمكن تو كان شااحب لاني توي صاحيه . . "
مسكت المشط الموجوده على التسريحه < مدري حق مين خخخخـ ^^
ومشطت شعري الناعم بهدوء وانا سرحاانه بشكلي بالمرايآآ , فكرت بهدوء وانا كأني اول مرهـ احس انه موت اهلي سالفه جديه !
لا تلوموني من مدهـ بس ابكي واتذكرهم . .
" انا موب صغيرهـ مرهـ , عشان ما اقدر اتحكم بنفسي , لازم ارجع سارهـ الا اول . . لازم اكون قويـه لان الضعف بهالحياه ما ينفع !
الكل راح يستغلني , انا لازم اتقبل موتهم , واحااول اتأقلم مع حياتي الجديده مع انه صعب علي هالشي مووت !
بس لازم اسااوي هالشي . .
انا بعدني ما خسرت شي , عمري 16 سنه وحلوهـ والكل يتمناني , باقي لي سنتين واتخرج من الثانوي , لازم اذااكر زين وما اخلي احد يكسرني بسهوله . .
امي اكيد ما راح ترضى تشووفني بهالشكل , انا لازم اجدد نفسي واعودها على الصبر , لازم لازم ! "


- طق طق !

فجأهـ قطع حبل افكاري العنود وهي تدخل الغرفه ووراها نانا " الخادمه " وهي شايله معاها اشيااء كثير !
انا باستغراب : وش فيكم ؟
العنود وهي تسحب كرسي وتجلس عليه : ابد , مافي شي استأذنت من امي اجيب للغرفه اشياء ومن الصباح وانا احوس , عاد شريت لون زهري مدري وش تحبين لون ههه ^^ .
فتحت عيوني وانا مستغربه " يماا ! هذي مين ؟ العنود ؟ ! " بلعت ريقي وانا لسى متنحه وموب فاهمه شي : هااهـ .. اغراض ايش ؟
العنود وهي تتأفف : اووف قلت لك اغراض للغرفه وش بك ! , شريت فرشه جديده للسرير وابجورتين وسجادهـ ومخدات , شوفي وين تبغين نحطهم ؟
للآن وانا مبللّمه ابغى افهم ايش الا صاير " وربي احترت هذي العنود المغرورهـ والا وحدهـ تشبهها ! "
العنود : الوووو ساره !
سارهـ : هلا وش بغيتي ؟
" وش بها البنت ؟ " قالت العنود : اقولك تعالي شوفي وين بنحط الاشياء , وبعدين صح ! ليش ما جيتي تتغدين امي عزلت لك وحطته بالفرن اذا بغيتي قولي لنانا . .
ابتسمت لا شعوريا وقلت : طيب شكرا . .
ورحت صوب العنود وجلسنا نتناقش على اماكن الاشياء !
" صرآآحه صدمتني , وربي ما توقعتها كذا , صدق انه المظاهر مو كل شي ! "


