المشاركة الأصلية كتبت بواسطة وش..حيلتي!!
وربي ان هذه الايه ربطت على قلبي بصوت هذا القارى
[قال كذلك قال ربك هو علي هين وقد خلقتك من قبل ولم تك شيئا"]
بالرغم اني امر عليها كثير
والله انها هيضت امور بصدري كنت اخبيها عن الناس حتى امي وخواتي
ولكن بما انكم ماتعرفوني خلوووني افضفض.
انا متزوجه في اولى ثنوي والعام متخرجه من الجامعه
يعني لي تقريبا سبع سنواااااااات..الدراسه كانت ماخذه وقتي
على اني كنت افكر في هذا الموضوع لكن مو على طول..والنااس مايقصرون إذا نسيت ذكروني
وفي السنه الاخيره من الدراسه بدا هالموضوع يشغلني وبدأ يأثر على نفسيتي..الناس قمت اشوف في عيونهم نظرات غريبه اموت منه..وكل ماجيت مجلس الحريم مايقصرون بالوصفات والمستشفيات وانا ما اعطيهم اهتمام والصراحه قلبي عندهم وعيوني ماتناظرهم..ماابي احد يدري اني متلهفه مدري وش فيني..والله الذي لاإله إلا هو ان امي واخواتي مااشتكي لهم ماابي ابين لهم شي ماابيهم يرحموني ابيهم يقووني ويرفعون من معنوياتي بدون رحمه.. وإذا قامت امي تدعي لي ما اقول الا الله كريم ..والله اني اموت في بيتي كم مره من الشوق لطفل يونسني..طفشت لحالي لان طبيعة عمل زوجي مهو عندي الظهر والعصر..بس إذا كان موجود يخف الوجع اللي في صدري زوجي الحمد لله رجل صالح يعطيني نصايح توسع صدري وان الفرج قريب وان الله لن يضيعنا
يابناات والله اني مابي رحمة احد ماابي الا رحمة ربي وانه يرزقني بالذريه الصالحه المصلحه بس حبيت افضفض لاني احس في صدري [تنهيته] يمكن لاني اكتم وما اتكلم.
[ربي لاتذرني فردا" وانت خير الوارثين]
وش وش
ربــــــــــــــــــــــك كريـــــــــم
وسهـــــــــآم الليل مآتخطي
خلّي ثقتك بربك كبيرهـ وربي مآرآح يخيبّك بأذن الله
وربي انك دوم على بالي
ودايم ادعي لكـ
بس عندي أمــــل تجين يوم تبشريني يالغلآ ^_^
كلمآتك عورت قلبي / بس لآ تهتمي من نظرآت النـآس
وقوّي علآقتك بربي بالقرآن والدعآء
وبأذن الله تنفـــــــــــــــرج
آذآ بآقي بقلبك شيء لآ يردك إلآ الخـــــــــآص
رآسليني / قلبي مفتوح ^_^
أهم شيء لآ تكتمين ...
الله يرزقك بالذريه الصآلحه عآجلاً غير آجل ,,
مواقع النشر