يابنات أنا سمعت عن الفرد(سوفت آند بيوتفل) .
بصراحة زمان عملته هو زي أي فرد كيماوي بس إنه أخف. وحدة أعرفها تعمله
كل سنة بس على يد خبيرة جارتها وشعرها ماشاء الله ماصدقت إنه مفرود كإنه ناعم طبيعي ومايتساقط
ولما سألتها قالت أنا مداومة عليه وأتغذى كويس وجارتي تعرف تسويه وأعتني فيه على طول ولا حيخرب.
أما أنا عملته مرة لي أختي وماشاء الله ناسبني وصار حلو وفرحت بيه
بس كان ينزل شوي ومرة عملته بمشغل كان حلو وجلس مدة
شهور ورجع من الأطراف مدبب وينزل لأني أهملته وفي حتى للأطفال خفيف فيه صورة أطفال بس ماأنصح للأطفال
هو تحسي إنه أخف من أي فرد حتى فيه مثل الفازلين يدهن به الأذن والرقبة عشان مايحرقك.
والآن طلع منتج جديد يسموه فرد مائي جربته من سنة ويقولوا طبيعي وسألت الكوافيرة قالت إنه يبيعوه في محلات التجميل بس ماحتضبطيه زي الكوافيرة طبعاً دا سر المهنة .
وقريبتي قالت إنه ينباع بالصيدلية وسألت عنه الصيدلي ماعرف إيش فرد مائي يقولوا بالأعشاب وصراحة مايخلي الشعر ناعم بس تحسي كإنه طبيعي وقالوا مع المداومة عليه يصير كإنه طبيعي وسعره 150ريال سعودي.
والآن اكتشفت إنه هو نفسه سوفت آند بيوتفل الجديد المطور وبالأعشاب ولون العلبة أخضر.
هذا كل اللي أعرفه عنه .
طولت عليك عشان أخبرك عنه بالتفصيل وأنا كنت أبحث عنه في جوجل.
أرجو أكون أفدتك.
مواقع النشر