بغرفه نهى . .
نهى وهي جالسه عالتسريحه وتزبط شعرها : حتى لما جيت اقومها اليوم وجهها يخوّف , مسكينه وربي البنت تجنن ملاك ما تستاهل .
وليد : ................
نهى : وليد انت تسمعني ؟
وليد وهو يبعّد الجريدهـ عن وجهه : هاهـ , ايه معاك . .
نهى وهي تتأفف وتناظرهـ : كذااب جالس تقرى , اففف . . تصدق ودي ارضعها وتصير بنتي , او اتبناها , اعمل اي شي بس ترتاح وتعيش معااآي , وربي قلبي كان حاس انهم ما ماتواا , وقالت لي بدريه انها تحس بنفس الشعور .
وليد وهو يرفع حاجبه : ليش موب كافيتك العنود ؟ وبعدين مين قال لك اني ابغاها تصير بنت لي
بلعت نهى ريقها وقالت بهدوء غامض : وليد انت متضايق من جلستها ؟
ناظر وليد نهى بهدوء وعدل جلسته وسكر الجريدهـ وقال : تبغين الصدق , اي متضايق
نهى بصدمه : لييش ؟؟ هي ساوت حاجه !
وليد وهو يتنهد : لا يا نهى مو بضيق المكان او شي , بالعكس انا اول واحد بيجيبها لو كنت ادري ! بس الناس اكلووني بالاسئله . .
نهى :كيف يعني ما فهمت عليك ؟
وليد وهو يتأفف " ادري انها بتتضايق بس لازم اقول لها " و قال بهدوء : يعني يا نهى جلستها معانا غلط بغلط , لا من مجتمعنا ولا من الدين !
يعني البنت ما تقرب لنا ولا نعرفها مجرد انها تكون بنت صديقتك , وبعدين الناس وهم بالعزايم بس يسألوني عنها , شسمها ! وكم عمرها , ووين بتعيش . . . واسأله كثيرهـ , انحرجت اجاوبهم , موب كلامي صح ؟
نزّلت نهى راسها بحزن ودموعها متجمعه وقالت : اي صح بس . .
وليد وهو يقرب من زوجته : انا ما ابغى ازعلك , بس لو جلست معانا يوم يومين اسبوع شهر وبالكثير سنه , مستحيل بيتركونها الدوله معانا . . لانه مافي صله قرابه , واحنا عندنا شباب . .
يعني مهما جلست وطوّلت مرجعها لدار الايتام صدقيني !
انا قلت لك هالكلام من الحين عشان تاخذين قرارك قبل لا نتعود عالبنت وبيكون فراقها صعب عليك اكثر من كذاا . .
نهى وهي مو مصدقه : تبغاني اوديها لدار الايتام ؟؟
وليد : هذا احسن حل . .
بلعت نهى ريقها وقالت : طيب واذا لقيت لك حل ثاني بتخليها معانا ؟
وليد : اذا كان مافيه قيل وقال بين الناس ومناسب للكل اكيد ما بعارض , وانتي تعرفيني
نهى بثقه غامضه وهي تمسح دموعها : طيب . . .

[دمعه حزن 22]

الساعه 2 ونص , غرفه ساره

العنود وهي جالسه عالسرير مع ساره : هههههههه عاد تصدقين انا بغيت اساوي حفله لما عرفت انوو بنت ثانيه بتجي بالبيت ! على الاقل اقضي وقت معاكي مو مع الشباب خخخخـ
اكتفت سارهـ بمجرد الابتسامه " انتي فرحتي وانا بدت تعاستي ! "
العنود بطفش : اممم وشرايك نطلع نتمشى بالاسواق ؟
سارهـ : لا خليها بوقت ثاني . .
العنود : لا بلييز اليوم ماارا طفش , بس انا وانتي يالله بلييز لا تكسرين بخاطري ><
سارهـ : ههههه طيب بس وين تبغين تروحين ؟
العنود وهي تفكر : اممممممممم , شرايك نرووح لصحاري ؟
سارهـ : عادي الا يريحك
قامت العنود من السرير بفرح وقالت : اجل اوك انا برووح اجهز الاشياء الا بشتريها وانتي بعد صلاهـ العصر اجهزي اوك ؟
سارهـ : لحظه لحظه , ماعندي عبايه ولا نقاب !
العنود : ههههه انا بعطيك عاد انتي نفس طولي وجسمي بتطلع عليك تمام
سارهـ : طيب مين بيودينا انتو عندكم سواق ؟
العنود وهي تطلع من الباب : سعيد الا بيودينا , خخخخخخـ باحلامك يحطون سواق يدرون اني بفنكشه بدقيقه هع هع !
وطلعت العنود من الغرفه وانا لا شعويا تورّدت خدودي ونزّلت راسي " يووووهـ نسيت سعيدووهـ , يامال العافيه وع مابغى اروح معاهـ يارب ما يرضون اهلها !! "


باب البيت ينفتح بقوهـ والصراخ يجي من تحت !

