ماذا تختارين: يولدج دكتور أم تسوين عملية قيصرية ولا يولدج دكتور؟

[عاشقة عشيقها]

السلام عليكم ورحمة الله وبركاته - اللهم صل على محمد وعلى آله وصحبه أجمعين ..

شخباركن اخواتي .. دعواتي لكم من قلبي الله ايسر عليكم اموركم ويفرج همكم ويولدكم ويقومكم

بالسلامة ويرزقكم بالذرية الصالحة ..

انه سبق وطرحت موضوع شنو ردة فعلج لو قالو لج ان اللي راح يولدج دكتور .. والاخوات ماقصروا

بالردود ..

بس انه اليوم موضوعي غير ..

يعني تخيلي قرب موعد الولادة وقالوا لج ان اللي راح يولدج دكتور .. واحنا مجتمعنا العربي شوي صعبة

علينا ان رجل غريب يشوف منطقتنا الحساسة .. ولنفترض ان خيروج بين تسوين عملية قيصرية او يولدج

دكتور ( مع ان هالشي ماعتقد ممكن يصير ويخيرونج ) بس السؤال في بالي شنو اللي اهون عليج

يولدج دكتور ولا تولدين قيصرية احسن ؟ خصوصا ان آلام القيصرية يبيلها فترة لين تتعافين منها تماما"

بعكس ان لو ولدّج دكتور يومين وتصيرين بخير انتي والطفل وتتطلعون من المستشفى ..

بانتظـــار تصويتكـــن وردودكن ..

مع تحيااتي ..

[نوري الهاشم]

أنا راح أختار الدكتور
لا تقولو احراج و ما أدري ايش ،، أنا راح أكون في حالة يرثى لها
و بما أنه دكتور نساء يعني شايف مريضات كثير قبلي و راح يكون
وقت جد يعني ما أتوقع أنه مستهتر أو صغير !!!!!!!!
بعدين القيصري بلاويه بلاوي الله يكفينا الشر

أنا سمعت اذا تولدين قيصري و تطيبين و صحتك مثل الحصان
ما يمنع أنو في ولادتك التالية يصير معك انفجار الرحم لا سمح الله
و ما يقدرون يعطونك طلق صناعي أبد
يعني أضحي بشوي دقايق على موقف ما أبيه
و لا أتحمل نتائج عملية طول عمري

[عاشقة عشيقها]

نوري الهاشم .. مشكورة على مرورج واتقبل وجهة نظرج برحاابة صدر ..

مع تحيااتي ..

[فطووومه 2009]

انا بصراحه رايي مثل راي اختي نوري الهاشم



مشكوره على الموضوع