- يباااا , يماااا
نهى وهي تطلع من غرفتها : سعيد ! وش فيك ؟
سعيد وهو يصعد الدرج بخطوات كبيرهـ , وقال وهو فرحان : يمااا يمااا , قبلووني مستشفى الملك خالد بشتغل هناك !!
نهى وهي مو مصدقه : مبرووك يا سعيد مبرووك يا وليدي , ان شاء الله نفرح فيك معرس يارب
ابتسم سعيد وقال : شسمه , شغلي يبداا مع بدايه الدراسه يعني بعد 3 شهور بالضبط
نهى : طيب اي قسم دخلت , يعني وش نوعيه شغلك ؟
سعيد : قبلووني بالمختبر والتحاليل , وراتبي قالوا انه بيبداا من 6000 وبيزود اذا رقووني بعد
نهى بفرح : الحمد لله , الحمد لله , خيير ونعمه عاد انت احرص على شغلك موب تخرب السالفه وتروح يوم و10 ما تروح , مثل شباب هالوقت !
سعيد : ههههههه , لا وش دعوهـ يماا انا ولدك تربيتك ^^
قالت العنود وهي تطلع من غرفتها وتفحط بالمجلس : وش وش وش صاير ؟
سعيد : هههه جت الملقووفه , اسمعي قولي لصديقااتك ان اخوي صار يشتغل بالمختبراات والا يقرب مني على طوول ابرهـ !
العنود وهي تطب جنبه وتجلس : ههههههههه اوف مافيه تفاهم ! هع مبرووك يا دكتور سعيد
سعيد وهو يبوسها : الله يبارك فيك عقبالك
قالت العنود بصوت تمصلح وشقت الكشررهـ : اقوول شرايك بمناسبه تعيينك توديني للسوق اليوم ؟
سعيد وهو يتأفف : اففف وانا اقول موب من عادتها تبارك , وبعدين المفروض انتي الا تعطيني هديه انا الا متوظف مو انتي !
العنود : افففف يما شوفيه !
نهى : وانتي وين رايحه بهالعصريه بس دوراان بهالاسواق وبدوون فايدهـ
العنود وهي تبوّز : الا الا له فايدهـ وبعدين ما بدوور بروح مع سارهـ ونستانس هناك , مسكينه ماراا متكآآئبه قلت اونسها
وقامت وهي تسوي زعلانه : اثاريكم مو كفوو !
نهى : تعالي تعالي ! دام مع سارهـ خلاص روحوا بس اسمعيني زين , هبال ومغاازل وخرابيط ما ابغى " ولفت ع ـسعيد وقالت " وانت انتبه لها تراها مرجوجه وخلك معاهم مو تضحك عليك تقول لك روح ارتاح واحنا نتمشى ونرجع طيب ؟
سعيد بتعب : يا ماما الله يسعدك مالي نفس بالاسواق , خليها بوقت ثاني
العنود : اقوول يالله بس , امي واافقت مو بكيفك وبعدين انا قلت لسارهـ عيب ما توافق ..
" اووف يا ذي السارهـ للحين لاحقتني ! " وقال بجديه : خلاص العنود لا تسوين قلق , مابغى اوديك روحي لصقر . .
العنود وهي معصبه وتقووم : اوووف اخواان عالفاضي !
وراحت لغرفتها . .
ابتسم سعيد عليها ولف على امه وقال : يماا الا وين نايف ؟
نهى وهي تبتسم برااحه : لبى نايف , نايم ياقلبي للحين , الليل كله وهو يقوم ويدورني وآآخر شي خلاني انام عندهـ
سعيد وهو يغمز لأمه : هههههههه ما الومه ماشاف القمر له مدهـ
نهى وهي تبتسم برضى : الله يسعدك يالغالي , انتوو اقمااري وربي . .
سعيد وهو يبوس راس امه : يسلم لي راسك يالغاليه , يالله تامرين شي انا بروح اريح بغرفتي ؟
نهى : سلامتك . .



بعد فترهـ , بالتحديد الساعه 6 ونص المغرب . .
توي مخلصه صلاهـ , وطبعا قالت لي العنود انوو سعيد تعبان وما يقدر يطلعنا " مافرقت معاي اهم شي انوو ما اطلع معاهـ " . .
لذحين وانا جالسه بغرفتي , امممـ جالسه اقرى كتـاب عطتني اياهـ العنود , ما ابغى اطلع للمجلس مالي نفس اتكلم مع احد " الصدق انه ضاايق صدري وماسكه الكتاب وما قريت منه شي خخخـ مجرد منظر " . .

خلوكم مني , المهم نرووح لعند خاله نهى . .
كانت نهى جالسه تنزل بالدرج وهي مرتبكه " ياربي انا استخرتك ياارب يوافق ويكون هالشي خير لناا , ياكريم "
ووصلت للمقلط الا تحت كانواا العيال كلهم تحت جالسين يطالعون تلفزيون . .
صقر وهو يخمط الريموت من العنود : وش ذااآهـ حطي لنا شي زين والا لا تمسكين الريموت مرهـ ثانيه
العنود بصراخ : اففف صقووور عطني مالي خلق لهواشك !
نهى وهي تدخل : وش فيكم تتهاوشون وبعدين معاكم يعني ؟
العنود وهي زعلانه : يماا هو الا اخذ مني الريموت قولي له يرجعه ما ابغى اشوف فلمه !
تأففت نهى وراحت لعند صقر واخذت الريموت منه والتفتت على العنود وقالت : يالله انتي اصعدي فووق وشووفي هناك الا تبغين . .
العنود وهي تقوم بضيقه : ياربي وش فيكم علي اليوم , مابغى اصعد فوق وع صغير التلفزيون , وبعدين طفش
نهى بجديه : قلت لك رووحي فوق وسكري الباب وراك , يالله
تأففت العنود وقالت وهي تتحلطم وتسكر الباب بقوهـ : بالاول ما تبغون تطلعووني والحين حااشريني فووق وش هذا ياربي !
صقر وهو ياخذ الريموت من يد امه : وربي لق لق ! وهذا وحناا جايبين لهاا بنت ثانيه بالبيت وصااجتنا !
جلست نهى عالكنبه بتعب واضح وهي تتأفف . .
قال سعيد وهو يعدل جلسته - كان منسدح عالكنب - : سلامتك وش فيك يما ؟
نهى : مافيني شي , بس بكلمكم بموضوع يا عيال . .
صقر وهو يلتفت على امه بفضول : آآمري وشو ؟
ناظرت نهى صقر بهدوء وقالت : ما ابغى الف وادوور , انا فكرت بالموضوع واستخرت وما بقى غير رايكم . .
سعيد بخوف : يماا لا تخوفينا وش فيك ؟
صقر بهباله : لا يكون حامل !
نهى : اووص انت , مافيني شي وربي , بس خلوني اكمل . .
صقر بفضول : طيب كملي
نهى : ابووكم قال لي انه جلسه سارهـ عندنا غلط وصح كلامه , بحجه انها ما تقرب لنا وانه الدوله ما تسمح , بس انا مابغى اوديها دار الايتام , هذي بنت صديقتي وغلاتها من غلاهـ المرحوومه , فعشان كذا حبيت اكلمكم وخصوصا انت يا صقر بموضوع . .


صقر باستغراب : انا ! وش خصني بهالشي ؟
بلعت نهى ريقها وقالت بتردد : ابغاك تتزوج سارهـ

بهاللحظه محد انصدم من هالكلام غير سعيد !! " يتزوجها ؟؟؟ لالا مستحيل ! "
وقف صقر بدهشه وقال : نعم نعم !! من جدك يماا ؟؟
نهى : اي !
صقر : مسستحيييل اتزوجها !!
نهى وهي توقف وتمسك يد صقر بخوف : اهدى يا صقر خلنا نتكلم انا ما كملت كلامي !
صقر وهو يفك يد امه منه : ما ابغى اسمع شي , اسمحي لي يماا ما ابغى اتزوجها وبعدين انا صغير وتوي ما خلصت دراسه وما افكر بالزواج , آآسف
واخذ صقر شماغه وعقاله وطلع , ونهى تلحق وراهـ وهي تحاول توقفه بس بدوون فايدهـ . .
حطت نهى يدها على فمها وبكت " ليش كذاا تسوي فيني يا صقر , الله يسامحك"
سعيد بحنيه وهو ياخذ امه للمقلط : صلي عالنبي يماا لا تبكين خلاص . .
وجلس سعيد عالكنب جنب امه ويحااول يهدّيها . .
سعيد : يماا السالفه مو مستاهله لا تبكين
نهى بحسسرهـ : ما ابغى اوديها لدار الايتام , حرام كذاا ! , امها وصتني عليها . . قلبي مو مطاوعني يا سعيد مقدر مقدر !
سعيد وهو يعطيها مناديل : طيب خلاص هدي هدي , لا تسمعنا البنت . .
نهى وهي تحاول تهدى : وش بسوي يا سعيد , كنت عارفه انه ماراح يوافق , بس انا ابغى اتطمن عالبنت حرام نتركها لحالها !
ضم سعيد امه بحنان " طول عمرك حنونه وطيبتك ممليتنا , مقدر اشوفك تبكين " وقال : خلاص يالغاليه لا تبكين انا بحلها لا تخافين . .
نهى بصوت يقطع القلب : بتكلمه يا ولدي ؟ , بس قول له خطبه ويشوفها الشوفه الشرعيه واذا ما عجبته والله ما عاد افتح معاهـ الموضوع , طيب ؟
سعيد : ان شااء الله , بس لا عاد تبكين , يالله اهدي
نهى : الله يسعدك يا سعيد , ياربي ما ابكيك يا وليدي . . .


كل وااحد بعد الا انسمع كان شعورهـ مختلف !
نهى متمسكه بالامل ..
الا هو انوو سعيد يكلم صقر عشان يتزوج سارهـ وترتاح هي وتشوف سارهـ بأمان وهي متطمنه . .
وسعيد شعورهـ غريب !
موب عارف يفسر الشي الا حس فيه لما نطقت امه سالفه الزواج " وش سالفتي ؟ شعوري غريب لما سمعت هالشي ! , بس بكلم صقر ماتهون علي امي وهي بهالشكل "

وصقر ..
قاعد يسوق السيارهـ بجنون وهو معصب " يبغون يزوجوني من الحين طاايح بكبدهم انا ! , اكيد البنت تسد النفس ويبغون يبلشووني فيهاا ! "


وبعدهـا . . .
الساعه 8 ونص العشااء .

- خلاص يا سعيد لا تحااول قلت لك ما ابغى اتزوج , انتو من جدكم !!
سعيد : طيب تهون عليك امي ؟؟
صقر وهو يتأفف : اووف من جدك انت طبعا ما تهون , بس هي موب راضيه تفهم , خلاااص انا قلت لكم لا تفتحون هالسيرهـ معاي طيب !
سعيد : وربي انت الا موب راضي تفهم هي وش قصدها !
صقر باستهزاء : يالله فهمني يا فااهم ؟
- افففف , هي قصدها انه البنت وحيدهـ وماعندها غيرنا وتعرف امي وطبعها ماتقدر تغيره , يعني انت ما تقدر تسوي خير بحياتك !
صقر : اذا خير بيخرب حياتي وبيخليني مرتبط بـ بنت ما اعرفها فبخليه لغيري , والا اقولك ليش انت ما تاخذها وبهالشكل يجيك الخير !
سكت سعيد بهاللحظه . .
وقال بصوت جدي : تستعبط انت ؟
صقر بجديه : دام انك صاجني 8 اتصالات من المغرب , فما اتوقع اني اقدر استعبط بهالموضوع , " وقال بصوت استهزائي " يالله ورنا شطارتك يا ابو الخير . . , سلاام !
وقفل الخط . .

تنهد سعيد بتعب وانسدح عالسرير وهو يلعب بجواله . .
" والله فكـرهـ ! ليش انا ما اتزوجها ؟ عاد انا خلقه ادور لي على وحدهـ صغيره وحلوه وتكون مطيعه .
عاد بصغيرهـ هذي مراا صغيره بس ماعليه مايفرق العمر , اما بحلوهـ ماشاء الله ماعليها كلام ! , بس مطيعه هههه معليه نخوفها بحركه او ثنتين وتصير سيداا . . , تصدقون عجبتني الفكره !
ههههههه نسييت شي , شلون بتوافق ؟ ! عاد اتحداها تواافق وربي هي موب طاايقه تشوف وجهي , بس ماعليه ياسارهـ بلقى سبب عشان اقنعك فيه . . .
صحيح انك بالـ16 وانا بال4 بس موب فارقه معاي , المهم امي ما تتضايق , وعلى قوله صقر ناخذ خير ههههه "

امممم يا سعيد ! وش الشي الا اقدر امسكه على سارهـ عشان توافق ؟!
وش ..
وش ..
اممممممممـ . !


ايوااا ! كأني لقيتها ؟!!



اما انا . . .
كنت فاتحه الشباك وجالسه اناظر القمر بعتمه الليل , وكنت مسكرهـ لمبه الغرفه وجالسه على ضيااء القمر . .
ناظرت بساعتي " يووهـ صارت 11 ونص وما نمت , الصرااحه القمر مغري "
انبهرت من جماله الفتان , كان لحاله بالسمااء وحووله نجوم صغيرهـ , ابتسمت بلطف وانا اعد النجوم الا حوله , واحد اثنين ثلاثه اربعه خمسه !
انا وهند ونوره وعادل وفواز , والقمر ماما . . .
بس النجوم الثانيه ضوئها خفيف وبتروح قريب والقمر يرووح لماا يطلع الفجر . .
مثل ماراحوا اهلي !!
خنقتني العبرهـ بهاللحظه . . .

قطع خيالي صوت الباب وهو ينطق . . " اكيد خاله نهى , صار لها ساعه وهي تجي تبغاني اتعشى , بس وربي مو مشتهيه الدوورهـ تقرفني ! "
وقلت بدون ما التفت : خاله والله ما ابغى عشى ماني مشتهيه . .
- انا سعيد موب خالتك ^^
انفجعت لما سمعت صووته , والتفتت بخووف وانا فاتحه عيوني : وش .. وش تسوي هناا , اطلع براا لا يشوفك احد !!
سكر الباب بهدوء واربكتني هالحركه وقال : اووش , ماراح يجي احد امي وابوي والعنود ونايف طلعواا انتي قلتي لهم انك بتنامين , وصقر مو بالبيت . .
" وش يبغى هذاا شفيه سكر الباب ! , انجن اكييد احمد ربي انه اللمبه مقفله والا كان شافني .. يارب سترك "
رجفت بخوف وقلت والدموع بدت تتجمع بعيوني : ليش جااي هناا وش تبغى مني ؟؟
تأفف سعيد بهدووء ورفع شعرهـ بيده " يووهـ فهمتني غلط ماراا ثانيه " وقال بهدوء : جيت اكلمك بموضوع لا تخافين , تعالي اجلسي .
قلت بخووف وانا لاصقه بالجدار ووراي الشباك : سعيد , بس . .
قلت وانا اقاطعها وبصوت مرييح : عارف وشو بتقولين , تراني ما اشوفك من الظلمه , ولا تخافين ما بسوي لك شي , وربي بس بكلمك . . .
بلعت ريقي بخووف وقربت من السرير وانا المس حواافه بخوف وجلست بهدووء . .
سحب كرسي التسريحه وجلس قداامي بس بمسافه . .


كنت سااكت او بالاحرى مدري كيف ببدى , التفتت يميني ولقيت دفترها الذكريات على الكومدينا " هههه ذكرتني لما كانت بالمطار وطاح منها "
قلت وانا ابتسم : للحين تكتبين فيه ؟
ناظرتني لوهله وبعدين قالت وهي تنزل راسها : سـ .. سعيد وش بغيت ؟
" هههه ليش نزلت راسها ؟ اكيد تذكرت هع ! " , قلت بهدوء: طيب خلاص ماراح اكثر حكي لاني عارف انك خايفه بس معليش اسمعيني للنهايه
سارهـ بغصه خوف : طـ.. طيب